E - T a m i l : ஈ - தமிழ்

கட்சி ஆரம்பிப்போம்

2009-02-10T18:37:00.001-08:00

இது தேர்தல் காலம்.

தேர்தலை முன்னிட்டு தோன்றி இருக்கும் சிறப்பு வலைப்பதிவு: தேர்தல் - 2009

அது வோர்ட்ப்ரெஸ் கட்சி என்றால், ப்ளாகரிலும் கூட்டுப் பதிவு உதயமாகி உள்ளது: தேர்தலின் திசைகள்

அப்படியே தலை 10, சிறந்த பத்து, டாப் டென் பட்டியலுக்காகவே நான் 10 Hot பதிவைத் தொடங்கி இருக்கிறேன்.

உங்களின் பரிந்துரை, பதிவுகள், லிஸ்ட் எல்லாவற்றையும் தொகுத்து சேமித்து வைக்கும் எண்ணம். சமீபத்திய சூடான இடுகைகள்:

இரண்டு அ-திரட்டி

1. இ வால் போஸ்டர் | eWallPoster

2. தமிழின் முக்கிய பதிவர்களின் இடுகைகளுக்கான குறுஞ்செய்திரட்டி: Twitter / tamils

2008 - தமிழ் சினிமா தேர்தல்: உங்க வாக்கு யாருக்கு?

2009-01-16T09:38:00.000-08:00

Loading...

தொடர்புள்ள பதிவு:

1. All-in-one Hub Awards 2009 Polls

2. What were the notable & forgettable Tamil Movies in 2008: Thamil Cinema

3. Superhit Songs in Tamil Cinema - 2008 Year in Review

'பாஸ்போர்ட்' மருதன் வெளியிடாத பின்னூட்டம்

2009-01-08T09:21:00.000-08:00

எழுத்தாளர் மருதன் 'பாஸ்போர்ட்' தொடரை ஆனந்த விகடனில் எழுதி வருகிறார். அவரின் வலைப்பதிவு | ட்விட்டர் | கிழக்கு பதிப்பக வெளியீடாக இதுவரை வந்துள்ள புத்தகப் பட்டியல்.

இந்த மாதிரி நூல் நிறைய எழுதிய நுட்பர், மறுமொழியை நிராகரித்து விடுவார் என்பது முதல் அதிர்ச்சி. அப்படி என்ன அபாண்டமாக அரற்றி இருக்கிறோம் என்பது இன்னொரு மருட்சி.

சென்ற முறை 'ஒபாமா, அமெரிக்கா பற்றி ஃபிடல் காஸ்ட்ரோ' சொன்னதற்கு சிம்பிளாக நாலு வார்த்தை சொல்லி இருந்தேன். அது யாதெனப்படில்:

---ஜான் மெக்கெயின் இன்னமும் மோசம். முன்னாள் போர் விமானியான இவர், வியட்நாம் மீது டன் கணக்கில் குண்டுகள் வீசியிருக்கிறார்---

நீங்கள் சார்ந்திருக்கும் நிறுவனம் வெளியிடும் புத்தகம் எல்லாவற்றுக்கும் நீங்கள் பொறுப்பேற்க முடியாது என்பது போல் அமெரிக்க படை சார்பாக அங்கு சென்றவர், இட்ட கட்டளையை நிறைவேற்றினார்.

அவரா போர் தொடுத்தார்?

சென்ற அனுபவம் கொடுத்த படிப்பினையில் இந்த முறை பதிவாக இட்டேன்: ஆனந்த விகடனில் அவதூறு பிரச்சாரம்

இந்த முறையும் சில பல மறுமொழிகளை நிராகரித்து இருக்கிறார்.

நான் குருவி மாதிரி. படிக்க: பழங்கால ரிகர்ஸிவ் குட்டிக் கதை

இந்த மாதிரி கீச்கீச்களை ஏன் நிறுத்தினார் என்று இப்போது ஆலோசனை நேரம்:

பாதிப் பேர் கூகிள் ரீடரிலும், மீதப் பேர் படிக்காமல் தலைப்பை மட்டும் தமிழ்மணத்தில் கவனிக்கும் இந்தக் காலத்தில், சைலன்ட்டாக காமென்ட்டை போட்டு விடலாம்.

ஆனால், ஞாநியைப் போல், சாரு நிவேதிதாவைப் போல் இணையப் புரட்சியாளராக ஆவது எங்ஙனம்?

இந்த மாதிரி மறுமொழியை மடக்கி அனுப்பினால் நாலு பேர் பேசுவார்களே!

2008ல் உங்களைக் கவர்ந்த இந்தியர்

2008-12-03T09:00:00.000-08:00

விட்டுப்போனவர்களை, சேர்க்க வேண்டியவர்களை பரிந்துரைத்தால், தேர்தலில் நிற்க வைத்து விடலாம்.

<p>&amp;amp;amp;lt;p&amp;amp;amp;gt;Loading...&amp;amp;amp;lt;/p&amp;amp;amp;gt;</p>

அன்புமணி - புகை பிடிக்காதோருக்கும் புற்றுநோய் தருபவர்களை கட்டுக்குள் கொணர்ந்தவர்.
அபினவ் பிந்த்ரா - நான்கு வருடத்திற்கொருமுறை ஒலிம்பிக்ஸ் வருகிறதே என்று குதூகலிக்கும் மொக்கைப் பதிவர்களுக்கு நாமம் போட்டவர்.
விஸ்வநாதன் ஆனந்த் - சதுரங்க ஆட்டம் என்றால் உலகிற்கு முதலில் நினைவுக்கு வருபவர்.
கே பத்னாபையா - பேச்சுவார்த்தையில் இன்னும் நம்பிக்கை துளிர்க்க வைப்பவர்
ராஜேந்திர கே பச்சௌரி - ஆல் கோர் ஜனாதிபதிக்கு நின்றார்; இவர் நோபல் பரிசு மட்டும் வாங்கினார்.
ரேணுகா சௌத்ரி - வடக்கில் பிறந்திருந்தால் பிரதம மந்திரியாகி இருக்க கூடியவர்.
ப சிதம்பரம் - உள்துறையாயிட்டாரே! பொருளாதாரமும் அமெரிக்கா அளவு சரியாமல் காப்பாற்றியவர்.
லாலு பிரசாத் யாதவ் - இருவுள் பொக்கீடு வரும்போது வானளாவ புகழ் எய்தியவர்.
மாயாவதி - நடுவணசை காப்பாற்ற வைத்தவர்.
சோம்நாத் சாட்டர்ஜி - கட்சியை விட நாடாளுமன்றம் பெரிது என்றவர்.
அர்விந்த் அடிக - இந்தியாவைத் தூற்றி புத்தகம் எழுதி புகழ்பெறுபவர்களில் புதியவர்.
கமல்ஹாசன் - எல்லாம் இன்ப மயமாக ரசிகர்களை மயக்குபவர்
ஓவியர் ஆதிமூலம் - காந்தியும் கோட்டோவியமாக தூரிகையில் நிலைத்திருப்பவர்
மம்தா பேனர்ஜி - டாடா காட்டியவர்
என் எஸ் ஜி ஜே பி தத்தா - இன்னும் உயிரோடிருக்கிறார்
ஜி மாதவன் நாயர் - அடுத்ததாக சந்திரனில் இந்தியரை இறக்கி விடுபவர்.
கிரண் பேடி - டெல்லி காவல் ஆணையர் ஆக்கப்படாவிட்டாலும் சேவையில் ஈடுபடுபவர்.
ஹேம்ந்த் கர்கரே - ஹிந்துத் தீவிரவாதிகளின் சதித்திட்டங்களை அம்பலமாக்கியதாலோ என்னவோ? சாகடிக்கப்பட்டவர்.
கிருஷ்ணம்மாள் சங்கரலிங்கம் - இந்தியா இன்னொரு நிலக்கிழாரிய பாகிஸ்தானாக ஆகாமல் இருக்க -- வயதான காலத்தில் அக்கடா என்றில்லாமல்; களப்பணியில் சோர்வுறாமால் தொண்டு செய்பவர்.

நியுயார்க் பிள்ளையார் கோவிலில் மேயர் ப்ளூம்பர்க் அஞ்சலி

2008-12-01T22:08:00.000-08:00

NY-Flushing-Temple-Worship-Mumbai-Service

அமெரிக்க மசூதியில் தீவிரவாதிகள் தாக்குதல்

2008-09-30T02:58:00.000-07:00

அமெரிக்காவின் ஒஹாயோ மாநிலத்தில் டெய்ட்டன் நகரில் உள்ள மசூதியில் இரம்சானை கொண்டாடும் பொருட்டு முன்னூறு பேர் குழுமியிருந்தனர்.

பெற்றோர்களும் கலந்து கொள்வதற்கு வசதியாக குழந்தைகளுக்கான காப்பகமும் மசூதிக்குள்ளேயே இருந்தது. அந்தக் காப்பகத்துக்குள் அடையாளம் தெரியாத இருவர் நச்சுப்பொருள் நிறைந்த மருந்தை அடித்தனர்.

தொழுகையில் இருந்த பலருக்கும் மூச்சுத் திணறல் ஏற்பட்டது. கூட்டத்தில் இருந்த முதியவர்கள் சுவாசிப்பதற்கு சிரமப்பட்டனர்.

ஒரு குழந்தை உட்பட இருவர் மருத்துவமனையில் அனுமதிக்கப்பட்டுள்ளனர். மற்றவர்களுக்கு அங்கேயே அவசர சிகிச்சை அளிக்கப்பட்டது.

'இது போன்ற ஒன்று இதுவரை நடந்ததேயில்லை. மிகவும் கலக்கமாக இருக்கிறது' என்று டெய்டன் நகர இஸ்லாமியக் குழுவின் உறுப்பினர் தாரிக் (Tarek Sabagh) குறிப்பிட்டார்.

மேலும் விவரங்களுக்கு: Terrorists attack Ohio mosque - City of Brass

வடக்கு வாசல் - டாக்டர் அப்துல் கலாம்: வலையக விழா

2008-09-10T19:10:00.000-07:00

நாள்: 14 செப் 2008
நேரம்: மாலை 6:30
இடம்: புது தில்லி

ரவி ஸ்ரீனிவாசிற்கு மனம் திறந்த மடல்

2008-07-21T20:30:00.000-07:00

ரவி ஸ்ரீனிவாஸ் கேட்கக் கூடாத கேள்விகள் -:) கேட்டிருக்கிறார்.

பாஸ்டன் பாலாவிடம் - 1. நீங்கள் இடும் இடுகைகளின் எண்ணிக்கையை தாக்குப்பிடிக்க முடியாமல் டிவிட்டரின் சேவை வழங்கிகள் அடிக்கடி திணறுவது உண்மையா?

அரசியல்வாதி போல் இதற்கு பதில் சொல்வது நடைமுறை. சிம்புவின் தொல்லைகளைத் தாக்குப்பிடிக்க முடியாமல் நயனின் கலைச்சேவை பாதிக்கப்பட்டது என்றால் அது சினிமா சந்தைமுறை. ரவி போன்றவர்கள் ட்விட்டரில் இருந்துகொண்டே இது போன்ற சதிகளை உருவாக்கினர் என்று கட்டுடைத்தல் இணைய எதிர் மரியாதை முறை. இது போன்ற குட்டிகளாகப் போட்டுத்தாக்கும் டைனோக்களை கண்டுகொள்ளாத ரவிக்கு கண்டனம் முறையாகும்.

2. இணைய மற்றும் கணினி addictionனுக்கு பாஸ்டனில் நல்ல சிகிச்சை கிடைக்கிறதா ?

நாங்க எல்லாம் அமெரிக்கா மாதிரி. ஆரம்பத்தில் டாட் காம் பங்குகளாக ராயர்காபி க்ளப்பில் பழியாய்க் கிடப்போம். ஈ-பேயும் அமேசானும் விழ ஆரம்பித்தால் வீடு மார்க்கெட் என்னும் ப்ளாகர், வோர்ட்பிரெஸ், ப்ளாக்ஸ்பாட் பின்னாடி பேயாய் திரிவோம். கொஞ்ச நாள் கழித்து அந்த மோகமும் போய் எண்ணெய் பித்து தலைக்கேறினால், ட்விட்டர் கணக்கை கூட்டுவோம்.

முதல்ல அமெரிக்கா திருந்தறதுக்கே இன்னும் நீங்க உங்க பதிவில் வழிசொல்லியபாடில்லை. அப்புறம்தானே என்னோட பித்துக்கு வைத்தியம் சித்திக்கும்.

நானூறு பதிவுகள். பெரும்பாலானவை அச்செடுத்து படிக்க கோரியவை. வாழ்த்துகள்.

என் எழுத்து, வலைப்பதிவின் உள்ளடக்கம், வடிவம் இன்ன பிற தொடர்புடையவை குறித்த உங்கள் கருத்துக்கள், ஆலோசனைகள்?

எழுத்து: கருத்து சொல்லுமளவு எனக்கு விஷயஞானம் போதாது. தாங்கள் தரும் சுட்டிகளைப் படித்து பயன்பெறுகிறேன்.

வலைப்பதிவின் உள்ளடக்கம்: 'மேய்ச்சலில்' தருவது போல் வெறுமனே உரல்களை மட்டும் இட்டு செல்லவேண்டாம். கென் வில்பர் குறித்த பழைய கட்டுரையிலும் கூட மிரட்டாத அறிமுகம் தருவது போன்ற நடை என்னைக் கவர்கிறது. இலகுவாக வாசிக்க வைக்கிறது.

குறிச்சொற்கள்: தற்போதைக்கு ஓரளவே பயன்படுத்துகிறீர்கள். இன்னும் தாராளமாக உபயோகிக்கவும். ஆங்கில வார்த்தைகளும் இடவும்.

வார்ப்புரு: பயனுள்ள widgetகள் சிலவற்றை சேர்க்கலாம்:

Google Search (Search Box)

Labels (Show all the labels of posts in your blog)

Subscription Links (Let your readers easily subscribe to your blog with popular feed readers)

உங்களின் ட்விட்டர் குறிப்புகள் (add Twitter to your site)

இவற்றை இணைப்பதற்கு http://draft.blogger.com/home என்னும் முகவரியில் உள்நுழையவும்.

நன்றி.

படம்: My Satirical Self - New York Times

A Concise Introduction to Twitter.com and Why you should join there?

2008-07-08T09:28:00.000-07:00

அடுத்த யுகப் புரட்சிக்குள் நுழைய நீங்கள் தயாரா?

இந்தியாவில் சற்றேறக்குறைய பத்து மில்லியன் வலை இணைப்புகள் இருக்கின்றன.

செல்பேசி சந்தாதாரர்கள் எவ்வளவு? நிறைய என்பது உங்களை சுற்றிப் பார்த்தாலே தெரியும். எண்ணிக்கை எம்புட்டு என்று எண்ணிப் பார்த்தால் 250 மில்லியனைத் தாண்டி ஏவுகணைப் பாய்ச்சலில் ஏறுகிறது.

மாதந்தோறும் கிட்டத்தட்ட பத்து மில்லியன் புதிய இணைப்புகளை செல்பேசிகள் சேர்த்துக் கொள்கின்றன.

வலைப்பதிவுகள் என்பது பத்து மில்லியன் வாசகர்களை எதிர்நோக்குகிறது. குறுந்தகவல் என்பது மாசாமாசம் ஆஸ்திரேலியாவை தோற்றுவிக்கும் இந்திய மக்கள்தொகையை ஒத்து செல்பேசிகளை குறிவைக்கிறது.

'மன்னன்' ரஜினி மாதிரி கேள்வி கேட்டால்... 10 மில்லி போதுமா? 250 மில்லியன் வேண்டுமா?!

வலைப்பதிவுகளுக்கு ப்ளாகர்.காம், வோர்ட்பிரெஸ்.காம் இருக்கிறது. குறுஞ்செய்திகளை எப்படி அனுப்புவது?

டிவிட்டர்.காம் உபயோகிக்கலாம்.

(ட்விட்டருக்கு மாற்றாக ஃப்ரெண்ட் ஃபீட் வலையகத்தை சிலர் பரிந்துரைக்கிறார்கள். அது தற்போதைக்கு பயனில்லை என்னும் என் கருத்தை பிரதிபலிக்கும் கட்டுரைகளுள் ஒன்று: FriendFeed explodes onto the scene, but it is still an information fire hose)

முக்காலியாக வலைப்பதிவுகள், அரட்டை, மின்னஞ்சல் கொண்டு பயணித்த இணையம் குறுந்தகவல் மூலம் நான்காவது தூணை துணைக்கு சேர்த்துக் கொண்டிருக்கிறது.

செல்பேசி கொன்டு குறுந்தகவல் அனுப்பினால் நிறைய பணம் விரயமாகுமே? அதுதான் இல்லை.

வழக்கமாக இணையத்தில் மேய்வது போன்றே ட்விட்டர்.காம் சென்று பலருக்கும் செய்தி அனுப்பலாம்.

வாசகரின் செல்பேசிக்கே செய்திகள் சென்றடவைதால், தொலைபேசி போன்ற உடனடித்தன்மை இங்கே கிடைக்கிறது. அலுவலில் மும்முரமாக மூழ்கி இருந்தாலும், அரை விநாடியே செலவழித்து குறுஞ்செய்தியைப் படித்துவிட்டு, வேலையைத் தொடரலாம். மீட்டிங்கில் இருந்தால் கூட பதில் அனுப்பலாம்.

இதெல்லாம் நான் இப்பொழுதே நண்பர்களுடன் செய்து கொண்டிருக்கின்றேனே! அப்புறம் எதற்கு தனியாக ட்விட்டர்?

'கலைஞருக்கு நோபல் ஏன் கிடைக்க வேண்டும்?' என்று பிரச்சாரத்தை ஓசையின்றி முடுக்கி விடலாம்.

மாணவர்களுடன் உரையாட, தற்கால தலைமுறையின் பாஷையில் ஆசிரியர் உறவாடலாம்.

பத்து நண்பர்களுக்கு 'விஸ்டா நிறுவ உதவி தேவை' என்று மின்மடலிடுவதை விட, ட்விட்டரில் கோரினால், கை மேல் பலன் நிச்சயம்.

'சுப்பிரமணியபுரம்' குறித்து விஷயமே இல்லாமல் பதினேழு வரி எழுதுவதற்கு பதில், நச்சென்று விமர்சனம் கொடுக்கலாம்.

சுருக்கமாக, தெரிந்த நண்பர்களுடன் உரையாடுவதை பொதுவில் தெரிவிக்கவும், தெரியாத உறவுகளுடன் தொடர்புகளை உருவாக்கவும், தொடர்பில்லாத விஷயங்களில் தெளிவான கருத்துக்களைப் பெறவும் பயன்படுகிறது.

ஏன் ட்விட்டர் என்பதை விளங்கிக் கொண்டாடியாச்சு. இதெல்லாம் எப்படி செய்வது: ட்விட்டர் குறித்த எளிய அறிமுகம்.

மேலே உள்ள சுட்டியை க்ளிக்காதவர்களுக்கான அறிமுகம்:

ட்விட்டர்.காம் சென்று புதிய கணக்கைத் தொடங்கவும்

நணபர்களை அழைக்கவும். (என்னைப் போன்றோரின் சோத்தங்கை பக்கத்தில் பல புகழ் பெற்ற பதிவர்கள், ட்விட்டரர்கள் இருப்பார்கள்; அவர்களையும் இணைக்கலாம்.)

140 எழுத்துக்களுள் நீங்கள் செய்து கொண்டிருப்பதை முழங்கவும்

அவ்வளவுதான்.

ட்விட்டரினால் ஆய பயன் பற்பல.

சாதாரணமாக நீங்கள் பேசத் தயங்கும் பெருசுகளுடனும் சரி; நீண்ட காலமாக தொடர்பு விட்டுப்போன பால்யகால சிநேகிதிக்கும் சரி; பேச்சைத் துவக்க நெருக்கமான அன்னியோன்யம் கொடுக்கும் சூழல்.

வணிக நிறுவனங்கள் தங்கள் பயனர்களின் குறைகளைக் காது கொடுத்து கேட்கின்றன (Hurry up, the customer has a complaint - The Boston Globe)

ஃபெட்னா விழா நடக்கிறது. பலராலும் மேடை நிகழ்வை கவனிக்கத்தான் நேரம் சரியாக இருக்கும். கிடைக்கும் ஓரிரு இடைவேளையில் பதிவாக அல்லாமல், குறுந்தகவலாகப் பகிரலாம்.

'கத்தாழக் கண்ணால' பாடலுக்கு நடனமாடியவர் யார் போன்ற கேள்விகளுக்கு கூகிள் தேடி தாவு தீராமல் விடையறியலாம்.

'தினம் ஒரு திருக்குறள்' என்று சங்க இலக்கியம் தொடங்கி அன்றாட இலக்கிய சர்ச்சை என்று வகைவகையாக தினசரி தொகுக்கலாம்

இளைஞர்களை ஒருங்கிணைக்கும் பக்கம் முதல் விக்கிப்பீடியா பக்கத்தை தொகுக்கும் பணி வரை எதற்கு வேண்டுமானாலும் செல்லமாக திட்டி, தட்டி கொட்டி வேலை வாங்க, ஊக்குவிக்கலாம்.

திரட்டி என்றாலே ஏதாவது சட்ட திட்டம் இருக்குமே? இங்கு உள்ள நடைமுறை என்ன? Twitter Etiquette | Global Geek News Blog

இந்த மாதிரி பழக்கவழக்கம் எல்லாம் சுயமாகவே நிர்ப்பந்தித்துக் கொள்வதேயன்றி, இவ்வாறுதான் நடந்துகொள்ள வேண்டும் என்று ட்விட்டர் வலியுறுத்துவதில்லை. ட்விட்டரில் இருப்பவர்களும் 'ஃபாலோ' பட்டனை அமுக்கி, தங்கள் கோபத்தை/விருப்பத்தை தெரிவித்து சென்றுவிடுவார்கள்.

இவ்வளவு தூரம் படித்திருந்து, வலையில் எதெது எதற்கு என்று குழம்பிப் போயிருந்தால்...

பதிவு: விவரமானவை; வித்து; கோர்வையான உள்ளடக்கம். (உங்கள் இடுகையை சுட்டிக் காட்ட வைக்க வேண்டும்.)

குரல் பதிவு: தமிழ் படிக்கத் தெரியாதோரையும் சென்றடையும்; வேறு வேலை செய்துகொண்டே கூட கேட்கலாம். (நேர்காணல், எழுதத் தெரியாதவரின் குரல், இசையோடு கூடியது)

கூட்டுப்பதிவு: ஒத்த லட்சியம் கொண்டவர்களின் பதிவுப் பயணம். (விழா, நிறுவனம், கட்சி, நுட்பம்)

வலைத்திரட்டி: புதிய பதிவர்களுக்கு அடையாள அட்டை; தமிழ்மணம் போன்ற இடங்களில் விளம்பரம்.

தெரிவுத்திரட்டி: விடுபட்டதற்கான அறிமுக அட்டை; கில்லி போன்ற வலையகங்களில் வாசிக்க மறந்ததற்கான புத்தகக்குறி.

மனிதத்திரட்டி: நம்பகமான குறிச்சொல் கொண்டது; மாற்று போன்ற சேவைகளினால் வலையில் இருந்து பகிர்பவை.

விக்கி: புத்துருவாக்கம்; சகாக்களின் திருத்தத்துடன் நம்பகத்தன்மை.

மனித விக்கி: தேடல்களுக்கு எளிமையான முன்னுரை விடை; மஹாலோ போன்ற இடங்களில் பெரும்பான்மையினரால் கோரப்படும் தலைப்புகளுக்கு புகழ்பெற்றவர்களால் புகட்டப்படும் முடிவுகள்.

அரட்டை: சோர்வு மறக்கடிக்கும்; விவாத களத்துக்குரிய லட்சணங்களுடன், வெற்றி/தோல்வி சாரமற்ற காரம்.

மின்னஞ்சல்: பத்து வரிக்கு மிகுந்தால் கவனமின்மை தரும்; எரிதமாகிப் போகும் அபாயம் உண்டு; தன்னந்தனியே பேச வேண்டியது.

கோப்பு: அச்சிடுவதற்கு வசதி; ஸ்க்ரிப்ட் போன்ற தளங்களில் ஏற்கனவே உள்ளூர் கணினியில் உறங்குவதை உலகுக்கு வெளிப்படுத்தலாம்.

குறுஞ்செய்தி/குறுந்தகவல்: உரையாடல் துவக்கம்; பதிவில் தனித்துவம் மிளிரும் என்றால், ட்விட்டரில் பொதுக்குணம் தூக்கல்; சுட்டிகள் புழக்கம் குறைச்சல்; முக்கியமாக 'யார் வந்தார்கள்? எத்தனை வருகையாளர்? எப்படி வந்து சேர்ந்தார்கள்?' என்று அலசும் புள்ளிவிவர ஸ்டாடிஸ்டிக்ஸ் லேது.

நினைப்பதை, விரும்புவதை, வெறுப்பதை, நம்புவதை, விழைவதை எண்ணியவாறே பதிந்து வைக்க, பதிந்ததை பலகோடி மக்களுக்கும் பரப்ப ட்விட்டருக்கு வாங்க!

மேலும் ட்விட்டர் குறித்து அறிய: எளிய அறிமுகம்.

கருத்துப்படம்: gapingvoid: "cartoons drawn on the back of business cards": why i deleted my twitter account

ட்விட்டர் தேர்தல் - கருத்துக்கணிப்பு

2008-07-07T10:04:00.000-07:00

Kalachuvadu 100 - காலச்சுவடு பண்பாட்டு நிகழ்வு (ஏப்ரல் 19)

2008-04-12T14:30:00.000-07:00

மேலும் விவரங்களுக்கு: காலச்சுவடு நூறாவது சிறப்பிதழ்

Manal Veedu - Tamil Magazine: Invite for Authors & Subscription Details

2008-04-08T06:50:00.000-07:00

அன்புள்ள நண்பருக்கு,

வணக்கம்.

ஒரு மாற்றிதழுக்கான முயற்சியாக மே ஒன்று முதல் "மணல் வீடு" என்னும் இரு மாத இதழை கொண்டு வரும் முயற்சியில் இருக்கிறோம்.

கலை, இலக்கியத்தோடு மட்டும் நில்லாது நாட்டார்வழக்கியல்,விளிம்பு நிலை வாழ்வியல் என இன்னும் பல கூறுகளை - தமிழ் நிகழ் உலகம் அதிகம் தொடாத இடங்களை பதிவு செய்யும் முனைப்போடு "மணல் வீடு" இயங்கும்.

இந்த மாற்றிதழ் முயற்சியில் தங்களையும் பங்குபெற அன்புடன் அழைக்கிறோம்.

படைப்புகளை இம்மின்னஞ்சல் (manalveedu@gmail.com) முகவரிக்கு அனுப்பலாம்.

சந்தா விவரம்:
ஆண்டுச் சந்தா : ரூ 100
ஐந்தாண்டுச் சந்தா: ரூ 500

சந்தாவை ஐசிஐசிஐ வங்கியில் பின்வரும் கணக்கு எண்ணில் செலுத்தலாம். A/C:611901517766

தங்களின் ஆதவரவினை வரவேற்கிறோம்.

மிக்க அன்புடன்,
மணல் வீடு குழுமத்தார்.

தொடர்பு மற்றும் வெளியீடு:
மு.ஹரிகிருஷ்ணன்,
ஏர்வாடி,
குட்டப்பட்டி அஞ்சல்,
மேட்டூர் வட்டம்,
சேலம் மாவட்டம் - 636453

தொடர்பு எண்: 98946 05371

மின்னஞ்சலில் வந்திருந்தது.

ஜெயந்தி சங்கரின் 'பின் சீட்' சிறுகதைத் தொகுப்பிற்கு நூல் விமரிசனம்

2008-02-29T09:45:00.000-08:00

கங்கா பிரவாகமும் தீபாவளி விருந்தும்

இணையத்தில் கிடைக்கப்பெற்ற அந்த வார கல்கியின் இரண்டொரு பக்கங்களை அச்சுப் பிரதி எடுத்து வந்திருந்தேன். தவறுதலாக தரையில் விழுந்திருந்தது. இரண்டாம் வகுப்பு படிக்கும் மகள் ஓடி வந்தாள். இலையுதிர் மரங்களில் இருந்து விழும் வண்ணம் மாறிய இதழ்களை கவனியாமல் அவசரமாக ஓடும் நதி போல் அவற்றை மிதித்துக் கொண்டே அன்றைய தினத்தில் நடந்தவற்றை சொல்லி முடிக்கும் வேகத்துடன் விவரித்துக் கொண்டிருந்தாள். அவளைக் கையமர்த்தி, 'எதன் மேல் நிற்கிறாய் தெரியுமா? சரஸ்வதி!' தொட்டு ஒத்திக் கொள்!' என்று கோபமும் அதிகாரமும் கலந்த அணைக்கட்டாய் அவளை நிறுத்தினேன்.

'பின் சீட்' தொகுப்பில் வரும் கதைகளும் இப்படித்தான். வாழ்க்கையில் புறக்கணிக்க எத்தனிக்கும் விழுமியங்களையும் மறக்க விரும்பும் கோட்பாடுகளையும் விட்டுவிட்ட கலாச்சாரக் குழப்பங்களையும் முரணாக வினாக்கள் ஆக்கும் தொகுப்பு.

மொத்தம் பதினாறு சிறுகதைகள்.

சிங்கை சஞ்சிகைகள் கல்கி மற்றும் இணைய இதழ்களில் வெளியானவற்றின் தொகுப்பாக மதி நிலையத் தொகுப்பாக வெளியாகியுள்ளது. ஒவ்வொன்றிலும் பலவிதமான நாயகர்கள் தென்படுகிறார்கள். அம்மா கோந்துகள். மக்கள் செல்வம் தங்களுடன் பசையாக இருக்க விரும்பும் பெற்றோர்கள்; பற்றற்ற மாந்தர்கள்; ஆசையை விட நினைப்பவர்கள்; விட்டதாக நினைப்பவர்கள். எல்லோரையும் உலாவ விட்டு அடர்த்தியான கதைகளில் மூழ்க வைக்கிறார் ஜெயந்தி சங்கர்.

நகைச்சுவை அரிதாகவே எட்டிப் பார்க்கிறது. வெரைட்டியான சிங்கப்பூரில் உரையாடல்களின் செழுமை மூலம் எட்டு திசைகளாக விரியும் சம்பவங்கள். நதி பெருக்கெடுத்து ஓடுகிறது. கரும்பு ரசம் போன்ற சுவைநீர், கடலில் திடீரென்று கலந்து உப்புத் தண்ணீர் ஆகிறது.

'அம்மா பேசினாள்' கிரியும் மகாமக நதியாக சாதிக்க நினைத்து ஓடிப் போய் களைக்கிறான். குடிக்கத் தகுதியற்ற நீரானாமோ என்று சோம்பித் துவளாமல், கயலும் கெண்டையும் எதிர்நீச்சலடிக்கும் சூழலை அமைத்துத் தர ஆசைப்படுகிறான்.

புத்தகத்தின் தலைப்புக் கதையான 'பின் சீட்' தமிழ் சினிமா போல் சூடான திரைக்கதையாக விரிகிறது. சிறு வயது மதிப்பீடு போராட்டங்களினால் ஏற்படும் நெருக்குதல்கள்; பெண்களைத் தவறாகப் புரிந்து கொள்ளுதல்; நாயகி தீபா, 'தம்பிக்கு எந்த ஊரு' ரஜினியாக மனமாற்றம் அடைதல்; நம்பர் ஒண்ணாக இருப்பதை விட உச்சங்களைத் தொடுபவர்களை உருவாக்கும் மனப்பக்குவத்தை எட்டுதல் போன்ற மேலாணமையும் மசாலாவும் கலந்த கதை.

மேலை நாட்டுக் கலாச்சாரமான concierge services-ஐ அறிமுகப்படுத்தும் 'சேவை';

மக்களை எடை போட்டு நிர்தாட்சண்யமாக்கும் நிறவெறியையும், செல்நெறி தேர்ந்ந்தெடுத்தல் குழப்பங்களையும் வெளிக்கொணரும் 'கண்ணாலே பேசிப் பேசி';

காலத்திற்கேற்ப காலணிக்குள் நுழைந்து பொருத்திக் கொண்ட ஏபிசிடிக்களையும், பழைய செருப்புக்குள் தைத்து விடப்பார்ர்ப்பவர்களின் நடுக்கங்களையும் சமாதானப்படுத்தும் 'பார்வை'.

பல்வேறு களங்களில் பயணிக்கும் சிற்றருவிகள். ஓடத்தில் பேரருவியாக என்னை மிகவும் ஆர்ப்பரிக்க வைத்தவையாக 'ஜேட் வளையல்',எந்தையும் தாயும், அக்கா மற்றும் திரவியம்

நிறம் பார்த்தோ வயசைப் பார்த்தோ அன்பு உருவாகாது. 'மிருகா' என்றழைக்கும் கிழவியின் பாசம்; ரங்கோலியாக வாழ்க்கையை ரசிக்கும் கிழவியின் பவள வளையல் குறியீடு; உற்றவருக்கு உடல்நலம் சரியில்லை என்னும்போது உள்ளார்ந்து எழும் மனக்கிலேசம்; கோடை கால நூறு பாகை வெப்பம் எல்லோரையும் சுட்டெரிக்கும்.

சத்தியமான சூரியனின் கதிர் போல் அனைவருக்குள்ளும் தகிக்க வைக்கும் மனிதத்தை வெளிக்கொணரும் கவிதையான கதை 'ஜேட் வளையல்'.

பெண் எழுத்தாளரின் மெல்லிய குரல் வெளிப்படும் ஆக்கமாக 'அக்கா'. வீடற்ற முதியவர்களின் நிலை குறித்து உணர்த்தும் 'திரவியம்'. வீடிருந்தும் வாசலிருந்தும் அனாதரவாகி அன்னியப்படும் மாடி வீடுகளைத் தொடும் 'எந்தையும் தாயும்'.

ஒவ்வொன்றும் முத்திரைக் கதைகள். அக்கா மற்றும் திரவியம் சிறப்பாக எடுத்தாளப்பட்டிருந்தாலும், பளிச்சென்ற முடிவுகளும், அவை உணர்த்தும் தீர்ப்புகளும் சற்றே நெருடலாகவே உள்ளன. உரத்துப் பேசாமல் உணர்ச்சிகளை மட்டும் பேச விட்டிருந்தால் மேலும் மெருகேறியிருக்கும்.

இதே பாணியில் 'அப்பாவின் மனைவி' நாவலுக்குரிய செறிவுடனும் கதாபாத்திரங்களும் கொண்டிருக்கிறது. 'தலைச்சன்' அப்பாவின் மனமாற்றங்களும் சடாரென்று நிகழ்ந்து நம்ப இயலாதவொன்றாக ஆக்குகிறது. ஆசிரியர் இதே பின்புலத்துடன் விரிவாக பிறிதொரு புனைவு வடிவத்தில் இவற்றைக் விரிவாகக் கையாண்டால் நிறைவாக இருந்திருக்கும்.

ஜெயந்தி சங்கரின் பல கதைகளில் போதனையும் ஊடே இடம்பெற்றிருக்கிறது. குறிப்பாக 'உன் காலணிக்குள் நான்' பள்ளிக்கூட Moral Science பாடம் போல் தென்பட்டது.

குடிகாரனின் லீலைகளை விவரிக்கும் 'நான் அவனில்லை'யும் மகப்பேறின் மகத்துவத்தை முன்வைக்கும் 'மழலைசொல் கேளாதவ'ரும் திறம்படக் கையாண்டிருந்தால், தற்போதைய நிலையில் வாசகனுக்கு குற்றவுணர்வு கலந்த அயர்ச்சிக்கு பதிலாக, சரியான தாக்கங்களைக் கொடுத்திருக்கும்.

இந்தத் தொகுப்பில் நான் முன்னமே வாசித்திருந்தது 'கடைசிக் கடிதம்' மட்டுமே. மீண்டும் வாசிக்க ஆரம்பிக்கும் முன்னே மனத்தில் தங்கிப் போன நினைவுகளை மீட்டெடுத்து, மீள்வாசிப்பில் மறக்கவியலாத நாவலின் பன்முகப்பரிமாணங்களை வாசகனுக்குள் பாய்ச்சும் தன்மையுடன் விரிந்தது. பிரச்சினைகளைக் கண்டு ஓட வேண்டுமா? தன்னால் தீர்வு காண முடியாத அச்சத்தால், பிறரின் முடிவுக்கே விட்டுச் செல்வது சிறந்ததா? பேசாப்பொருளை எப்படி அறிமுகம் செய்வது? வாழ்க்கையில் எடுத்த முடிவுகள் சரிதானா? தவறு என்றால் எப்போது மாற்றிக் கொள்ளலாம்? மன்னிப்பு எதற்கு தேவை? யாருக்கு பாவம்? யார் பாவம்?

ஒவ்வொரு கதையிலும் வினாக்களும் கதாவாசகனின் அனுபவங்களுக்கு ஏற்ற அர்த்தங்களும் புலப்பட்டாலும், அவை யாவும் மிக சிறப்பாக 'கடைசிக்கடித'த்தில் வெளியாகியுள்ளது.

மஞ்சள் ரிப்பன், ஸ்பாஸிர்ரிஸ் போன்ற வினோத பதங்களை சிங்கப்பூரை எழுத்தில் மட்டுமே தரிசித்தவர்களுக்காக இன்னும் விரிவாக எடுத்துரைத்து லாவகமாக கதையில் விவரித்து, தெரியாத விஷயங்களை அறிமுகம் செய்வித்திருக்கலாம்.

கதைகளில் பெரும்பாலானோர் குற்றமற்ற உத்தமராக இருப்பதை போல் வார்த்தைகளில் வரும் பிழைகளைக் களைந்தெடுத்தால் வாசிப்பு ஈர்ப்பு அதிகரிக்கும். பாரத கண்டத்தை விட்டுப் போனாலும் தீபாவளி கொண்டாடுவது தொடர்கிறது. பத்தாவது படிக்கும் வரை ஆயிரம் வாலா-வா அல்லது அணுக்கத்தில் ஆட்டம் பாம் போடுவதா என்னும் போட்டா போட்டி. கொஞ்சம் கெத்து வந்த வயதில் ரேமண்ட்ஸே வாங்கித் தைக்க அப்பா தயார் என்றாலும் கேப் காக்கியோ, ஏபர்கோம்பி ·பிட்ச் பொன்னெழுத்துப் பொறிக்கப்பட்ட ஆடையோ தாங்கி உலா வரும் ஒளிக்கதிர் போட்டி.

தலை தீபாவளிக்கு மிடுக்கு; ஊர் விட்டு ஊர் வந்திருந்த போது கொண்டாடிய ராம் லீலா மேளா; அமெரிக்காவோ ஆப்பிரிக்காவோ, அயல்நாட்டில் இருக்கும் பத்து தெற்காசிய குடும்பங்களைக் கஷ்டப்பட்டு ஒன்றுகூட்டி திருவிழா கொண்டாட்டம்.

பெற்றோரை விட்டு, சொந்த ஊரை விட்டு தள்ளி இருந்தாலும், தடாலடியாக பண்டிகை தினத்தன்று 'உள்ளேன் அய்யா' போட்டு, சாப்பிடத்தெரியாத தலைவாழை இலையில் அஜீரணம் தரும் எண்ணெய் சமாச்சாரம் தொட்டு திரட்டிப்பால் இரண்டாம் முறை வாங்கி, பூண்டு ரசத்தை கொஞ்சம் தரையில் இருந்து எடுத்து இலைக்குள் தள்ளி, தயிர் சாதத்துக்குப் பிறகு இராஜாவாக பிறக்கும் ஆசையில் பாயசம் சாப்பிட சிரம்பப்பட்டாலும் வயிறு முட்ட வைக்கிறது பின் சீட் தொகுப்பு. சுற்றாரும் வம்பும் இனிப்பும் தீபாவளி லேகியமும் கலந்து பூர்விகத்தை திரும்பிப் பார்க்க சொல்லும் விருந்து.

பின் சீட் (2006)
ஆசிரியர் - ஜெயந்தி சங்கர்
பக்கங்கள் - 153/ விலை- Rs 66
மதி நிலையம்

நன்றி: வடக்கு வாசல் ‍ ஃபிப்ரவரி 2008

தொடர்புள்ள பதிவு: சிங்கை முரசு: எளிமையாக வெளியீடு கண்ட கனமான நூல்கள் - பனசை நடராஜன்:

ராம. கண்ணபிரான்: கதாமாந்தர்களை அறியா பருவத்தினர் மற்றும் அறிந்த பருவத்தினர் என்று வகைப் படுத்துவதாகக் கூறினார். பதின்பருவத்தினரின் உடல், மன மாற்றங்கள், அவர்களுடைய நண்பர்களின் அணுகுமுறையால் முக்கியத்துவம் பெறுகிறதென்றும், அறிந்த மனிதர்களிடம் தான் தியாக மனப்பான்மையும் மோசமான குணங்களையும் ஒருங்கே பார்க்க முடிகிறது என்றும் சொன்னார்.

அருள் குமரன்: அம்மா பேசினாள், தலைச்சன், மறுபக்கம், கடைக் கடிதம் போன்ற சிறுகதைகளைக் குறித்து விரிவாகச் சொன்னார். பலதரப்பட்ட மனிதர்களின் வாழ்வை, அவரது சொந்த அனுபவமோ என்று சந்தேகித்துவிடும் அளவுக்கு எதார்த்தமாய், வாசகனை உள்ளிழுத்துச் செல்லும் வகையில் மிகைப் படுத்தாமல் அருகில் அமர்ந்து சொல்வது போன்ற உணர்வுடன் நூலாசிரியர் சொல்லியிருப்பதாகக் கூறி வியந்தார்.

தன்னை எழுத்தாளர் என்று சொல்லிக்கொண்ட முதியவர் ஒருவர் எழுந்து சிங்கப்பூரில் கதை எழுத கரு கிடைக்கவில்லை என்று தான் நினைத்திருக்கையில் இவ்வளவு திறம்பட சிங்கப்பூர் சூழல்களைக் கையாண்டு எழுதிவருகிறீர்களே என்று சொல்லிப் பாராட்டியதோடு, தகுந்த அங்கீகாரம் கிடைக்கவேண்டும் என்று அக்கறையுடன் கூறினார்.

சிறில் அலெக்ஸ் எழுதிய 'முட்டம்' - புத்தக அறிமுகம்

2008-01-15T09:44:00.000-08:00

தேன் - தோணித்துறைகளும் மதுக்கிண்ணங்களும்

நன்றி: தமிழோவியம்

தேன் என்பது சிறில் அலெக்ஸ் வைத்திருக்கும் வலைப்பதிவின் பெயர். கணிப்பொறியில் கிடைக்கும். அதே போல் அரிதான இன்னொரு அமிர்தம் புட்டியில் கிடைக்கிறது. அந்த வஸ்துவின் பெயர் அப்சிந்த் (Absinthe).

'செய்ய முடியாது. பருக இயலாது' என்று தடா போட்ட அமெரிக்காவில் நேற்றுதான் புழங்க ஆரம்பித்திருக்கிறது இந்த அப்சிந்த். வழக்கமான சரக்குதான். அப்சிந்த்தில் கொஞ்சம் கிக் ஜாஸ்தி. மற்ற சரக்குகளில் எல்லாம் அதிகபட்சமாய் நாற்பது சதவீதம் ஆல்கஹால் கலந்தால், அப்சிந்த்தில் மூன்றில் இரண்டு பங்குக்கு மதுவை தூக்கி நிறுத்தி, உடனடியாக பரவசம் அடைய ஏதுவாக்கி இருக்கிறார்கள். இது போதாது என்று ஜவ்வாது, குங்குமப்பூ போன்ற மூலிகைகளும் லாகிரிகளும் சரியான விகிதாசாரங்களில் அப்சிந்த்தின் சுருதியை ஏற்றி களியாட்டம் போட வைக்கிறது.

சிறிலின் பதிவுகளும் இந்த அப்சிந்த்தை ஒத்து இருக்கிறது.

'நனவோடை, நினைவலைகள் எல்லாம் வயசானப் பெருசுதான் எழுதணும்; சொந்த ஊர் புராணம் எல்லாம் புகழ்பெற்றவர் எழுதினால்தான் எடுபடும்' போன்ற பொடாக்களை உடைத்தெறிந்திருக்கிறார்.

புனைவுகளில் சுருக்கமாக கதையின் ஓட்டத்தோடு களமும் கிராமந்தரங்களும் வந்து போகும். இங்கே நடுநாயகமாக தீர்க்கமாக முழு வீச்சுடன் முட்டம் ஹீரோவாகிறது. மனிதப் பிரளயமாய் கதாபாத்திரங்களை கற்பனையாக்காமல், சனங்களை அன்னியோன்யமாய் தெரியவைக்கிறார். வீரியம் அதிகமானாலும் வீச்சு குறையாமல் நெருங்கி அரவணைக்கிறது.

அப்சிந்த் போன்ற சரக்குகளுக்கு மக்களிடம் அறிமுகம் அதிகம் இல்லை. அதற்கென்று தனித்துவ வாசம் உண்டு. திருட்டுத்தனமாக கடத்திய காலம் முதல் அரிதாக தென்படும் இன்றைய நிலை வரை கள்ளின் ருசியறிந்து ஆகர்ஷிப்பவர்களை குஷிப்படுத்தி நிறைவாக்கும் பண்டம்.

களிப்பதற்கென்று எழுதாமல் கருத்தில் வந்ததை எழுதும் இடம் வலைப்பதிவுகள். அதை சரியாக பிரயோகித்திருக்கிறார் சிறில். வெகுசன ஊடகங்களில், நிழலில் விழாத இடத்தில் பதிந்ததை, பொதுமக்களிடம் கொண்டு செல்லும் சாதனமாக இந்த புத்தகம் அமைகிறது.

புகழ்பெற்ற ஓவியர்களான பிகாஸொ, வான்கோ தொடங்கி எழுத்தாளர்கள் ஹெமிங்வே தொட்டு தற்கால ஆஸ்கார் நடிகர்கள் ஜானி டெப் உட்பட அனைவருக்கும் அப்சிந்த் ஆதர்சம்.

வலைக்குறிப்புகளுக்கும் அப்சிந்த் போன்ற கொண்டாட்ட நிலை. எண்ணிக்கை குறித்து அஞ்சாமல் எண்ணங்களை பதிந்து வைக்கும் தடம்.

English360.com மேற்கொண்ட ஆய்வை இங்கு குறிப்பிடுவது பொருத்தமாக இருக்கும். பீங்கான் சாமன்களை செய்வது எப்படி என்று கற்றுக் கொடுக்கும் வகுப்பை இரண்டாகப் பிரித்தார் ஆசிரியர். முதல் பாதியிடம் 'உங்கள் பீங்கன் பாத்திரத்தின் தரமும் தன்மையும்தான் முக்கியம்' என்கிறார். மீதி பாதியிடம் 'தரத்தைக் குறித்து அஞ்ச வேண்டாம்; நீங்கள் தயாரிக்கும் எண்ணிகையை அளந்தே மதிப்பிடுவேன்' என்கிறார்.

இரண்டு குழுவில் எந்தக் குழு உயர்தரமான பீங்கான் பொருள்களைத் தயாரித்திருக்கும்? இரண்டாவது குழுதான் வெற்றி பெற்றது.

புத்தகம் எழுதும்போது பக்க அளவு வைத்திருப்போம். பத்திரிகைகளுக்கு என்றால் நாற்பது வரிகள் அல்லது நானூறு வார்த்தை என்று ஏதோ லிமிட் கத்திரி இருக்கும். இங்கே க்வான்டிடி பற்றி கவலைப்படாமல் எழுதுவதால் சிறில் சரக்கு க்வாலிடியாக இருக்கிறது.

சிறிலுக்கு பக்க எண்ணிக்கை லட்சியங்கள் கிடையாது. அனுபவித்த ஒவ்வொன்றையும் உருவாக்கும் எண்ணம் மட்டுமே கொண்டு வலைப்பதிவுகளில் அன்றாடம் யதார்த்த மொழியில் தன்னுடைய வாழ்க்கையை இளமைப் பிராயத்தை தங்கு தடையின்றி எழுதியிருக்கிறார். அது தரத்திலும் மிளிர்கிறது.

துறைமுகங்களுக்கு அருகில் தோணித்துறைகள் இருக்கும். பெருங்கப்பல்கள் நங்கூரம் பாய்ச்சி துறைமுகங்களை ஆக்கிரமித்திருக்கும். தோணித்துறைகளில் அந்த கப்பல்களில் வந்த பெட்டிகள் ரகவாரியாக பிரிக்கப்படும். தண்ணீரோடு துண்டிக்கப்பட்ட உறவை கோர்க்கும் பாலமாக செயல்படும். சாலைவழியோடு இணைக்கும். சரக்கு ரயில்களில் ஏற்றிச் செல்ல வழிவகுக்கும். ஆசுவாசப்படுத்தி இயல்பாக்கும்.

செயற்கை துறைமுகத்தில் கப்பல்களாக அணுக முடியாத இலக்கியமாக இல்லாமல் எளிமையான உறவை கொடுக்கும் தோணித்துறையாக இந்த முட்டம் அமைந்திருக்கிறது.

கடைசியாக அப்சிந்த்தைக் குடிப்பதற்கு என்று மெக்சிகோ டெக்கீலாவைப் போலவே சாஸ்திரோப்தங்கள் உண்டு. இரண்டு இன்ச் குழியுள்ள தேக்கரண்டியில் சக்கரைக் கட்டிகளை இட வேண்டும். இப்பொழுது இங் ஃபில்லரால் மூன்று சொட்டு அப்சிந்த்தை அதன் மேல் தெளிக்கவும். உடனடியாக வத்திப்பெட்டி உதவியுடன் திரவத்தை பற்ற வைக்கவும். கொஞ்சூண்டு சர்க்கரை மீதம் இருக்கும். அதன் மேல் குளிர்ந்த அக்வாஃபினாவோ தாஸனியோ சுத்த தண்ணீரை ஊற்றவும். இப்பொழுது கோப்பை மேக மூட்டம் கொண்டிருக்கும்.

அப்சிந்த் என்பது சிறிலின் பதிவுகள். அதற்கு அஸ்கா கட்டிகளாக அந்தப் பதிவுக்கு வரும் மறுமொழி பதில்கள். இந்த வாசகர் கேள்விகளும் பின்னூட்டங்களும் சில துளிகளை தெளிக்க, எல்லாமும் கலந்துருகும் கலயமாக இந்த புத்தகக் கோப்பை.

மகிழ்ச்சியுடன் சிந்தை முட்ட முட்ட அமிர்தம் குடிக்க வாழ்த்துகள்.

1. பிறர் எழுதிய அணிந்துரைகளை வாசிக்க: முட்டம் புத்தகம் பதிவர்கள் பார்வையில்
2. புத்தகம் குறித்த அறிமுகம்: முதன் முதலாக வலைப்பதிவு புத்தகமாகிறது
3. விருபா: 2008 புத்தகத்திருவிழா - ஆழி

எழுதியதில் பிடித்தது - விளம்பர விளையாட்டு

2008-01-14T19:06:00.000-08:00

ஒரு வருஷம் ஓடிப்போச்சே, இந்த ஒரு வருஷத்துல, எழுதிக் கிழிச்சதுல, எது ரொம்பப் பிடிச்சதுன்னு சொல்லணும். அது ஏன்னும் சொல்லோணும். இதுதான் வெளையாட்டு.

- எழுதியதில் பிடித்தது - விளம்பர விளையாட்டு

365 நாள் சென்றிருக்கிறது. எந்தப் பதிவு பிடித்த பதிவு என்று யோசித்தால் இன்னொரு 365 நாள் போதாது.

எனவே, எழுதாத பதிவுகளுள் பிடித்ததை தேர்ந்தெடுக்கிறேன்: Any Technology: Overcoming Language Barriers

எது சிறந்தது என்பதை விட -- எப்படி எல்லாம் தீர்வுகளை சென்றடையலாம் என்பதைத் தெரிந்து வைத்திருக்க வேண்டும். எப்படி யோசிக்கிறோம் என்பதைப் பொருத்து முடிச்சுகளை அவிழ்க்க முடிகிறது. ஒத்து வராததைக் கொண்டு, வளைத்து, நெளித்து, கடுமையான வடிவமைப்புகளைத் தருவதை விட காரியத்துக்குப் பொருத்தமானதை கச்சிதமாக பயனாக்குவது நிரலாளருக்கு அழகு.

2007ல் எழுதியதில் தங்களுக்குப் பிடித்த சிறந்த பதிவு எதுன்னு ஒரு பதிவு போடணும். ஏன் அந்த பதிவு பிடிச்சதுன்னும் சொல்லணும். அப்படியே, இன்னும் 5 பேர இப்படி அவங்க பதிவு பத்தி எழுத சொல்லணும்.

- 2007ல் எழுதியதில் பிடித்தது - பதிவர்கள் விரும்பிய பதிவுகளின் பட்டியல்

முதலில் நான் அதிகம் வாசிக்காத சிலரிடம் கோரிக்கை:

1. முயல்: ரத்னேஷ்
2. அபி அப்பா
3. கையேடு: ரஞ்சித்

இன்னொரு குழுவில் "இப்ப என்ன அவசரம்" என்று வாசிக்க விடுபட்டவர்கள்:
3. வினையூக்கி
4. பினாத்தல்கள்

எழுத்தாளர்களுக்கு... சிறுகதை எழுதுவது எப்படி? - டிப்ஸ்

2008-01-03T09:18:00.000-08:00

சர்வேசன் போட்டிக்கு வந்த நச்னு சில கதைகளைப் படித்தபோது பா. ராகவன் முன்பு பகிர்ந்ததை மீள்பதிவாக இட்டால், சிலருக்கு உபயோகம் ஆகலாம் என்னும் உரிமைதுறப்பு பணிவன்போடு:

பழைய பெட்டிகளைக் கொஞ்சம் குடைந்துகொண்டிருந்தேன். எழுத ஆரம்பித்து அதிசுமார் 20 கதைகள் வரை பிரசுரமாகியிருந்த தொண்ணூறுகளின் முற்பகுதியில் எனக்கான சிறுகதை இலக்கணம் என்று ஒரு பத்திருபது பாயிண்டுகள் எழுதிவைத்தேன். இப்போது தற்செயலாக அகப்பட்ட அந்தக் குறிப்புகளை இங்கே போடலாம் என்று தோன்றியது. காப்பிரைட் என்னுடையது அல்ல. யார்யாரோ சொன்னதன் தொகுப்பு அல்லது திரட்டு அல்லது திருட்டு.

1. கையெழுத்துப்பிரதியாக 5 பக்கங்களுக்கு மேல் ஒரு சிறுகதை வளராமல் பார்த்துக்கொள்.(பெரும்பாலான சப் எடிட்டர்களுக்கு இது விஷயத்தில் பொறுமை இருப்பதில்லை)

2. தன்மை ஒருமையில் ஒரு டிரா·ப்ட் எழுதிக்கொண்டு பிறகு அதை தேர்ட் பர்சனுக்கு மாற்றி எழுதுவது நல்லது. நான் என்று தொடங்கி எழுதும்போது தான் கதையில் ஒரு உயிர்ப்பு வருகிறது.

ஆனால் கதைக்கு நான் கூடாது என்பதால் எழுதிவிட்டு அவனாக்கிக் கொள்வது பெட்டர்.

3. ஒரு செண்டன்ஸில் நாலைந்து சொற்களுக்கு மேல் கூடாது.

4. நாலு பேராவுக்கு ஒரு வர்ணனை வை. பெண்ணையோ, பேயையோ உன்னையோ எதையாவது ரெண்டு வரி வருணிப்பதன் மூலம் கொஞ்சம் வாசனை கூடுகிறது.

5. கதாபாத்திரம் ஒரு அலைவரிசையில் இயங்கிக்கொண்டிருக்கும்போது நீ குறுக்கே மூக்கு நுழைக்காதே. கதாபாத்திரத்தின் கருத்துடன் உன்னுடையது ஒத்துப்போகாவிட்டால் ஒன்றும் கொலைபாதகம் இல்லை.

6. கூடியவரை சிறுகதையில் காலம் காட்டாதே. அதாவது மணி, நாள், மாதம், வருஷமெல்லாம் வேண்டாம். உணர்ச்சிகளை முக்கியப்படுத்து. தேவையானபோது மட்டும் சம்பவங்கள்.

7. செகண்ட் பர்சனில் கதை எழுதிப்பழகு. அது தொழில்நுட்பத் தேர்ச்சி தரும்.

8. புதுமைப்பித்தன், ஜெயகாந்தன், கி.ரா., இவர்களெல்லாம் சிறுகதையில் மிகவும் சாதித்தவர்கள் என்பார்கள். ஆனால் உனக்கு உதவாது. ஆரம்பத்தில் நீ பின்பற்றவேண்டியவர்கள் ஜானகிராமன், சுஜாதா, ஆதவன், சுப்ரமணியராஜு, சுந்தரராமசாமி ஆகியோர் மட்டுமே.

9. ஒரு போதும் முழுக்கதையை முடிவு செய்துவிட்டு எழுதத் தொடங்காதே. உனக்கு அந்த உரிமை இல்லை. முதல் வரிக்கு மட்டும் முயற்சி செய். கதை தன்னை உற்பத்தி செய்துகொள்ளும்.

10.சிறு சிறு விவரங்கள் சிறுகதைக்கு முக்கியம். ஒரு கதையில் ஆள், உயரம்,வாசனை,நடை, நாற்றம்,லே அவுட், மேனரிசம், கோபம், புன்னகை,அழுகை, துடிப்பு, வேகம்,சூழல், செயல், செயலின்மை, பேச்சு, மௌனம் இதெல்லாம் வரவேண்டும்; தெரியவேண்டும்.

11. வசனங்கள் கூடியவரை குறைவாக இருக்கவேண்டும். வசனம் என்பது நாடகத்தின் கருவி. சிறுகதைக்கு மௌனமே சிறப்பு.

12. ஒரு கதை எழுதுமுன் ஒரு நல்ல கதையைப் படி. உனக்கு உகந்தது, அசோகமித்திரனின் மகா ஒற்றன், ஆதவனின் கருப்பாக, உயரமாக…, லா.ச.ரா.வின் த்வனி. இந்த சமயத்தில் தி.ஜாவையோ சுஜாதாவையோ தொடாதே. வாசனை ஒட்டிக்கொள்ளும்.

(திண்ணை-யில் இருந்து: சிவப்பாக, உயரமாக, மீசை வச்சுக்காமல் - 1 : ஆதவன் | 2 | 3)

13. எழுதி முடித்ததும் கடைசியிலிருந்து வெட்டிக்கொண்டு வா.(வரிவரியாக.)

14. மிரட்டும் சொற்கள் வெண்டாம். எளிமையே ஆபரணம்.

15. ஒவ்வொரு கதை எழுதி முடிக்க முடிந்ததும் கடவுளுக்கு நன்றி சொல்லு.

பி.கு: இவையெல்லாம் என்க்கு நானே சொல்லிக்கொண்டவை. இன்றுவரை, அநேகமாக அனைத்து ரூல்களையும் பின்பற்றுகிறேன்.யாருக்காவது உபயோகப்படுமானால் சந்தோஷம்.

எழுதுவது எப்படி என்பதனைப் பற்றி சாண்டில்யன் கட்டுரை:

நல்ல எழுத்துக்கு வேண்டியது - முதலில் உணர்ச்சி வேகம். இரண்டாவது ஆழ்ந்த படிப்பு.

எழுத முற்படுவோர், தாங்கள் எழுதவேண்டியது அவசியந்தானா? அதற்கான வேட்கை, உணர்ச்சி வேகம் இயற்கையாக இருக்கின்றனவா என்பதை யோசித்துக்கொள்ளவேண்டும்.

இரண்டாவதாக, தங்களுக்கு ஆழ்ந்த படிப்பு இருக்கிறதா என்பதையும் எண்ணிப் பார்க்க வேண்டும். இல்லையென்று தோன்றும் பட்சத்தில், படிக்கவும் முயலவேண்டும். கற்பனை தானாக ஊறிவிடுமென்பது வீண் பிரமை.

"தொட்டனைத்து ஊறும் மணற்கேணி, மாந்தர்க்குக் கற்றனைத்து ஊறும் கல்வி", என்று தெய்வத் திருவள்ளுவரே கூறியிருக்கிறார்.

நல்ல கதைக்கோப்பும், கதை வேகமும், சொல்லாட்சியுமுள்ள கதை எத்தனை பெரிதாயிருந்தாலும் மக்கள் அதனைப் படிப்பார்கள். இந்த அம்சங்கள் இல்லாத கதை, எத்தனைச் சிறியதாக இருந்தாலும் மக்களின் மனத்தை ஆட்கொள்ளமுடியாது.

கற்பனைச்செறிவும், இயற்கையையும் வாழ்க்கையையும் ஊன்றிப்பார்க்கும் திறனும் இருந்தால், உவமைகள் உங்கள் பேனாவின் மையில் தானாகப் பிரவாகமாகிவிடும்.

- சாண்டில்யனின் 'நாவல் எழுதுவது எப்படி?' (சில பகுதிகள்)

Thinnai: "ஒரு படைப்பாளி இளைய தலைமுறைக்குக் கூற விரும்புபவை :: சுந்தர ராமசாமி"

என்னுடைய முதல்பட்சமான அக்கறைகள் வாழ்க்கையைப் பற்றியவை. இந்த அக்கறைகளைச் சார்ந்துதான் இலக்கியப் படைப்புக்கள் உருவாகின்றன. ஆக, ஒரு இலக்கியப் படைப்பாளி என்று எடுத்துக் கொள்ளும் போதும் சரி, வாழ்க்கையைப் படைப்புக் கண்ணோடு பார்க்க விரும்புகிறவன் என்று எடுத்துக் கொள்ளும் போதும் சரி முதல்பட்சமாக நான் ஒரு வாசகனாக இருப்பதையே உணருகிறேன்.

நம்முடன் உரையாட வந்தவர்கள் ஏதோ சாதாரண விஷயங்களைப் பற்றி நம்மிடம் சொல்வதில்லை. அவர்களுடைய வாழ்க்கைக் கண்ணோட்டத்தில் மிகச் சாரமான பகுதியை - மிக மேலான பகுதியை - அதிக அளவிற்குப் பொருட்படுத்தத் தகுந்த பகுதியைப்பற்றியே நம்மிடம் பேசுகிறார்கள்...எல்லா சிறந்த எழுத்தாளரையும் நாம் இருக்குமிடத்திலிருந்தே சந்திக்க முடியும். இந்தப் பெரிய வாய்ப்பை எண்ணி எவன் புளகாங்கிதப்படுகிறானோ அவனைத்தான் நான் சிறந்த வாசகன் என்று கருதுகிறேன்.

துறை சார்ந்த சமாளிப்பு என்பது ஒன்று; இந்தத் துறை சார்ந்த வல்லமை என்பது மற்றொன்று. பெரும்பாலும் எந்தத் துறையை எடுத்துக் கொண்டாலும் - அது வைத்தியமாக இருக்கலாம், அல்லது பொறியியலாக இருக்கலாம் - அல்லது வணிகமாக இருக்கலாம் அல்லது சட்டமாக இருக்கலாம் -

அந்த துறையைச் சேர்ந்தவர்கள் அதிக அளவுக்கு அந்தந்த துறையைச் சார்ந்த உத்திகள், பந்தாக்கள், சொற்றொடர்கள் ஆகியவற்றைக் கற்று, அதில் மிகுந்த தேர்ச்சி பெற்றவர் போன்ற பாவனையைப் பிறரிடம் உருவாக்கி அதன் மூலம் வாழ்க்கையைச் சமாளித்துக் கொண்டிருக்கக்கூடிய கோலத்தைத்தான் அதிக அளவில் பார்க்க முடிகிறது.

முக்கியமாக இன்று நான்கு விஷயங்களை நான் உங்களுடைய கவனத்திற்குக் கொண்டு வர விரும்பினேன். ஒன்று வாசிப்பு சம்பந்தபட்ட விஷயம்; மற்றொன்று உங்களுக்கு உகந்த துறையை நீங்கள் தேர்ந்தெடுத்துக் கொண்டு அந்தத் துறையில் நீங்கள் போதிய திறமை பெற்று நம்பிக்கையுடன் வாழ்க்கையை எதிர்கொள்ளக்கூடிய விஷயம். மூன்றாவது தாழ்வு மனப்பான்மை என்று நான் நம்பக்கூடிய நோயிலிருந்து முற்றாக விடுதலை பெறுவதற்கான வழிகள். நான்காவது இந்திய வாழ்க்கையைச் சார்ந்தோ, தமிழக வாழ்க்கையைச் சார்ந்தோ, தமிழக வாழ்க்கையை எதிர்கொள்ளுவதன் மூலம் நமக்குச் சொந்தமான, சுயமான கண்ணோட்டங்களை நாம் உருவாக்கி கொள்ளக்கூடிய முயற்சி. இந்த நான்கு கருத்துக்களையும் விவாதத்திற்காக உங்கள் முன் வைக்கிறேன்.

கடைசியாக விளம்பரங்களுக்கு நடுவில் வலைப்பந்தல் வைத்திருக்கும் சர்வேசன் வாக்கெடுப்புக்கு விளம்பரம்: சிறந்த 'நச்'© கதை - இறுதிக்கட்ட வாக்கெடுப்பு ஆரம்பம்

A tag

2008-01-01T21:08:00.000-08:00

Prabhu n Ferrari கூவி இருக்கிறார்.

அதாகப்பட்டது என்ன செய்யவேண்டுமென்றால்...
1. கடந்த வருடத்தில் எடுத்த புகைப்படம் ஒன்றை இடவேண்டும்.
2. எதுவாக இருந்தாலும் ஒகே. கலையுணர்ச்சி, PIT நுட்ப சிறப்பு, சொந்த ஃபீலிங்ஸ்... சரிதான்.
3. ஏன் அந்தப் படம் ரொம்ப இஷ்டம் என்பதை சொல்ல வேண்டும்.

இப்பொழுது நிழற்படம்:

இப்பொழுது 'ஏன்' என்று சொல்லும் சமயம்:
ஹரித்வாரில் புனித கங்கா தீரத்தில் எடுத்த படம். இந்த மாதிரி சுழித்தோடும் நதியில் நீந்தாமல், கேமிராவும் கையுமாக வலைப்பதிவுக்காக எம்.என்.சி. நோக்கோடு சுட்டுத் தள்ளிக் கொண்டிருந்தேன்.

"நாங்க "ஹரித்வார் முன்னேற்ற ஸ்தாபனத்தில்' இருந்து வந்திருக்கோம். ஐநூறு ரூபாய் கொடுங்க" என்று செல்லமாய் இருபத்தி நான்கு முறை மிரட்டுகிறார்கள். பள்ளி மாணவர்களின் துணிகர பாய்ச்சல் ஆங்காங்கே பொறாமை கலந்த பயம் கொடுக்கிறது. 'தீர்த்தக்கரை பாவியாகாதடா' என்று அம்மாவின் மிரட்டல் வேறு வித கிலேசங்களை எழுப்புகிறது.

கங்கையில் இல்லாத மீன்களுக்கு இரை வைத்துக் கொண்டு காத்திருக்கிறாள். 'இந்த மாதிரி இறைவதால் நீர் மாசுபடும்' என்று சுற்றுச்சூழ் ஆர்வலன் ஒருபக்கம் எட்டிப்பார்க்க; 'ஆவ்...ஆவ்' என்று அம்ரீஷ் பூரி போல் மீன்களுக்கு உணவிடலாமா என்று சுற்றுலாவாசி இன்னொரு பக்கம்; 'இரண்டு மூன்று வாங்கினால் இன்றைய பொழுதாவது அவளுக்கு ஓடுமே' என்னும் பச்சாதாபமோ பரிதாபமோ வெல்கிறது.

இப்பொழுது நாலு பேரை அழைக்கும் தருணம்:
1. நச் ஓசை செல்லா
2. இலவசம்
3. காற்றுவெளி மதுமிதா
4. உள்ளும் புறமும் வெங்கட்

அனைவருக்கும் புத்தாண்டு நல்வாழ்த்துகள்.

Group A :: சர்வேசன் 'நச்சுனு ஒரு கதை' - போட்டி: வாசக விமர்சனங்கள்

2007-12-28T11:47:00.000-08:00

Surveyசன் -ஆக்கியவன் அல்ல அளப்பவன். Free Surveys!:: "சூப்பர் கதை வித் ய ட்விஸ்டும், நம் வட்டத்தில் பெருகும் ஆரோக்ய சூழலும்!" பதிவில்:

கதைகள் ஒவ்வொண்ணும், படிக்கவே விறு விறுன்னு இருக்கும். ஆரம்பிச்சதும், டாப் கியர்ல ஓடி, திடீர்னு க்ளைமாக்ஸ் பாத்தா, நம்ம நெனச்சே பாக்க முடியாத மாதிரி முடியும்.

இதுதான் முக்கியம் என்றாலும், நச் அம்சத்துக்கு ஒரு மதிப்பெண் (5); மற்ற அம்சங்களும் (5) சேர்த்து மொத்த மதிப்பெண் (10), என்று சீர் தூக்கி விமர்சிக்க எண்ணம்:

1) வினையூக்கி - பேய் வீடு

வினையூக்கியின் அழைப்பில் ஏற்கனவே படித்தது. மூன்றே கதாபாத்திரங்கள். கச்சிதமான உரையாடல்.

நச் - 1/5; மொத்தம் - 4 /10.

2) இராம்/Raam - செப்புத் தாழ்ப்பாள்

பாதி தட்டச்சிய ப்ளாகர் பதிவின் நடுவில் விண்டோஸ் தொங்குவது போல் எழுத்துப்பிழை ஒன்றிருந்தாலும் நெருடல். இங்கே நிறைய தடவை க்ராஷ் ஆகிறது. துவக்கத்தில் அவை தடைகள்.

பரந்து விரிந்த மலர்ந்த அழகுமலரென்றின் நடுநாயகமாக நின்று தன்னை சுற்றி அந்த மலரின் இதழ்களெனும் வெளிவட்டம் என்ற காதல் வளர்ந்ததை நினைத்து பார்க்கல்லான்.

என்று துவங்குவது, ரம்மியமான உரையாடல்களில் நகர்கிறது. அதன் பின் சடாரென்று நடை மாறி...

தினமும் அதேமாதிரியே கல்லூரி சென்று வந்தாள். ஒரு நாள் மாலை நேரத்தில் கல்லூரி முடிந்து நண்பர்களோடு வீட்டுக்கு திரும்பி கொண்டிருந்த பொழுது முத்துவின் தந்தை மருதய்யன் எதிர்ப்பட்டார்.

குறுநாவலுக்குரிய களம். அவசரகதியில் சிறுகதை ஆகியிருக்கிறது. முடிவும் ஒப்பவில்லை; நடுவில் நம்பமுடியவில்லை. இரண்டுமே நெடுங்கதை விவரிப்பில் சரி செய்திருக்க முடியும்.

நச் - 1/5; மொத்தம் - 5.5 /10.

3) வாக்காளன் - திருமணமாம் திருமணம்

இந்த திடுக்கிடும் கதைகளின் இறுதி ரொம்பவே சிரமமான வஸ்துவாக இருக்கிறது. கனவு, கற்பனை, ஃப்ளாஷ்பேக் என்று உட்டாலக்கடி ரொம்ப சுளுவாக முடிந்துவிடுகிறது. அந்த விதத்தில் ஏமாற்றம். ஆனால், முடிவை நோக்கிய எதிர்பார்ப்பு தூண்டும் நடை பிடித்திருந்தது.

நச் - 3/5; மொத்தம் - 5 /10.

4) TBCD - தனியே தன்னந்தனியே...நடப்பது..

பேய் விவரிப்புகளுக்குரிய எல்லா சாமுத்ரிகா லட்சணமும் வைத்து நச். முடிவு பன்ச்; கதைதான் காணோம்.

நச் - 3.5/5; மொத்தம் - 5.5 /10.

5) நிலா ரசிகன் - ஒரு நடிகையின் கதை....

அசத்தப் போவது யாரு மாதிரி சுறுசுறு விவரிப்பு. முடிவு தெரியாதபடிக்கு எடுத்து சென்றது கலக்கல். கதையெல்லாம் நமக்கெதுக்கு :)

நச் - 3.5/5; மொத்தம் - 5.25 /10.

6) மோகந்தாஸ் - கடவுள் என்னிடம் கரைச்சல் செய்த பொழுதொன்றில்

முடிவு அனேகமாக இப்படித்தான் யூகிக்க முடிந்தாலும் செமத்தியான ஓட்டம். ஏடு பார்த்தல் முதல் ரஜினி பாபா வரை பாப் கல்ச்சர் அணுக்கம். கதையையும் வைத்துக்கொண்டு நச்சும் வைத்திருக்கிறார். எனினும், அழுத்தம் தராத ஓட்டம், சிறுகதை என்று மட்டும் படித்துப் பார்த்தால் சிரிப்புத் தோரணமாக மட்டுமே மனதில் நின்று போகிறது.

நச் - 3.5/5; மொத்தம் - 7 /10.

7) கார்த்திக் பிரபு - அப்போ நீ தூங்கியிருப்ப !!!- சிறுகதை

சின்னச் சின்ன தகவல்கள் உண்டு. இரயில் பயணங்கள் சுகமானது. கவிதை போன்ற உவமைகள்; ஆனால், மிரட்டாத உரைநடை. நடுவில் ஒரு பத்தி வெட்டி ஒட்டலில் ஒட்டிக் கொண்டு திரும்பவந்துவிட்டது. புகைப்படங்கள் அழகு சேர்க்கிறது. ஏமாற்றாத, புத்திசாலித்தனமாக சதாய்க்காத, சுவாரசியமான சிறுகதை.

நச் - 4/5; மொத்தம் - 8 /10.

8) கோவி கண்ணன் - நண்பனின் தங்கை...

இவர்கள் நட்பை விவரிக்க வேண்டுமென்றால் 'கண்ணதிரே தோன்றினால்' படத்தின் கரன், பிராசாந்த் இருவரின் பாத்திரங்களைத்தான் குறிப்பிட வேண்டும்.

இந்த மாதிரி சினிமா உவமைகள் எனக்கு ஒவ்வாமை தரும். இயற்கை, அனுபவம் என்று எத்தனையோ கண் முன்னே இருக்க, திரைப்பட எடுத்துக்காட்டுகளை தவிர்த்து எழுதுதல் எனக்கு பிடிக்கும். கதாபாத்திரங்கள் மனதில் தங்க முடியாத சின்னஞ்சிறு அறிமுகங்கள் இன்னொரு குறை.

நச் - 1.5/5; மொத்தம் - 4 /10.

9) வீ.எம் - அரசியல்வாதி

கதை 'ஆர்' (Restricted for 17+) ரகம். வழக்கம் போல் ஸ்க்ரால் செய்து முடிவை ஒரு நோக்கு நோக்கினாலும் செம ட்விஸ்ட் தந்திருக்கிறார். சம்பவங்களைக் கொண்டு கதாமாந்தர்களை மனதில் பதியவைத்தல்; பிறிதொரு தட்டி பார்க்கும்போது இந்தப் பதிவை மின்னலடிக்குமாறு வைக்கும் அழுத்தம் எல்லாம் பாராட்டுகளைக் கோரி நிற்கின்றன.

நச் - 4/5; மொத்தம் - 7.25 /10.

10) பாசமலர் - ஆசைக்கு ஏது வெட்கம்?

எழுத்தாளர் தொலைக்காட்சி நெடுந்தொடர் நிறைய பார்ப்பார் போலத் தெரிகிறது. சொல்லாட்சி எல்லாம் எண்பதுகளின் 'வாராந்தரி இராணி'யை நினைவூட்டுகிறது. முடிவு எனக்கு எதிர்பாராதது.

நச் - 3/5; மொத்தம் - 4.5 /10.

11) செல்வன் - பூனைக்கு மணி கட்டியவள்

இந்த இடுகையின் முடிவு ரொம்ப புகழ்பெற்றதனால், பரவலாக விவாதிக்கப்பட்டதை ஆங்காங்கே பார்த்திருந்தேன். இருந்தாலும் திடுக் திருப்பம்தான். கதை என்று ஒன்றும் இல்லை.

நச் - 3/5; மொத்தம் - 5.5 /10.

12) ஜெகதீசன் - தப்பா நினைக்க மாட்டயே?

தெளிவான ஓட்டம். முடிவு நான் எதிர்பார்க்காததால் மெல்லிய புன்னகை கொடுத்தது.

நச் - 3.25/5; மொத்தம் - 6 /10.

13) ramachandranusha(உஷா) - நானே நானா?

இப்பொழுது படிக்காமல் முன்பே படித்திருந்த கதை. அப்போது இட்ட கருத்து: :)) 'அனுபவம்/நிகழ்வுகள்' என்று போட்டிருந்ததால் ஆசையாகப் படித்தேன்... நம்பவே கூடாது :)

உஷாவிடம் நிறைய எதிர்பார்ப்பு இருந்ததால் ஏமாற்றம் அடைகிறேன்.

நச் - 1/5; மொத்தம் - 3.5 /10.

14) இ.கா.வள்ளி - யாரோ அவள், என்னவள்?

இது எண்பதுகளில் (அல்லது இப்போது கூட?) வரும் 'தேவி' நடையில் செல்கிறது. முடிவெல்லாம் 'ஓ... ஜீஸஸ்' ரகம். (இந்தப் பதிவில் ரசிகன் பின்னூட்டங்கள் நெத்தியடி)

நச் - 1/5; மொத்தம் - 2 /10.

15) கிருஷ்ணா - பயணிகள் கவனிக்க . . .

'பொல்லாதவன்' படத்தில் 'எங்கேயும் எப்போதும்' மறுசுழற்சி என்றவுடன் அயர்ச்சி கலந்த அனுதாபம் எட்டிப்பார்த்தது. அதே போல் முதல் இடிப்பிலேயே இப்படித்தான் செல்லுமோ என்று அஞ்ச, அப்படியே நடக்க எதிலும் புதுமை இல்லை.

நச் - 1/5; மொத்தம் - 2 /10.

16) பிரதாப் குமார் சி - அப்பாயின்மென்ட் கிடைச்சிருச்சு....

பள்ளியில் தமிழ்த் தேர்வுக்கு விடை எழுதும்போது அதிக மதிப்பெண் பெற உத்தி என்று இதைச் சொல்வார்கள். திராவிடக் கட்சிகளில் அன்பழகன் என்று எழுதுவதை விட அன்பழகனார் என்று 'னார்' விகுதி சேர்த்து எல்லோரின் பெய்ரையும் குறிப்பிடு என்றார்கள். இங்கு பெரியார். இந்தக் கதையும் முடிவை வைத்துக் கொண்டு சம்பவத்தை விவரிக்கிறது. ஒற்றைப் பார்வை சமூக விமர்சனம்.

நச் - 3.25/5; மொத்தம் - 5.5 /10.

17) பெனாத்தல் சுரேஷ் - கடன் அட்டை

சுருக்கத்தை முன்பே இவரிடம் இருந்து கேட்டிருந்தேன். அப்போது அசுவாரசியமாய் 'இது தேறாத கேசு சுரேஷ்' என்றும் சொல்லியிருந்தேன். அதிலிருந்து மாறுபட்ட அதிர்ச்சி மதிப்பீடு (மட்டுமே) தரும் முடிவு. ஓட்டம் அருமை. முடிவு 'சிவாஜி'.

நச் - 2.5/5; மொத்தம் - 5 /10.

18) நக்கீரன் - வீட்டில்....? யாருமில்லை.

ஒரேயடியாக அனைத்து கதைகளையும் வாசித்தால் ஏற்படும் சோர்வா? அல்லது வாசகனை ஏமாற்றியதால் ஏற்படும் விரக்தியா. மதிப்பெண் அள்ளிவிட தட்டச்சு தடுத்தாட்கொள்கிறது.

நச் - 1/5; மொத்தம் - 2.5 /10.

19) ஹரன்பிரசன்னா - சனி

முன்பே படித்தது. அப்போது இட்ட பின்னூட்டம்: கதை, வடிவம், ஓட்டம் எல்லாமே சூப்பர்... (முடிவில் எதுவும் நச் இல்லையே!)

நச் - 1/5; மொத்தம் - 6 /10.

பிரசன்னாவின் பதிலை இங்கு இடுவது பொருத்தம்:

முடிவில் நச் என்பதைப் பற்றிய மிதமிஞ்சிய கற்பனைகள் உலவுகின்றன என்று தெரிகிறது. முடிவில் ஒரு சிரிப்பு, எதிர்பாராத சின்ன ட்விஸ்ட் போதும். அதை மீறி பெரிய நச்செல்லாம் வெகு சில சமயம் அமையலாம். அதுவும் கூட ஒருசிலருக்கு நச்சாகவும் ஒரு சிலருக்கு ஏற்கனவே எதிர்பார்த்ததாகவும் அமையும். இதுபோன்ற 'நச்சென்றே முடியும்' என எதிர்பார்ப்போடு படிக்கப்படும் கதைகளுக்கு இந்த சவால் (சங்கடம்!) இன்னும் அதிகம். இதை மனதில் கொண்டு, கதைக்கு எந்த அளவு நச் போதுமோ அது இருக்கட்டும்.

அப்படி பார்த்தால் இந்த முதல் பிரிவில் என்னுடைய வாக்கு: கார்த்திக் பிரபு

அண்ணா பல்கலையின் கேள்விக்கு பதில் கிடைக்குமா?

2007-11-19T08:00:00.000-08:00

பொறியியல் படிக்கும் மாணவர்களிடம் அண்ணா பல்கலை கேட்கும் கேள்வி இது:

Topic: Innovative Product or process or strategy

India needs all kinds of technologies to eradicate poverty and to accelerate the progress of growth.
"Every one should enjoy the fruit of technology"and it should not be restricted only to privileged.

It is necessary to provide basic amenities like transport,education,medical and better living conditions to every citizen of India. In this context we all agree that innovative methods of product or process or strategy must be developed to save time,energy and to minimize the expenditure.

எப்படி?

தொழில்நுட்பத்தைக் கொண்டு, தற்கால விஞ்ஞான வளர்ச்சியை உபயோகித்து எவ்வாறு அனைத்து மக்களுக்கும் பொருளாதார ஏற்றத்தைக் கொண்டு வரலாம்?

கல்வி, மருத்துவம், தங்குமிடத்திற்கான பாதை போன்ற வாழ்வின் ஆதார வசதிகளை எங்ஙனம் ஒவ்வொரு குடிமகனுக்கும் அணுக வைக்கலாம்?

குறைந்த செலவில் பல்கி பெருக வைக்கும் திட்டமோ, பொருளோ, வழிகாட்டலையோ கட்டமைத்து விளக்க முடியுமா?

விடைகள் தருவோருக்கு முன்கூட்டிய நன்றிகள். பின்னூட்டமாகவோ பதிவாகவோ உங்கள் எண்ணங்களை, சாத்தியக்கூறுகளை கோடிட்டு காட்டுங்களேன்!

தினமணிக் கதிரில் தமிழ் வலைப்பதிவர்கள் குறித்த அறிமுகம்

2007-11-17T12:47:00.001-08:00

நன்றி: தினமணிக் கதிர் (அசலைப் படிக்க இங்கு சுட்டவும்)

சுட்டப்பட்ட அனைவருக்கும் மகிழ்ச்சி கலந்த வாழ்த்துகள்!

வலைப் பூக்கள்: என்ன ஒரு தெனாவெட்டு?

பத்திரிகைகள், விதவிதமான பெயர்களில் தனியார் தொலைக்காட்சிகள், இணைய தளங்கள் என அனைத்து ஊடகங்கள் தோறும் செய்திகள் ஊர்வலம் வந்தாலும், இப்போது நகரத்து இளைஞர்களின் பெரும்பான்மையான விருப்பமாக இருப்பவை- 'பிளாக்'குகள் என ஆங்கிலத்தில் அழைக்கப்படும் வலைப்பூக்கள்தான்!

ஒவ்வொருவரும் தங்களின் வலைப்பூவில் அவர்களுக்குப் பிடித்தமான விஷயங்களையும், கவிதை, கட்டுரை என படைப்புகளையும், நாட்டு நடப்பு குறித்த அவர்களின் கண்ணோட்டங்களையும், விமர்சனங்களையும் சுதந்திரமாக வெளியிடுகின்றனர். சில வலைப்பூக்களிலிருந்து சுவையான விஷயங்களை இங்கே தருகிறோம்...

தஞ்சாவூரு குசும்பு!: (நெனக்கிறதெல்லாம் எழுத ஆசதான்... முடியுங்களா? உக்காருங்க. மோர் சாப்புட்டுகிட்டே பேசுவோம்)

"போன வாரம், நம்ம பில்கிளிண்டன் மின்னியாபோலிஸ் வறார்னு நண்பன் சொன்னான். சரி, போய் பார்த்துட்டு, நலம் விசாரிச்சுட்டு அப்பிடியே நம்ம தங்கத் தலைவி ஹிலாரிக்கு (ஓட்டுப் போட நம்மாலே முடியாதுன்னாலும்) ஆதரவு தெரிவிக்க நினைச்சேன். அம்பது ரூவா குடுத்து டிக்கட்ட வாங்கிட்டு வேலையிடத்துலேர்ந்து சீக்கிரம் "எஸ்'ஸாயி போய் சேர்ந்தோம்.

இது என்ன கொடுமைடா சாமி, ஒரு முன்னாள் அதிபர் வராருங்கிற ஒரு இது கூட இல்லாமே, தெருவெல்லாம் அதது, அதது வேலையப் பாத்துகிட்டு இருக்கு. ஒரு தோரணம் இல்லே... கொடி இல்லே. ரோட்ட மறச்சு விதவிதமா வளைவுகள் இல்லே. அட அதாவது பரவாயில்ல, கொஞ்சம் கூட பொறுப்பு இல்லாமே இந்த போலிஸ்காரங்க, போக்குவரத்த நெறுத்தாம, என்ன ஒரு தெனாவெட்டு?

இதைவிட அவமானம் (தமிழர்களுக்கு- குறிப்பா தமிழகத் தலைவர்களுக்கு) என்னன்னா, ஒரு நாயி கூட கிளி கால்ல வுளுந்து ஆசி வாங்கமாட்றாங்க. என்ன ஒரு நெஞ்சழுத்தம்? எனக்கா... ரத்தமல்லாம் கொதிக்குது. தொண்ட கிழிய ஒரு சவுண்டு (தலைவா.. வாழ்கன்னு) வுடலாம்னு பாத்தா, அங்கே அங்கே நிக்கிற பாதுகாவல் அதிகாரிகங்களப் பாத்தாலே கொல நடுங்குது.

ஒரு வாழ்க கோசம் இல்லே, தெருவுக்கு தெரு மெரட்டி புடுங்குன காசுல வாங்குன வாளு, கேடயம், செங்கோலு, தங்க மால, தங்க அரனாகயிருன்னு ஒன்னும் கொடுக்கல. அட, 340-ஆவது வட்டச் செயலாளர் அணிவிக்கிற "பொன்னாடை' (பண்ணாடைங்களுக்கு, இது வேற!) கூட இல்ல.

thanjavuraan.blogspot.com

கடல்புறத்தான் கருத்துக்கள்: நடிகர் திலகத்தின் விருந்தோம்பல்

ஒருமுறை பாலச்சந்திரன் சுள்ளிக்காடும்(மலையாள எழுத்தாளர்) அவரது நண்பர்களும் சிவாஜி சாரைப் பார்க்க அவர் வீட்டுக்கு சென்றிருந்தனர். அவர்கள் விருப்பத்திற்காக சிவாஜி சார் ஒரு கையில் வேட்டியின் முனையைப் பிடித்துக் கொண்டு, நெஞ்சை விரித்து, கண்களில் தீப்பொறி பறக்க, வீரபாண்டிய கட்டபொம்மன் வசனம் பேசிக் காண்பித்தார்.

cdjm.blogspot.com

குசும்பு: அரபு நாடுகளில் வேலைக்கு வருவதற்கு முன் கவனிக்கவேண்டியவை விசாவும், சம்பளமும்.

விசாவில் வேலைபார்ப்பதின் நன்மைகள்: இரண்டு மாத காலத்தில் கம்பெனியின் நிஜமுகம் தெரிந்துவிடும். சம்பளம் ஒழுங்கா வருமா? வராதா? கம்பெனியின் எதிர்காலம் எப்படி, இல்லை மன்னாரன் கம்பெனியா? என்று கண்டுபிடித்துவிட்டு ஈசியாக வேறு வேலை தேடிக்கலாம்.

தீமை: லேபர் லா படி எந்த பலனையும் அடைய முடியாது. சம்பளம் தரவில்லை என்றால் கூட ஒன்னும் செய்யமுடியாது.

kusumbuonly.blogspot.com

அமெரிக்காவும் விழுமியங்களும்

2007-11-06T20:39:00.000-08:00

தமிழகத்தில் திமுக தவிர்த்த அரசியல் கட்சிகள் அனைத்தும் '2011 -ல் அரியணைக் கட்டில் எனக்குதான்' என்று துண்டு போடுவது போல், அமெரிக்காவில் எந்தத் தலைவர் வாயைத் திறந்தாலும்்ம் நீபர் (Reinhold Niebuhr) வந்து விழுகிறார்.

ஈழத்தில் தமிழ்ச்செல்வன் எவ்வாறு ஒரே சமயத்தில் அமைதிப் புறாவாகவும் இன்னொரு சமயத்தில் போர்முனை தளபதியாகவும் (படிக்க: கே.பி.அறிவன்) இருப்பது போல், எல்லா அரசியல்வாதிகள் மெல்லும் அவலாக நீபர் பயன்படுகிறார்.

ஆக்கபூர்வமான சண்டையின் நலன்களையெல்லாம் நீபர் பிட்டு வத்திருப்பதாக அமெரிக்க ஜனாதிபதித் தேர்தலில் போட்டியிட முயற்சிக்கும் ஜான் மெக்கெயின் புளகாங்கிதமடைகிறார். இன்னொரு புறம் 'உலகத்தை அச்சுறுத்தும் தீமைகள் நிறைந்திருக்கின்றன என்று வலியுறுத்தும்' கருத்தாக்கத்துக்காக அவரைத் தன்னுடைய ஆதர்ச தத்துவறிஞராக சான்றிதழ் வழங்குகிறார் எதிரணி வேட்பாளர் பராக் ஒபாமா.

இருவரும் செல்ல நினைக்கும் வெள்ளை மாளிகையில், தற்போது கோலோச்சுபவர்களிடம் இல்லாத தன்ன்டக்கத்தை தான் நீபரிடம் காணுவதாக நியு யார்க்கின் ஆளுநர் எலியட் ஸ்பிட்சர் நடுவில் தீர்ப்பொன்றை வைக்கிறார். அனைவருக்கும் மேற்கோள் புரவலராக நீபர் மாறியிருக்கிறார்.

நீபர் மதபோதகராக தன் வாழ்க்கையை ஆரம்பித்தவர். இன்றைய நிலையில் கூட அதிதீவிர கிறித்துவர்கள் ஈராக் போரை எதிர்க்கிறார்கள். ஆனால், கிறித்துவ போதகர்களுக்கான காரணம் வேறு. அமெரிக்காவில் தற்பால் விரும்பிகள் இருப்பதால்தான், கடவுள் கோபம் கொள்கிறார். அதனால்தான் கடவுளின் கிருபை இல்லாத அமெரிக்கா, ஈராக் சண்டையில் வீரர்களை இழக்கிறது என்பது இவர்கள் வாதம்.

செயல்வீரர்களாய் களத்தில் குதித்து, போர் வீரர்களின் இறுதிச்சடங்குதோறும் சென்று 'இறந்த படைவீரர்களுக்காக கடவுளுக்கு நன்றி' என்றும்; அதை விட கண்ணியக்குறைவான வெற்று கோஷ வாசகங்களாலும் புண்பட்ட நெஞ்சுக்கு அமிலம் ஊற்றி தற்பால் எதிர்ப்பு போராட்டத்தில்் திளைக்கிறார்கள். இதனால் வெறுப்படந்த இறந்த மகனின் தந்தையொருவர், தேவாலயத்தின் மேல் வழக்குத் தொடுக்க, பதினொன்று மில்லியன் நஷ்ட ஈடு தருமாறு தீர்ப்பாகியுள்ளது.

இந்த மாதிரி மனம் வெம்பிய தருணங்களில் கூட அமெரிக்காவில் பேச்சு சுதந்திரம் பேஷாக வேலை செய்யும். கருக்கலைப்புக்கு செல்லும் க்ளினிக் வாசலில், 'தைரியாமாகச் சொல்... நீ மனிதன்தானா? என்பது போன்ற சூலச்சிலுவைகளைத் தாங்கி 'சாகடிக்காதே... கொல்லாதே... ஐயோ... அணுஅணுவாக சித்திரவதை செய்யப்போகிறாயே...' என்று குத்திவிடுவது போன்ற பயமுறுத்தலுடன் சிசுவதை, கண்ணைக் குத்தும் போன்ற சகல பில்லி சூனியங்களையும் அரங்கேற்றுவார்கள்.

அதற்குப் பெயர் பேச்சு சுதந்திரம்.

சுதந்திரம் என்பது தாடி வைத்துக் கொள்ளாத முகம் மழித்தவர்களுக்கு வழங்கப்படும். வெளிநாட்டுக்கு செல்பவர் என்றால், பெயரை பாபி, ஜோ, ஆனி என்று வைத்தவர்களுக்குத் தரப்படும், பெயரில் ஹாஸனோ, முகத்தில் முட்களோ இருந்தால் கிட்மோ அனுப்பாமல் இருப்பதுதான் சுதந்திரம்.

க்வான்டனமோ கைதிகளுக்கு எந்த மாதிரி தட்டி கொட்டி விசாரணை நடத்தலாம் என்பது அடுத்த கவலை. அது குறித்து அடுத்து வரப்போகும் 'தலைமை வழக்கறிஞரிடம்' (அட்டர்னி ஜெனரல்) விசாரணை நடக்கிறது.

Waterboarding எனப்படும் முகத்தைத் துணியால் கட்டி மூடிய துணி மேல் தண்ணீர் ஊற்றி குற்றஞ்சாட்டப்பட்டவரை விசாரிப்பது சரியா? என்று எதிர்க்கட்சியினர் கிடுக்கிப்பிடி போட, கலைஞர் கருணாநிதியிடம் பாடம் பெற்றவர் போல் மைக்கேல் முக்காசெ (Michael Mukasey) 'சட்டப்படி குற்றம் என்றால் தவறுதான்; நான் சட்டத்தை இயற்றுபவன் அல்ல; சட்டத்தின்படி நடப்பவன்' என்று நழுவிவிட்டார்.

இராக் சண்டைக்காக அனுப்பிய ஒன்பது பில்லியன் (ரூபாயில் கிட்டத்தட்ட முப்பத்தாறாயிரம் கோடி) காணோமே போன்ற கவலைகளை நீதி பரிபாலனம் செய்யப்போகிறவரிடம் கேட்க முடியாது. அது குறித்து அப்போதை தலைமை நிதித்துறை செயலராக இருந்த ஆலன் க்ரீன்ஸ்பானுக்கே விளங்கவில்லை.

எங்கே ஆரம்பித்தேன்?

இஸ்லாம் மீது போர்த்தொடுப்பு... நியாங்கள்... நீபர்...

நீபர் கடல் போல நிரைய எழுதியிருக்கிறார். தன்னுடன் தானே முரண்பட்டிருக்கிறார். ஜார்ஜ் புஷ்ஷாக இருந்தால் 'ஸ்திரபுத்தி இல்லாமல் ஜான் கெர்ரி போல் லாயக்கற்றவன்' என்று விரட்டியடித்திருப்பார். அமெரிக்க அதிபர் இப்போதும் 'ஜனநாயகம் தழைத்தால் தீவிரவாதம் மடியும்' என்னும் ஐடியலிசப் பேர்வழி.

அரசியலில் ரியலிசத்தை விரும்புபவர் நீபர். Under ideal conditions என்றில்லாமல், நிஜத்தில் எது சரிப்படும் என்று ஆராயச் சொன்னவர். சமூக சீர்திருத்தம் என்று சிறந்த வழிமுறைகளை சிகாகோ பல்கலை ஆராய்ச்சிக் கூடத்தில் கண்டுபிடித்து அர்ஜென்டினாவுக்கு ஏற்றுமதி செய்து பொருளாதார சீர்குலைவு வருவதை விரும்பாமல், அவரவர்களுக்கு எது வசதிப்படுமோ, நடைமுறையில் எது ஒத்துவருமோ அதை கோட்பாடாக்க விரும்பியவர்.

இந்த மாதிரி சண்டக்கோழிகள் குறித்து அவர் கருத்து என்ன? தொடர்புள்ள புத்தகம்: Moral Man and Immoral Society: A Study in Ethics and Politics By Reinhold Niebuhr

அவரின் காலத்தில் அடக்குமுறைக்குள்ளான ஆப்பிரிக்க அமெரிக்கர்கள் குறித்து எழுதும்போது: (தொடர்புள்ள பதிவு: Partisan Review :: The Americanized Psychoanalyst

The emancipation of the Negro race in America probably waits upon the adequate development of this kind of social and political strategy. It is hopeless for the Negro to expect complete emancipation from the menial social and economic position into which the white man has forced him, merely by trusting in the moral sense of the white race. It is equally hopeless to attempt emancipation through violent rebellion.
...
However large the number of individual white men who do and who will identify themselves completely with the Negro cause, the white race in America will not admit the Negro to equal rights if it is not forced to do so. Upon that point one may speak with a dogmatism which all history justifies.

இதன் தொடர்ச்சியாக கறுப்பர்களின் விடுதலைக்காக போராடிய மார்டின் லூதர் கிங் கடிதத்தில் இருந்து:

As Reinhold Niebuhr has reminded us, groups tend to be more immoral than individuals. We know through painful experience that freedom is never voluntarily given by the oppressor; it must be demanded by the oppressed.

இதையெல்லாம் குறித்து வோட்கா அடித்துவிட்டு வக்கணையாக வலைப்பதிவில் உரையாற்றுபவர்களை போபோ என்றழைக்கலாம். (பாபா அல்ல).

தமிழ்ச் செல்வனின் மரணம்

2007-11-03T22:51:00.000-07:00

Dulce et Decorum Est
By
Wilfred Owen

Bent double, like old beggars under sacks,
Knock-kneed, coughing like hags, we cursed through sludge,
Till on the haunting flares we turned our backs
And towards our distant rest began to trudge.
Men marched asleep. Many had lost their boots
But limped on, blood-shod. All went lame; all blind;
Drunk with fatigue; deaf even to the hoots
Of gas-shells dropping softly behind.

Gas! GAS! Quick, boys!—An ecstasy of fumbling,
Fitting the clumsy helmets just in time;
But someone still was yelling out and stumbling
And flound’ring like a man in fire or lime . . .
Dim, through the misty panes and thick green light,
As under a green sea, I saw him drowning.

In all my dreams, before my helpless sight,
He plunges at me, guttering, choking, drowning.

If in some smothering dreams you too could pace
Behind the wagon that we flung him in,
And watch the white eyes writhing in his face,
His hanging face, like a devil’s sick of sin;
If you could hear, at every jolt, the blood
Come gargling from the froth-corrupted lungs,
Obscene as cancer, bitter as the cud
Of vile, incurable sores on innocent tongues,—
My friend, you would not tell with such high zest
To children ardent for some desperate glory,
The old Lie: Dulce et decorum est
Pro patria mori.*

*From the Roman poet Horace: “It is sweet and fitting to die for one’s country."

நன்றி - நெருப்பு இணையத்தளம்

மனித மரணங்களை வன்முறை மனநோயாளிகள்தான் விரும்புவார்கள். நாம் அனைத்து வகைப்பட்ட மனித மரணங்களையும் வெறுக்கிறோம்.

ஆனால் புலிகள் மனிதர்களின் மரணங்களை மூலதனமாக்குபவர்கள். அதை வைத்து பணம் பண்ணுபவர்கள். அதை வைத்து தமது அதிகாரத்தை ஸ்தாபிப்பவர்கள். வாழ்வின் மீது நம்பிக்கையற்றவர்கள். மரணங்களை பூசிப்பவர்கள். உயிரோடு இருக்கும் மனிதர்களை வெறுத்து நடுகற்களை வழிபடுபவர்கள்.

சகோதர மாற்று தமிழ் கட்சிகளின் தலைவர்களை கொன்று விட்டு குதூகலித்தவர்கள்.

The assassination of former Indian Prime Minister Rajiv Gandhi, former Sri Lankan President Ranasinghe Premadasa, Opposition Leader Gamini Dissanayake, Dr. Neelan Thiruchelvan, former Foreign Minister Lakshman Kadirgamar and the assassination attempts on President Chandrika Bandaranaike Kumaratunga.

பிரிகேடியர் சு.ப. இவர் எத்தனை பேரின் குரூர மரணங்களில் நேரடியாக சம்பந்தப்பட்டவர் எவற்றுக்கெல்லாம் குதூகலித்தவர் என்பதை இன்னோரிடத்தில் விரிவாக ஆராய்வோம்.

தமிழ்ச்செல்வன் புலிகள் இயக்கத்தில் இருந்த மிதவாத தலைவரென சிலர் அவருக்கு முலாம் பூச முனைகிறார்கள். அவருடைய வசீகரமான முகத்தோற்றத்திற்கும் நஞ்சும் அயோக்கியத்தனமும் நிறைந்த அவருடைய மனதிற்குமிடையே பாரிய இடைவெளி நிலவியது என்பது பலருக்கு தெரியாத சங்கதி. அவர் ஒரு பாசிச இயக்கத்தின் அரசியல் பேச்சாளராக வெளிவேஷம் போட்டபடி உலா வந்தார் என்பதை பலரும் அடிக்கடி மறந்து விடுகிறார்கள்.

ஒருவர் வெள்ளை உடையையும், முகத்தை மலர்வாகவும் வைத்திருந்தால் அவர்கள் சமாதானத் தூதுவர்கள் என்றில்லை. அயோக்கியர்களும் இத்தகைய வேடத்தை தாங்க முடியும்.

புலிகள் இயக்கம் சதிகளும், குழிபறிப்புக்களும் நிறைந்தவொரு இயக்கம் என்பதை நாம் மனதில் இருத்த வேண்டும். கடற்புலிகளின் தளபதி கேணல் சூசை படகு விபத்தில் படுகாயமடைந்தது ஒன்றும் தற்செயலான நிகழ்ச்சியல்ல. இதேவேளை பொட்டம்மான், தமிழ்ச்செல்வன் புலிகளின் வேறு தளபதிகளுக்கிடையே முரண்பாடுகள், காழ்ப்புணர்வுகள் இருந்து வந்ததும் பரகசியம்.

குழிபறிப்பு என்பது புலிகளின் வரலாறு முழுவதும் காணப்படும் சமாச்சாரம். 70 களின் பிற்பகுதியில் பக்கத்தில் பாயில் படுத்திருந்த சகாக்களை நள்ளிரவில் கொல்லைபுற வாழை தோட்டத்திற்கு அழைத்துச் சென்று படுகொலை செய்தவர் தேசிய தலைவர் பிரபாகரன். அது மாத்திரமல்லாமல் அவர் முன்னர் அங்கத்துவம் வகித்த டெலோ இயக்கத்தின் தலைவர்களான குட்டிமணி, தங்கத்துரை ஆகியோர் 80 களின் முற்பகுதியில் தீவிரமாக அரச படைகளால் தேடப்பட்ட போது அவர்கள் இந்தியாவிற்கு தப்பிச் செல்ல முயல்கையில் அவர்கள் பற்றிய தகவல்களை அளித்து அவர்கள் கைது செய்யப்படுவதற்கு உடந்தையாக இருந்தவர்.

பிரதித்தலைவராக இருந்த மாத்தையா தனது பதவிக்கு சவாலாக எழுந்துவிடுவாரோ என அஞ்சி அவரை தீர்த்துக் கட்டியவா. யாழ்ப்பாணத்தில் புலிகள் நிகழ்த்திய தாக்குதலொன்றில் செல்லக்கிளியை பின்புறமிருந்து சுட்டவர்.

மன்னாரில் செல்வாக்குமிக்க புலி தளபதியான விக்டரை பின்புறமிருந்து சுட்டு படுகொலை செய்வதவர்களுக்கு தூண்டுகோலாக இருந்தவர். தேசியத் தலைவரின் இந்தக் கலையை, கைவண்ணங்களை புலிகளின் அடுத்த நிலை தலைவர்கள் கற்றிருக்கமாட்டார்கள் என்றில்லை.

தமது கீழ்மட்டத்திலுள்ள உறுப்பினர்களை தற்கொலையாளிகளாக மாற்றி அவர்கள் வெடித்து சிதறும் போது அவர்களின் இரத்தமும் அவர்களால் கொல்லப்பட்டவர்களின் இரத்தமும் சங்கமமாகும் போது குதூகலிப்பார்கள். அண்மையில் அனுராதபுரத்தில் நிகழ்த்தப்பட்ட தாக்குதலிலும் தமது குதூகலிப்பை வெளிப்படுத்தியிருந்தார்கள். இந்த குதூகலங்களுக்கு இடையே குறிப்பிட்ட சில மரணங்கள் மட்டும் மிகைப்படுத்தப்பட்ட சோகத்துடன் நினைவு கூரப்படும்.

யாருடைய மரணமும் மனித நேயம் கொண்டவர்களுக்கு நாகரீகமான மனிதர்களுக்கு உவப்பானவையல்ல.

தமிழ்ச்செல்வனின் மனைவி பிள்ளைகள் உற்றச் சுற்றத்தை பொறுத்தவரை அவர்களுக்கு இது ஒரு துயரம். இதேபோன்றதுதான் புலிகளால் கொல்லப்பட்ட பல்லாயிரக் கணக்கானவர்களின் உறவுகளினதும், உற்ற சுற்றத்தாரினதும் துயரம்.

வஞ்சகமும், சூழ்ச்சிகளும் போலித்தனங்களும் முதலில் எமது சமூகத்தில் இல்லாதொழிய வேண்டும். சிலரது மரணங்களை ஈடு செய்ய முடியாதது என்பதும், பலரது மரணங்களை துச்சமாக எண்ணுவதுமான இழிநிலை எமது சமூகத்தில் ஒழிந்தாக வேண்டும்.

முழுவதும் படிக்க: புலிகளின் பிரிகேடியர் தமிழ்ச் செல்வனின் மரணம்

சு.ப. தமிழ்ச்செல்வன் குறித்த பதிவு, ஊடகத்தொகுப்பு

விகடனில் வந்த குமுதம்

2007-10-19T12:37:00.000-07:00

நன்றி: விகடன் (சந்தா கட்டாதவர்களின் வசதிக்கு: IdlyVadai - இட்லிவடை: வழ்த்துக்கள் பாஸ்டன் பாலா

'முதல்ல உங்க குழு சம்பந்தமான வலைப்பதிவு' என்று அவரும், 'இட்லி வடை கடைக்காரர் இவர்தான்' என்று விகடனும் சொல்வதை மறுக்க வேண்டும். நான் அவன் இல்லை.

விகடனில் வந்தது மகிழ்ச்சியான விஷயம். மறுக்க முடியாது. சந்தோஷமாக இருக்கிறது.

புதிதாக பதிவு எதுவும் போடாத நிலையில்; நாளொன்றுக்கு சதம் அடித்துக் கொண்டிருந்த நிலையில்; இன்று 500+ வருகையாளர்கள். பாதிக்கு மேற்பட்டோர் முதல்முறையாக வந்ததாக குக்கீ வைத்த புள்ளிவிவரம் அள்ளிவிடுகிறது.

ஆசையுடன் ஓடோடி வருபவர்களை தற்போதைய மோகமான ஸ்னாப் ஜட்ஜ்மென்ட் பதிவுக்கு வரவேற்கிறேன்.

விகடன் வாசகர்களைக் குழப்பும் எண்ணத்துடன் சில பழங்கதைகள்:

1. என்னைக் குறித்த அறிமுகம்

2. மேலும் மேலும் அறிமுகம்

பயோடேட்டா போடறேன்...

பெயர்: பாபா

வயது: திருநாவுக்கரசராக தோற்றம் காண்பித்தாலும் திருஞானசம்பந்தராக நினைத்துக் கொள்வது

நண்பர்கள்: ஆர்குட், லிங்க்ட் இன், ஃபேஸ்புக்களில் இருப்பதாக எண்ணுவது

திடீர் எதிரிகள்: இ-தமிழுக்கான சுட்டியை நீக்கிவிடுபவர்கள்

நீண்டகால எதிரிகள்: இ-தமிழில் இடது, வலதாக சுட்டியைப் பெற்றவர்கள்

வேலை/தொழில்: அப்படியெல்லாம் ஒன்றுமில்லை

பழைய பொழுதுபோக்கு: கட்/காபி/பேஸ்ட்

புதிய பொழுதுபோக்கு: தான் சார்ந்த குழுப்பதிவுகளுக்கு கட்டாய ஆட்சேர்ப்பு - பிள்ளை பிடிப்பது

பிடித்த வேலை: பூங்காவுக்கு சொன்னதேதான்

பிடித்த இடம்: Blogger: ... - Moderate Comments

பிடித்த மொழி: தமிழ், இடுகையின் தலைப்புகளுக்கல்ல

மறந்தது: ராயர் காப்பி கிளப்

மறக்காதது: இ-தமிழை வலைப்பதிவுலகின் குமுதம் என்று பா ராகவன் அழைத்ததை

விரும்புவது: தனக்கு சர்வாதிகாரம்; மற்றவர்களுக்கு தணிக்கை

எரிச்சல்: My Allergy to Rising Sun & Two Leaves

சமீபத்திய சாதனை: 1500+ கட்டுரைகளை காப்பிரைட் கவலைப்படாமல் சேமித்தது

நீண்டகால சாதனை: மற்றவர் பலத்தில் பிழைத்திருப்பது

தினமலர் போல், இந்தியா டுடே போல் விகடனும் வலைப்பதிவை அறிமுகம் செய்வது பயனில்லாத விஷயம்.

இந்த மாதிரி 'வாரம் ஒரு வலையகம்' பரிந்துரைப்பதால் அந்த வாரத்துக்கு வேண்டுமானால் வாசகர் எண்ணிக்கை கூடலாம். அவர்கள் தமிழ்மணத்தின் நீண்ட கால சந்தாதாரராகவோ, செய்தியோடையை ப்ளாக்லைன்ஸில் போட்டுக் கொள்பவராகவோ மாற மாட்டார்.

ஒரு தரம் வருவார்கள்; மேலோட்டமாக பார்ப்பார்கள்; அதிகபட்சமாக ஈர்க்கப்பட்டால், ரொம்ப காலமாக கணினிப்பயனராக இருந்தால் டெல்.இசி.யஸ். இல்லையென்றால் புத்தகக்குறியில் பத்தோடு பதினொன்று. Fill it; shut it; forget it வர்க்கம்.

இதற்கு பதிலாக விகடனில் வெளியாகும் பல்வேறு பகுதிகளான உடல்நலம், உலக சினிமா, சமையற் குறிப்பு, சிறுகதை, கருத்துப் பத்தி போன்றவற்றில் வலைப்பதிவுகளில் ஏற்கனவே வெளியானதை அச்சு ஊடகத்துக்கு (ஏற்றவாறு எடிட் செய்து) கொண்டு செல்லும் வரை, இந்த மாதிரி வெற்றுப் பரிந்துரைகளால் பலனேதும் கிடைக்காது.

விகடன் மாதிரி பத்திரிகைகளில் இடம் பிடிக்க வேண்டுமென்ற ஆர்வத்தில் கும்மி மொக்கைகள் (தமிழ் வலையுலகில் முற்போக்காளராவது எப்படி?) குறையும். தரமான திரை விமர்சனம் முதல் ஆதாரங்கள் கூடிய நறுக்+சுறுக் சிந்தனைகளை கட்டுரையாக்குவதும் infectious ஆக அனைத்துப் பதிவரையும் தொற்றிக் கொள்ளும்.

ஏன்?

'சென்னை 600028' பதிவை பார்த்தவுடன் படம் பார்க்கும் ஆசை வரும். அமெரிக்காவில் படம் வெளியாகாது. இந்தியக் கடைகளில் இதுபோன்ற நட்சத்திர அந்தஸ்து இல்லாதவற்றுக்கு இடம் கிடைக்காது. டவுன்லோட் செய்ய மனம் ஒப்பாது.

விகடன் வாசிப்பாளரும் இப்படித்தான். புத்தகத்தில் படிக்கிறார். வீட்டில் இருக்கும் இணையத்தை மற்றவர்கள் ஆக்கிரமிக்கிறார்கள். அலுவலில் விகடன் பிரதி கையோடு இருக்காது. அடுத்த வாரம் கற்றது தமிழுக்கு விமர்சனம் போட்டுவிட 'அப்படியா' என்பதுடன் படம் பார்த்த திருப்தி முடிந்துவிடும்.

அபார்ட்மென்ட்டுக்கு முன்பதிவு செய்து கொள்ளாத, சொந்த வீடு தாகம் கொண்ட அந்தக் காலத்தில் எல்லாப் பணமும் போட்டு, கொடுக்க வேண்டியதைக் கொடுத்து ப்ளான் ஒப்பந்தம் வாங்கி, அலைந்து திரிந்து செங்கல் லோடு போட்டு, பக்கத்துவீட்டுக்காரர்களின் பொறாமை கலந்த முகஞ்சுளிப்பை புறந்தள்ளி, பெருமிதத்தோடு நிலைப்படி பூஜை செய்வோம்.

தமிழ்நாட்டு தினசரிகளில் 'சற்றுமுன் கார்னர்', கல்கிக்கும் மாற்று தளத்தும் ஒப்பந்தம், குமுதத்தில் மூன்றரைப் பக்கங்களுக்கு கில்லியின் பரிந்துரைகள், போன்ற காலம் வருவதற்கு இந்த மாதிரி அறிமுகங்கள் 'நிலைப்படி பூஜை'.

பாஸ்டனில் பொன்மாலைப் பொழுது - 2007

2007-10-12T10:12:00.000-07:00

நாளைக்கு நடக்க இருக்கிறது

இயல், இசை, நாடகம் - பொஸ்ரதன் தமிழ் சென்டர்

மேலும் விவரங்களுக்கு: Current Events

புத்தம் புதிய போட்டி

2007-07-24T02:57:00.000-07:00

இது போட்டிகளின் சீஸன். கேள்விகளின் போட்டியை பாலபாரதி துவங்கி வைக்க, இன்னொரு பதிவில் புகைப்பட போட்டி இப்பொழுதுதான் வெற்றிகரமாக பவனி வந்து, அடுத்த சுற்றுக்குத் தயாராகி இருக்கிறது.

தமிழ்மணம் மட்டும் பார்த்த கணித்திரைகளில் தூரிகையும் கையுமாக காரிகர்கள் வண்ணம் கொண்ட வையத்தைத் தீட்டித் தள்ளுகிறார்கள்.

இந்த சமயத்தில் இது இன்னொரு புதுவிதமான, மனநிறைவளிக்கும் போட்டி! உங்களுக்காக அந்த அறிவிப்பு...

வலைப்பதிவு பட்டறைக்காக நீங்கள் செய்யவேண்டிய மிகப்பெரிய உதவி ஒன்று இருக்கிறது. அது பட்டறை நடத்தும் செலவுகளுக்கான நிதி உதவி.

ஈகை கோதாவில் குதிக்க நீங்கள் தயாரா?

Questions for Idly-Vadai

2007-06-30T17:55:00.000-07:00

இட்லி-வடை (IdlyVadai - இட்லிவடை) 1008 பதிவுகளைத் தொடப் போகிறார். அதை முன்னிட்டு பாற்குடம், கரகாட்டம், காது குத்து, நீர்ப்பந்தல், ஆன்மிக சொற்பொழிவு எல்லாம் செய்ய ஆசைப்படுகிறார்.

அந்தக் காலத்தில் சுப்ரமணிய சுவாமி, இராஜீவ் காந்தியை நோக்கி தினசரி இருபது கேள்விகள் கேட்பார். பதில் வரவில்லை என்றாலும், கேள்விகள் வந்து கொண்டே இருக்கும். அந்த மாதிரி உங்களையும் வினாத் தொடுக்க அழைப்பு விடுத்திருக்கிறார்.

இவை என்னுடைய சந்தேகங்கள்:

1. யார் நீங்க? 'நீதானா அந்தக் கழுதை' என்று மோகன்தாஸ் முதல் முட்டம் சின்னப்பதாஸ் வரை மடல் விடு தூதுகிறார்கள். சொல்லிடுங்க.

2. சென்சேஷனல் செய்தி எங்கேயிருந்து பிடிக்கறீங்க? 'காசிமேடு ஆதி'யாக ஒரு ரூபாய் சொன்னீங்கன்னா, நாங்களும் முந்தித் தந்து கூகிள் ஆட் சில்லறையில் 'சிவாஜி' கல்லாப்பெட்டி நிரப்புவோம்.

3. உங்களுக்கு சம்பளம் கொடுக்கும் வேலை என்று ஏதாவது உண்டா? ஜர்னலிஸ்டாக இல்லை என்றால், முழுநேர செய்தியாளராக ஆகும் எண்ணம் உண்டா?

4. உங்களை இதுவரை எவ்வளவு பேர் கண்டுபிடுச்சிருக்காங்க? அதில் எம்புட்டு கரெக்டு?

5. நீங்க அரசியலுக்கு வருவீங்களா? வந்துட்டீங்களா?

6. ஜெயகாந்தன் எழுதுவதை நிறுத்தினார் (அப்படியா?). சுஜாதா நிறுத்த வேண்டும் என்கிறார்கள் (யாரு!?). நீங்கள் வலைப்பதிவை நிறுத்திவிட வேண்டுமா?

7. டைம் மேனேஜ்மெண்ட் எப்படி செய்யறீங்க? கணவன், குழந்தைக்கெல்லாம் அவ்வப்போது ஹலோ சொல்வதுண்டா?

8. காபி/பேஸ்ட் போரடிக்கவில்லையா? சற்றுமுன், மிளகாய், தமிழ் நியுஸ் என்று கிளம்புகிறவர்களை போட்டியாக கருதுகிறீர்களா? வளர்ப்பு மகவுகளாக பார்த்து உச்சி மோந்து மகிழ்வுறுகிறீர்களா?

9. ஜனாதிபதியாக வர கலாம் மறுத்துவிட்டார். உங்க சாய்ஸ் யாரு? எவர் வந்தால் இட்லி-வடை சூடு பறக்கும்?

10. 'எனக்கு அந்த முக்கியஸ்தரை தெரியும்... இவருடன் நேற்று டீ சாப்பிட்டேன்' என்பதெல்லாம் 100% கப்ஸாவா? கனவா? சொப்பன ஆருடங்களா?

11. திரட்டியை விட்டு விலகுவது பயந்து முக்காடு போடுவதற்கு சமானம் அல்லவா? அதற்கு எழுதாமலே ஒதுங்கலாமே? ஏன் தமிழ்மணம் கருவிப்பட்டையை கழற்றினீர்கள்?

12. முன்னாடியெல்லாம் துக்ளக் கார்ட்டூன்கள் ரெகுலராக வருமே? இப்பொழுது ஏன் நின்று போச்சு? பின்னூட்ட பிரண்டிங் மனப்பிராந்தியா?

13. விசயகாந்த்துக்கும் இராமதாசுக்கும் ஆறு ஒற்றுமைகள் சொல்லுங்க.

14. அட்டன்பரோ :: காந்தி; சத்யராஜ் :: பெரியார்; மோகன்லால் :: எம்ஜியார்; (நிரப்புக)
அ) ரஜினி :: - ?
ஆ) விஜய் :: - ?

15. இட்லி-வடைக்கு நிகர் இ-வ.தான் என்றாலும். அமிதாப் இல்லாத அசோகாவுக்கு அஜீத் தேவலாம் என்பது போல் இ-வ அல்லாத பதிவுலகில் யாரை இட்டு நிரப்ப முடியும்:
அ) யோசிப்பவர் / ஆ) உண்மைத் தமிழன் / இ) காஞ்சி ஃபிலிம்ஸ் / ஈ) பாலச்சந்தர் கணேசன்?

16. 1007-இல் எட்டாவது சொந்தமாக எழுதியிருப்பீங்க. (எழுதியிருக்கீங்களா!?) அதில் பிடித்த முத்து?

17. கீழ்க்கண்ட சன் டிவி தொடர்களில் ஒன்றை உங்கள் பதிவோடு ஒப்பிடுக:
அ) அல்லி ராஜ்ஜியம்,
ஆ) அமுத மொழிகள்,
இ) குட்டீஸ் சாய்ஸ்,
ஈ) சென்ற வார உலகம்,
உ) தற்காப்பு கலை

18. சண்டை நமது குணம் என்பதற்கேற்ப இட்லி-வடைக்கு x யார்?

19. TOP 10 Movies போல் இட்லி-வடைக்காக ஸ்பெசல் திரைப்படம் போடுக.

20. தங்களின் அத்யந்த வாசகருக்கு ஒரு கேள்வி வரைக.

நீங்களும் கேட்டு வைக்கலாம். அரசு பதிலாக இல்லாவிட்டாலும், அமீனா வராவிட்டாலும் கூர்மவாவது வந்து சேரலாம்.

(செய்திக்) கட்டுரைப் போட்டி

2007-06-19T06:03:00.000-07:00

'சற்றுமுன்' போட்டி குறித்து தெரிந்திருக்கும்.

வசதிக்காக சுட்டி இங்கே: சற்றுமுன்...: 1000 போட்டி அறிவிப்பு

(போட்டி குறித்த அசல் அறிவிப்பு இங்கே கிடைக்கும்: சற்றுமுன் - 1000 - விமர்சனப் போட்டி அறிவிப்பு)

போட்டி முடிய இன்னும் பத்து நாள்தான் இருக்கிறது. உங்கள் படைப்புகளை அனுப்பியாகி விட்டதா?

(புத்தகப்) பரிசுகள்: -
1. ரூ . 2500/-
2. ரூ . 1750/-
3. ரூ . 1000/-

இது தவிர

ஒவ்வொரு வகைப்பாட்டின் கீழும் 10 பரிசுகள்
போட்டிக்கான வகைகள்
1. அரசியல்
2. சமூகம்
3. அறிவியல் /நுட்பம்
4. விளையாட்டு
5. பொருளாதாரம்/வணிகம்
வசீகரமான, வித்தியாசமான தலைப்புள்ள கட்டுரைக்கு பரிசு
போட்டியில் பங்கேற்கும் முதல் 50 பேருக்கு சிறப்பு பரிசு

எழுதுங்க... :)

Tamil Poonga gets mentioned in Dinamani Kathir

2007-06-08T12:49:00.000-07:00

ஞாயிறு தினமணியுடன் வெளிவரும் இலவச இணைப்பான தினமணிக் கதிரில் இந்த வாரம் வெளிவந்த செய்தியின் நறுக்கு:
நன்றி: தினமணிக் கதிர்.

தமிழுக்கொரு பூங்கா!
- என்.ஜே.

குடந்தைத் தமிழ்ச் சங்கம் தமிழ்ப் பூங்கா என்றொரு காலாண்டிதழை வெளியிட்டுள்ளது.

தாத்தாவும் பேரனும் கைகோர்த்து நடப்பது போல, பழமையும் புதுமையும் இந்தப் பூங்காவில் கைகோர்த்து நடக்கின்றன.

கம்பராமாயணம் பற்றிய கட்டுரை ஒரு பக்கத்தில் என்றால் புகழ்மிக்க எழுத்தாளர் அமரர் எம்.வி.வெங்கட்ராம் அளித்த நேர்காணல் இன்னொரு பக்கத்தில்.

இந்தத் தமிழ்ப் பூங்காவில் தமிழைப் பற்றி மட்டும்தான் இருக்கும் என்று நினைத்தீர்கள் என்றால் ஏமாந்து போவீர்கள். வரலாறு, புதுக்கவிதையின் தந்தை ந.பிச்சமூர்த்தி பற்றிய கட்டுரை, மஞ்சளின் மகிமை, வாழையின் பயன், தேனின் மருத்துவக் குணங்கள் எனப் பல்சுவையும் நிறைந்திருக்கிறது இந்தத் தமிழ்ப் பூங்காவில்.

Bone Marrow Drive at Sri Lakshmi Temple

2007-06-05T10:18:00.001-07:00

இந்தியர்களின் Bone marrow கிடைப்பது அரிது.

இரத்தப்புற்றுநோய் போன்றவற்றால் பாதிக்கப்படுபவர்களுக்கு Bone marrow தானம் செய்பவர்கள் தேவைப்படுகிறார்கள்.

தேசி மக்கள் பலருக்குத் தேவை இருந்தாலும், இந்திய - அமெரிக்கர்கள் பெருமளவில் வசித்தாலும், பொருத்தமான போன் மாரோ கிடைப்பது கஷ்டமாக இருக்கிறது.

பாஸ்டன் பக்கம் வசித்தால் உங்கள் Bone marrow பொருத்தம் பார்க்க ஒரு துளி இரத்தம் எடுத்து வங்கியில் சேமித்து வைப்பார்கள்.

நேரம்:
ஜூன் 10 ஞாயிறு -11காலை - 3 மாலை
ஜூன் 23 சனி 2 - 6 மாலை
ஜூன் 24 ஞாயிறு 12 மதியம் - 4 மாலை

மேலும் விவரங்களுக்கு:
Priti: 510.364.9698

இடம்:
பாஸ்டன் அருகேயுள்ள ஸ்ரீலஷ்மி கோவில் முகவரி:
117 WAVERLY
ASHLAND
MASS.

இது குறித்த தமிழ் விக்கிபீடியா: இரத்தத் தட்டு

இது குறித்த என்னுடைய முந்தைய பதிவு: மாரோ மாரோ (பிழைகள் இருக்கலாம்!)

Blogger Meets - Announcement

2007-04-09T11:40:00.000-07:00

விடுபட்டவை: ஏப்ரல் 22ல் பதிவர் சந்திப்பு!:

சென்னை வலைப்பதிவர் சந்திப்பு - சென்னபட்டினம் & சிறில் அலெக்ஸ், தருமி, ஓசை செல்லா, துபாய் ராஜா, துபாய் லியோ சுரேஷ்.

அடியேனும் ஆஜர் :)

இடம்: நடேசன் பார்க், தி.நகர்.
நேரம்: 3.30 - 7.30
நாள்: ஏப்ரல், 22 - ஞாயிறு

முழு விவரங்கள்

இலவசம்: Floralia 2007 - பூக்களுக்கான உற்சவம் !:

இடம்: நியூ ஜெர்ஸி, அமெரிக்கா
நாள்: ஏப்ரல், 28 - சனி

இந்த முறை புது தில்லியிலும் சில வார நாள்களைக் கழிக்க திட்டம் உள்ளது. டெல்லி வட்டாரப் பதிவர்கள் சந்திக்க எண்ணம் இருந்தால் bsubra @ gmail.com அல்லது bsubra @ yahoo.com-இல் தொடர்பு கொள்ளவும்.

நன்றி நண்பர்களே!

Tamil Robo - Guest Editor (Ad)

2007-04-09T10:38:00.000-07:00

தமிழ் ரோபோவில் இந்த வாரம் 'விருந்தினர்' பணி.

ஒரு வார ஆசிரியராக இருக்க விருப்பமா ? idlyvadai@gmail.com ஒரு மெயில் தட்டுங்கள்! எந்த நிபந்தனையும் கிடையாது என்று பார்த்தவுடன்

, அறிவியல் தமிழ் பரப்ப விழைந்து, தமிழ் ரோபோவில் குழைந்தேன்.

இதுவரை இட்ட சில பதிவுகள்.

பதிவுகள்: தமிழ்மணத்தில் இன்று

நேர்காணல்: பேரா.வி.ராமநாதன்

செய்தி: கால நிலை மாற்றங்கள்

செய்தி: அமெரிக்காவில் சுனாமி வருமா?

வலை: பௌதிகம்

மேற்கோள்: காலச்சக்கரம்

சினிமா: வியாபாரி

அடுத்த வாரம் யாரு???

Political Compass - Left, Right, Liberal, Communism, Marxism et al

2007-04-03T08:50:00.000-07:00

Padmakishore's Vaiyam: இடதுசாரிக்கும் வலதுசாரிக்கும் என்ன வித்தியாசம்? பார்த்தவுடன் மூன்றாண்டுகள் முன்பு எடுத்த கணிப்பு நினைவுக்கு வந்தது.

இன்றைய நிலையில்:
Economic Left/Right: -4.00
Social Libertarian/Authoritarian: -2.51

அன்றைய நிலையில்: (ஈ-தமிழ்: நான் யார்?)
Economic Left/Right: 2.12
Social Libertarian/Authoritarian: 0.56

புகழ் பெற்றவர்களின் இடங்கள்:

தொடர்புடைய அன்றும் இன்றும்: ப்ருந்தாவனம்: பழசு புதுசு தொடர் பதிவு - தமிழ்மணம்

உங்கள் நிலைகளை அறிய: Political Compass

How will Balaji select 'Top Group Blogs'

2007-03-13T11:41:00.000-07:00

Thursday, March 08, 2007

எந்த குழுப்பதிவு டாப் ?

நம்ம வலைப்பதிவில் எந்த கூட்டுப்பதிவு டாப் ?
1.
2.
3.
4.
5.
என்று பின்னூட்டத்தில் தெரிவிக்கவும்.

Posted by பாலாஜி at 3/08/2007 08:56:00 AM

Labels: வாக்கெடுப்பு

Monday, March 12, 2007

டாப் 5 கூட்டுப்பதிவாளர்கள் - முடிவுகள் !
பொழுதுபோகாதோர் தினம் ஸ்பெஷலாக குழாம் பதிவுகளில் டாப் 5 யார் என்று ஒரு வாக்குபதிவு வைத்திருந்தேன்.

முடிவு ... கிழே..

1. விக்கிபசங்க 20% வாக்குகள் வாங்கி முதல் இடத்தில் இருக்கிறார். ஓட்டு போட்ட பெரும்பாலோர் விக்கிபசங்களுக்கு ஓட்டு போட்டிருந்தார்கள். மிகவும் பாப்புலர் குழுப்பதிவு.

2. அடுத்த இடத்தில் இருப்பவர் இலக்கணம் கற்றுக் கொடுக்கும் குழு. 14% வாக்குகள் வாங்கியுள்ளார்கள்.

3. மூன்றாம் இடத்தில் மூன்று குழு பதிவாளர்கள் வ.வா.ச., சென்னப்பட்டணம், திராவிட தமிழர்கள் 11% வாக்குகள் வாங்கியுள்ளார்கள்.

4. 9% ஓட்டுகள் வாங்கி நான்காம் இடத்தில் சற்றுமுன் இருக்கிறது.

ஐந்தாம் இடத்தில் நான்கு பேர் இருக்கிறார்கள் சக்தி, வலைப்பதிவர் உதவிப்பக்கம், சொல் ஒரு சொல், கண்ணன் பாட்டு. 6 % ஓட்டுகள் வாங்கியுள்ளார்கள்.

வெற்றி பெற்றவர்கள் அனைவருக்கும் பாலாஜியின் வாழ்த்துக்கள்.

Posted by பாலாஜி at 3/12/2007 11:13:00 AM

இந்தப் பதிவுக்கு உதவியதற்கு நன்றி: பொன்ஸ் பக்கங்கள்: கூட்டணி ஆண்டு 2006

மகளின் தத்துவம்

2007-03-11T10:05:00.000-07:00

காலை எழுந்தவுடன் மகளுடன் 'என்ன செய்யலாம்?' என்று பேச்சின் இடையில், உவமையைச் சொல்லி அவளின் நிலையை விளக்கினாள்.

அம்மா என்பவள் போலீஸ்.
அப்பா என்பவன் அரசாங்கம்.
நான் பொதுமக்கள்.

வேகமாக செல்லக்கூடாது என்பதை சட்டசபை நிறைவேற்றும். சாலையில் விரைபவர்களை, காவல்துறையினர் நிறுத்தி, தண்டம் அழவைப்பார்கள். எனினும், ஓட்டுனர் விதிகளை மீறிக் கொண்டேதான் இருப்பார்.

ஒரு தலை, இரு வாய், இரு நாசி, முக்கண்ணன்

2007-03-11T09:50:00.000-07:00

வராக அவதாரம் வெளிப்பட்டது!

சீன நாள்காட்டியில் பன்றியின் ஆண்டு

செய்தி: This little piggy's just weird - Unusual Tales - Specials - smh.com.au

மேலும் படங்கள்: Xinhua - English

CareerBuilder Age-o-Matic

2007-03-07T09:50:00.000-08:00

தற்போது வலையை மேய்வது போல் இப்படி வேலை செய்து ஓடாய் தேய்கிறீர்களா?

மூன்று வயது புகைப்படத்தை வைத்து, 'தூது போவதாரடி' என்று பாடும் நாயகியைக் கண்டுபிடிக்கும் நுட்பம் தேவையா?

இங்கே செல்லுங்கள்: http://www.careerbuilder.com/age-o-matic/

சில வருடம் கழித்து, இப்படியே உழைத்துக் கொட்டிக் கொண்டிருந்தால், நான் இப்படி ஆகிவிடுவேன் என்கிறார்கள்.

Northern Ireland Elections

2007-03-06T11:24:00.000-08:00

நாளை வடக்கு அயர்லாந்தில் தேர்தல்

ஏன் முக்கியம்?

இங்கிலாந்தோடு இணைந்து இருக்க விரும்பும் கத்தோலிக்க குடியரசுக்கும் எதிர் கட்சியான அயர்லாந்தோடு இணைய விரும்புபவர்களுக்கும் இடையே போட்டி.

விடுதலைக்காகப் போராடியதில் கடந்த முப்பதாண்டுகளில் மட்டும் 3,600 பேர் இறந்திருக்கிறார்கள்.

2003-இல் வென்ற சபை ஒரு முறை கூட, நாள் முழுக்க அமர்வில் இருக்கவில்லை என்பது நம்பிக்கை ஊட்டாத பின்னணி.

யார் ஜெயிப்பார்கள்?

சென்ற தேர்தலுக்கும், இந்த முறைக்கும் பெரிய வித்தியாசம் எதுவும் இருக்கப் போவதில்லை.

பிரிட்டனை ஆதரிக்கும் குடியரசு சங்க கட்சி (Democratic Unionist), பெரும்பானமை பெறும்.

இங்கிலாந்தோடு சேர்வதை கடுமையாக எதிர்த்துப் போராடிய ஐ.ஆர்.ஏ. ஆதரவுக் கட்சிக்கு இரண்டாம் இடம்.

நடுநிலைவாதிகள் இருவரையுமே விரும்புவதில்லை. எந்தவித ஒப்புதலுக்கும் ஆதரவளிக்காதவர்களும் இவர்களுக்கு வாக்களிக்கப் போவதில்லை.

கடைசியாக என்ன நடக்கும்?

அரசில் பங்குபெறுவதற்கான பேச்சுவார்த்தையை முக்கிய தலைவர்கள் தொடங்கலாம். இந்த மாதம் 26-க்குள் முடிவான ஒப்பந்தம் ஏற்படாவிட்டால், சபையை கலைத்துவிடுவோம் என்று இங்கிலாந்தும் அயர்லாந்தும் மிரட்டியிருக்கிறது. கெடு அனேகமாக தள்ளிப்போடப் படும்.

இரு அன்னிய நாடுகளும் கூட்டணியாக தங்களை ஆள்வதை, வடக்கு அயர்லாந்தின் இரு கட்சிகளுமே விரும்பவில்லை.

'பிரச்சினையை தீர்த்து வைத்த பிதாமகன்' என்னும் அடைமொழியோடு பதவி விலக, பிரதம மந்திரி டோனி ப்ளேருக்கு ஆசை. கோடை காலத்தில் தேர்தலை சந்திக்கப் போகும் அயர்லாந்து அதிபருக்கும், அதே அவா.

கூட்டணி அரசு எப்படி இருக்கும்?

அடிதடி, குழப்பம் கொண்ட மத்திய அரசு போலவே இருக்கும்.

வடக்கு அயர்லாந்தின் இரு துருவங்களும், ஆட்சியில் பங்கு வகிப்பதால், முன்னாடி இருந்த நடுநிலைவாதிகளை விட சிறப்பாக இருக்கும்.

வெற்று பிணக்கைத் தொடர்வதை விட, பொருளாதாரமும் உள்ளூர் சேவைகளும் மிளிர்வதை மக்கள் விரும்புவதால், கட்சிகள் செயலிலும் கூட்டணி காணும்.

நன்றி:
1. Reuters AlertNet - FACTBOX- What will Northern Ireland's election mean?

2. Q&A: Northern Ireland Assembly | Devolution: Who stands where on key issues

என்றும் 30

2007-03-01T09:17:00.000-08:00

பிறந்த நாள் வாழ்த்துக்கள்

சற்றுமுன் வலைப்பதிவு குறித்து உங்களுக்குத் தெரியுமா? அங்கு கண்ட செய்தி: இன்று (01-03-2007) பிறந்த நாள்

உடனுக்குடன் செய்திகளைத் தருவதில் வல்லவர்கள். சுடச்சுட நிகழ்வுகளைப் பகிர்கிறார்கள்.

என் பிறந்தநாளையும் செய்தியாக்கிட்டாங்களோ என்று நார்சிஸமும் மகிழ்ச்சியும் சரி பாதி கலவையாக சென்று பார்த்தால், மு.க. ஸ்டாலினும் இன்றுதான் ஜனனம்! சக பிறப்பாளருக்கு வாழ்த்து.

லிண்டா குட்மேனின் (Linda Goodman's Sun Signs: Books: Linda Goodman) ஜோசியம் போல் சாதகமானதை மட்டும் எடுத்துக் கொள்ள இன்று பிறந்த மற்றவர்களைப் பார்வையிட்டதில் க்ரிஸ் வெபர் (Chris Webber), ஷாஹித் அஃப்ரிதி என்று சிலர் மாட்டினார்கள்.

அப்படியே கொசுவர்த்திச் சுருளைப் பார்வையிட...

சரித்திர அலைவரிசையின் 'இந்த நாள்' நிகழ்வுகள்
1973: ஹோண்டா சிவிக் மகிழுந்து அறிமுகம்
விக்கி
பிபிசி - மார்ச் 1
தி நியுயார்க் டைம்ஸ் - On This Day

Google vs Yahoo: TamilTalk Contest Results

2007-02-28T19:57:00.000-08:00

போட்டி இங்கே: விடை தேடும் வினா?: அதிரடி பரிசுப் போட்டி - 3

புகழ்பெற்ற இணைய தளங்களான
கூகுள், யாகூ
இரண்டில் எது சிறந்தது? ஏன்?

நடுவராக நான்.

முதலில் என்னைப் பற்றி...

இரண்டு தளங்களின் பயனர். Google Blogoscoped வலைப்பதிவை, காலை எழுந்தவுடன் 'சாந்தாகாரம் புஜகசயனம்' போல் பாவிப்பவன். யாஹூ மெயில் ஒருங்குறியைக் கவிதையாக்கினாலும், ஃபுட்போர்டில் தொற்றிக் கொண்டாவது, வைத்துக் கொண்டிருப்பவன். யாஹூவின் டெல்.இசி.யஸ் சேவையின் காதலன். Flickr-இல் காசு கொடுத்து, நல்ல பட்டாவாக வாங்க விழைபவன்.

என்னை ஒப்பிடச் சொன்னால்...

சிந்தாநதி சொல்வது மாதிரி எனக்கும் 'yahoo geocities மற்றும் google pages பத்தி' எண்ணமே எழவில்லை. யாஹூ என்றால் குழப்பம். கூகிள் என்றால் "Don't be evil." ஜல்லி.

கூகிளிடம் திட்டம் இருக்கிறது. ஒவ்வொரு துறையாக நுழைகிறார்கள். மைக்ரோசாஃப்ட் ஆஃபீஸ் ஆட்டம் காண்கிறது. புகழ் பெற்ற யூட்யுப் கபளீகரம் ஆகிறது. நியு யார்க் டைம்ஸில், பக்கங்களை மொத்த விலையில் வாங்கி ஆட்சென்ஸ் மூலமாக, சில்லறையில் விற்கும் சூட்சுமம் தெரிந்திருக்கிறது. ஷங்கரும் ரஜினியும் சேர்ந்தால் பட்டாசு பறப்பது போல் பளபளா.

யாஹூ என்ன செய்கிறது என்பது திறைமறைவில் நடக்காவிட்டாலும், செல்வராகவன் படம் போல் அமைதியாய் தயாராகிறது.

இயக்குநர் ஷங்கர் மெய்மறக்க வைப்பார். வெளிநாட்டு நுட்பங்களைக் கொண்டு வருவார். செல்வராகவன் படம் மூன்று, நான்கு வாட்டிப் பார்க்க வேண்டும். வெளி மினுமினுப்பு இருக்காது. தரை டிக்கெட் முதல் திரை சுப்புடு வரை எல்லாருக்கும் ஏதோ ஒன்று இருக்கும். நிச்சயம் ஏமாற்றமாட்டார்.

கூகுள் மின்னஞ்சல், பிகாஸா படங்கள் எல்லாம் பிரும்மாண்டமாய கோடி கிகாபைட் கொடுத்தாலும், ஏழைக்குத் தகுந்த எள்ளுருண்டையான யாஹூவிற்கு நிகர் ஆகாது.

பட்டிமன்ற நடுவராக இருந்தால்...

Windows Liveதான் சிறந்தது என்று என் உரையை முடித்துக் கொள்கிறேன்.

வெற்றி பெற்றவர் யார்?

1. பொன்ஸ்

+ தேடுதல் என்ற வார்த்தையை ஆங்கிலத்தில், "கூகிள் செய்"
+ ஒரே ஜன்னலில் பலருடன் பேசும் கான்பரன்ஸ் வசதியின்மை, சாட் அறைகள் இல்லாமை
+ வெறும் .doc, .rtf, .xls வகை கோப்புகளை மட்டுமே
+ மடலைத் தயாரித்துக் கொண்டிருக்கும் போதே, நிமிடங்களுக்கு ஒருமுறை சேமித்துக் கொண்டே இருக்கும்.
+ அகலப் பட்டை தொடர்பிலேயே, பீட்டாவைக் காண மிகச் சிரமமாக இருக்கவும்

(5 points)

2. சென்ஷி

+ googleங்கறது பணக்கார வீட்டு கல்யாணம் மாதிரி.. invitation கொடுத்தாத்தான் உள்ளே கூப்டும். ஆனா நம்ம yahoo mail சமபந்தி போஜனம்க்கா..
+ யாஹூவுல எந்த வேல பாத்தாலும் அது அலர்ட் கொடுக்கும். இது கூகிள்ல்ல டூல்பார் இருந்தா மட்டும் சாத்தியம்.
+ கூகிள்ல தேடினதை எப்படி அழிக்குறதுன்னு
(3 points)

இந்தியாதான் உலகக் கோப்பையை வெல்ல வேண்டும் என்று நினைப்பது போல், யாஹூவிற்கு குரல் கொடுத்த சென்ஷிக்கு கொடுக்க எண்ணம். ஆனால், முதல் பதினைந்து ஓவரில் 200+ அடிப்பது போன்ற பொன்ஸின் விளாசல் முன்னால், எவர் நிற்க முடியும்!

என் தேர்வு பொன்ஸ்.

வாழ்த்துக்கள் & நன்றி!

30+

2007-02-27T10:01:00.000-08:00

தமிழ்மணத்தில் பின்னூட்டங்களின் இற்றைப்படுத்துகை: உயரெல்லை 30 என்கிறார்கள்.

பின்னூட்டத் தமிழுக்குக் கட்டாய ஓய்வு தேவையா? சென்னைக் கச்சேரியைப் பின் தொடர்ந்து...

நான் வேலை பார்க்கும் நிறுவனத்தின் நிரலி, பல சமயம் மக்கர் செய்யும். கோபமாய் கத்தும் வாடிக்கையாளரிடம் workaround (Top 20 programmers excuses) சொல்லியேப் பழக்கப்பட்டவன். அப்படி எல்லைகளை தகர்த்தெறிந்து பறப்பது செர்ஜி பூப்காக்களின் வேலை என்பதற்கேற்ப, சில ஆலோசனைகள்.

ஒரு நாளைக்கு ஒரு பின்னூட்டம் மட்டுமே அனுமதிக்கவும். ஃபெப்ரவரி மாதம் என்றால், மார்ச் மாதத்தில் கூட உங்களின் பதிவு முகப்பில் இருக்கும்.
அப்படி முப்பதைத் தாண்டியவுடன், 'இது 31-ஆவது மறுமொழி' என்று புதிய பதிவில் புதிய கணக்கைத் ஆரம்பிக்கவும்.
பத்தைத் தொடும் தருணத்தில், ஒன்பதாவது துலச்சலை தொகுத்து வெளியிட்டு விடவும். (எப்படி: Blogger - how to edit comments | Edit Comments). இதன் மூலம் கிட்டத்தட்ட 90 பின்னூட்டங்கள் வரை முப்பதுக்குள் குண்டுசட்டியாக்கி குதிரையோட்டலாம்.
உங்களுக்கு இன்னாரின் பதிவுகள் பிடிக்காதா? அவர் பதிவை இட்டவுடன் முற்றுகையிடுங்கள். முப்பது பேர்களில், முப்பது பின்னூட்டங்கள் இடுங்கள். ஆளின் பதிவு அம்பேல். (அவர் வெளியிடாவிட்டால், 'பதிவரின் கயமைத்தனம்' என்னும் தலைப்பில் தனிப்பதிவு இடுங்கள்).
முப்பதுக்கு முன் போய் கருத்து சொன்னால், 'எல்லாரும் படித்து விடுவார்கள்'. ஆனால், எருமை மாடு அமிழ்ந்து கிடக்கும் குட்டை மாதிரி பின்னூட்டங்கள் தேங்கிய பிறகு போய் பதில் போட்டால், 'not to publish' என்று வரும் தனி மடலுக்கு பதிலாக, தைரியமாய் சொந்தப் பெயரிலேயே எழுதிவிட்டு வரலாம்.
co.mments மாதிரி சேவையளிக்கும் நிரலிகளுடன் தமிழ்மணம் டீல் போட்டுவிட்டது என்று பதிவெழுதலாம்.
முதல் முப்பதே சோதாதானே... அப்புறம் எதற்கு முப்பத்தொன்று? : Weblog comments (suck (usually)).
பத்து புள்ளிகள் தராவிட்டால், பதிவு நிறைவுறாது என்னும் திட்டத்துக்கு கால்கோள் இட்டு விடாதீர்கள். எனவே...
Pearls Before Swine:
Lio:

கொசுறு:

சந்தோஷ் சொல்வது போல் 'பதிவர்களாய் பார்த்து திருந்தாவிட்டால் ஒண்ணும் செய்ய முடியாது' என்பதற்கேற்ப பின்னூட்டவாசிகள், இந்த 'முப்பதுக்குள் மட்டும்' தடையை, ஆப்பர்ச்சூனிடியாக மாற்ற வேண்டுகோள் விடுக்கிறேன்.

முந்தைய பதிவு: பின்னூட்ட சாதனையாளர்களின் சுபாவம்: பிசாசு மொழி

Tamil Blogs - Thamizmanam Tactics & Strategy

2007-02-26T13:22:00.000-08:00

கணிமை: தமிழ்மணத்தை மேம்படுத்த சில நுட்ப ஆலோசனைகள் பதிவை பின் தொடர்ந்து...

1. அண்மையில் மறுமொழியப்பட்ட இடுகைகள் - ஆங்கிலப் பட டிவிடிக்களில் 'நீக்கப்பட்ட காட்சிகள்' தொக்கிக் கொண்டு, இலவசமாக கூடவே வரும். படம் பார்ப்பதை விட, படத்தொகுப்பின் போது, கடாசிய இந்தக் காட்சிகளை பார்ப்பதில் சுவாரசியம் அதிகம். முதலில் வெறுமனே காட்சிகளை மட்டும் பார்ப்பேன். அது முடிந்தவுடன், 'இயக்குநரின் சொற்பொழிவோடு கூடிய' பின்னணியில் ரசிப்பேன்.

பின்னூட்டங்களும் அவ்வாறே. பதிவில் தொக்கி நிற்பதை பிறருக்கு விளம்பும்.

இன்னாருக்கு வரும் பின்னூட்டங்கள் 'அன்பே... நலமா' அல்லது 'சும்மா எண்ணிக்கை கூட்டிக் கொள்ள' வகையறா என்றால், நாளடைவில் அந்த வலைப்பதிவை நித்திராதேவி வரமறுக்கும், அரட்டை அடிக்க எவரும் மாட்டாத நேரத்தில் கூட (மறுமொழிக்காக) நான் க்ளிக்குவது கிடையாது. பத்ரிக்கு வரும் மறுமொழிகள், பதிவின் மேற்சென்று செறிவூட்டும் வகையறா என்பதையும் அன்றாட தமிழ்மண வாசகர் அறிவார்.

2. குறிச்சொற்கள்:

அ) check box தெரிவுகளாகத் தந்து மூன்று நான்கு குறிச்சொற்களை ஆகக் கூடுதலாக தேர்ந்தெடுப்பது (ரவிசங்கர்)
ஆ) குறிச்சொற்கள் என்பதை முழுக்கவே நீக்கிவிட்டு, பெரும்பான்மையான பதிவர்கள் பீட்டாவுக்கு மாறிவிட்டதால் பதிவில் கொடுக்கப்படும் குறிச்சொற்களையே திரட்ட வழி செய்யலாம்.(சுரேஷ்)

இவையிரண்டுமே முக்கியமான தேவையான மாற்றங்களைத் தரும்.

மேலும், digg.com போன்ற தளங்களில் இயக்கத்தில் உள்ளது போல், வலைப்பதிவு வல்லுநர்களைக் கொண்டு இந்த வசதியை மேம்படுத்தலாம். புதிய குறிச்சொற்களை, பதிவரின் விருப்பத்திற்கேற்ப சேர்க்கலாம்; குறைக்கலாம். ஆனால், தள நிர்வாகிகளின் கையில் இருப்பதால், தான்தோன்றித்தனமான பெயர்களுக்கு பதில், பொருத்தமானவை எடுபடும்.

ப்ளாகர் தவிர மற்ற வலைப்பதிவு நிரலிகள் அனைத்துமே (வோர்ட்பிரெஸ்.காம்) போல் 'வகைப்படுத்தல்' வசதியைக் கொடுக்கிறது. அவற்றையும் பொருத்தமாக உபயோகிக்க வேண்டும்.

3. வாசகர் பரிந்துரை -

வாக்குகள் எவரால் இடப்பட்டது என்று பெயரையும், வலைப்பதிவின் முகவரியையும் காட்டவேண்டும். மேலும், அவரால் தேர்ந்தெடுக்கப்பட்ட அல்லது கீழிறக்கப்பட்ட அனைத்துப் பதிவுகளையும் காணும் வசதி வேண்டும்.

நமது வாக்கு வெளிப்படையாகத் தெரியும் என்பது, வலைப்பதிவாளருக்கு பொறுப்பைத் தரும். விளிப்பிலியாக மறைந்திருந்து வாக்களிக்கும் வசதி இல்லாததால், கள்ள ஓட்டு எண்ணிக்கை குறையும். குழாமாக செய்ல்படுகிறார்கள் என்னும் குற்றச்சாட்டு உண்மையா என்பதும் விளங்கும்.

இவர் இந்த விதமாய எண்ணுவது பிடித்திருப்பதால், இவரின் மற்ற வாக்குகளையும் அறிந்து, அங்கும் சென்று படிக்க விழைவோருக்கும் பய்னுள்ளதாய் அமையும்.

எடுத்துக்காட்டாக, இந்திய தேசியம் வலியுறுத்தும் வலைப்பதிவர், பிரிவினையைத் தூண்டும் பதிவை நிராகரிக்கலாம். அவர் மறுதலித்த மற்ற இடங்களையும் சுட்டுவதன் மூலம், அவருடைய வாக்குடன் ஒத்துப் போகும் என் போன்றோருக்கு எளிதில், பிடித்தமான இடுகைகளுக்கு வழிகாணலாம்.

---9/34 என்ற வாக்குக் கணக்கில் 9 பேர் வாக்களித்தனர் என்பதை விட 25 பேர் எதிர்த்துள்ளனர் என்பது முக்கியம்.---

ஒன்பது என்பது, எட்டை விடப் பெரிது.

காட்டாக, கடந்த தேர்தலில் திமுக-வுக்கு எதிரான ஓட்டு அதிகம் என்பதால், அவர்கள் ஆட்சியில் அமறக்கூடாது; திமுக அல்லாத கூட்டணிதான் அமரவேண்டும் என்று சொல்ல முடியாது. இன்னாரின் கருத்தை எட்டு பேர் விரும்பியுள்ளனர்; இன்னொருவரின் கட்டுரையை ஒன்பது பேர் பரிந்துரைக்கின்றனர். 9 > 8!

4. நிலையாகக் காட்ட ஒரு தனிப்பக்கம் -

பழைய தமிழ்மணத்தில் வரிசையாகப் படிக்க இயலும். பதிவின் தலைப்பு, இட்டவர் பெயர், கொஞ்சம் முன்னோட்டம் என்று தொடர் வண்டி போல் நீட்டமாக ஓடும். அதே போல், பகுதிவாரியாக தனிப்பக்கம் இடாமல், வெப்2.0 பயன்படுத்தி, ஒரே பக்கத்தில் தோற்றுவிக்கலாம். பாப்யூரல் (இன்னொரு காட்டு: Just Samachar - National News) போல் அஜாக்ஸ் கூட கொண்டு வரலாம்.

---அறிவு சார் துறைகளுக்கு முன்னுரிமை தரலாம்.---

பூங்காவின் தேர்வு (அல்லது) சார்பு நிலை போல் இதுவும் பிணக்குகளை ஊக்குவிக்கலாம்.

5. எரிதத் தடுப்பு -

மீண்டும் மட்டுறுத்தனர், தள நிர்வாகி போன்ற தணிக்கையாளர் போல் தென்படுகிறது.

ஆங்கிலத்தில் ஏற்கனவே இருக்கும் கட்டுரையை தமிழில் மொழிபெயர்த்தால் என்னைப் பொருத்தவரை எரிதம். 'அதுதான் படித்த விஷயமாச்சே... மீண்டும் எதற்கு புதிய மொந்தை' என்பேன். இன்னொருவருக்கு, அதுவே மொழியை வலுப்படுத்தும் செய்கையாக, ஆக்கபூர்வமானதாகத் தோன்றலாம்.

தமிழ்மணம் என்பது வலைப்பதிவு திரட்டி. வலைக்குழு அல்ல.

---அதிகபட்சம் ஐந்து இடுகைகள் மட்டுமே தமிழ்மணத்தில் காட்சிப்படுத்தப்படும்---

பதிவு சுதந்திரமான இடம்.

'காலையில் ஒன்று, மாலையில் ஒன்று!'
'நாமொருவர்' நமக்கெதற்கு ஐந்து?'
'உங்கள் பதிவு ஐந்து கிலோபைட்டைத் தாண்டினால் திரட்டமாட்டோம்'

என்று கூகிள் சட்டதிட்டம் இடுவதில்லை.

6. முகப்புப் பக்கத் தர மேம்பாடு -

---பூங்கா இதழில் காட்சிப்படுத்தப்பட்ட இடுகைகளை எழுதியவர்களை ஓரளவுக்கு தரமாக எழுதக்கூடியவர்கள்---

மேலே #3-இல் சொன்னது போலவே பூங்காவும் தேர்வாளர்களை அடையாளப்படுத்த வேண்டும். எவர் தேர்ந்தெடுத்தால் ஒருவருக்கு பொருத்தமாக இருக்கும் என்று அறிந்துகொள்ளவும், எவரின் தேர்ந்தெடுப்பு விருப்பமில்லாதது என்று புறந்தள்ளவும் இது ஏதுவாக இருக்கும்.

7. ---ஒரு திரட்டியாக எல்லா குப்பையையும் வாரிக் கொண்டு வர வேண்டுமா இல்லை சில குறைந்த பட்ச விதிகளுக்கு உட்பட்டு நல்ல படைப்புகளை காட்சிப்படுத்தும் இடமாகத் தமிழ்மணம் இருக்க வேண்டுமா---

இவ்விரண்டுமே ஒரே திரட்டியின் மூலமே சாத்தியம். தமிழ்மணத்தின் முகப்பு என்பது கூகிளின் திரட்டி (திரட்டி'ஜி') போல செயல்படலாம். கவனைத்தைக் கோரும் பதிவுகளைக் காட்டும் இடம் - கூகிளின் தேடல் முடிவுகள் பக்கம் போல் அல்லது ஆன்செர்ஸ்.காம் (Answers.com) போல் மாற்றாக விளங்கலாம்.

8. தமிழ்மணத்துக்கு வரும் பதிவர் அல்லாத வாசகருக்கு:

இவர்கள் அன்றாடம் தமிழ்மணத்திற்கு வருகை புரிவதில்லை. இப்படி பிரிக்கலாம்:

தேடலில் எப்படியோ சுட்டி வந்து விழுந்தவர்கள்;
நாளிதழ்/தாளிகைகளில், சன் டிவிக்களில் தமிழ்மணத்தின் உரலைக் கண்டவர்கள்;
நண்பர் சொல்லி புரட்டி பார்க்க வந்தவர்கள்;
யாஹூ டைரக்டரி போன்ற தொடுப்புகளில் சுட்டியவர்கள்;
நேர விரயம் செய்ய abcd தட்டச்சியவர்கள்;

க்ரெய்க்லிஸ்டில் சில மாதம் முன்பு நிகழ்ந்ததை சொல்ல ஆசை.

'போக்கிரி' படத்தில் பிரகாஷ்ராஜ் குத்துவதற்கு முன்பு, சாட்டையடி வாங்கிக் கொண்டு, பாலுறவு கொள்ள வில்லன் விரும்புவார். அப்படிப்பட்ட, கட்டிப் போட்டு காதல் கொள்பவர்களை அழைப்பதாக ஒருத்தி விளம்பரம் கொடுத்தாள்.

'அழைத் தோழனாக இருக்கலாம். வாடகை: $...; உங்களுக்கு விருப்பமேற்படும்போதெல்லாம் என்னை அடித்து, துன்புறுத்தி, என்னையும் மகிழ்வித்து, நீங்களும் துய்க்கலாம்!'

விண்ணப்பங்கள் குவிந்தது. கடைசியில் 'ஏப்ரல் ஃபூல்' என்று சொல்லிவிட்டான். தன்னுடைய உளவியல் படிப்பு சம்பந்தமான ஆராய்ச்சி என்று ஏமாற்று விளம்பரத்தைத் தெரியப்படுத்தினான்.

தமிழ்ப்பதிவுகளைத் தேடி வருபவர்கள் இப்படிப்பட்ட விளம்பரங்களை நாடி வருபவர்கள் அல்ல. செய்தித்தாளில் இருக்கும் பதினாறு பக்கங்களை பத்து நிமிடங்களுக்குள் மேய்ந்து, பத்துக் குறிப்புகளை சுயமாகத் தேர்ந்தெடுத்து, படிக்க விரும்புபவர்கள்.

9. ---எந்த பதிவுகளை எப்படி எங்கு எவ்வளவு நேரம் காட்சிப்படுத்துவது என்ற உரிமை தமிழ்மணத்துக்கு உண்டு.---

ஆதி காலத்தில், இந்த கட்டுரைதான் Op-ed ஆக வரவேண்டும்; இதுதான் முகப்புப் பக்கத்தில் தலைப்பாக வேண்டும் என்று யாரோ நிர்ணயித்தார்கள். இன்றோ (Google tests personalized news feed service | CNET News.com அல்லது Micro Persuasion: What's on Your Google News?) உங்கள் சாய்ஸ் உலகம்.

10. ---என்ன குப்பை எழுதப்பட்டிருந்தாலும் வாரிக் கொண்டு வர கூகுள்---

கூகிளும் 'பக்கத்தின் தர'த்தை சொல்லும் பேஜ் ரேங்க் வைத்திருக்கிறது. தேடல் முடிவுகளை தானியங்கியாக விடாமல், வல்லுநர்களைக் கொண்டு ஏற்றி இறக்கி, கண்ணுக்குத் தெரியாத கடவுளாக செயல்படுகிறது.

கட்டாங்கடைசியாக, 'நல்ல கருத்துக்கள்; பெரும்பாலும் ஒத்துப் போகிறேன்' என்று சொல்லாவிட்டால், குய்யோ முய்யோ என்று சிறு பிள்ளைத் தனமானக் கதறலாகத் தோன்றலாம் என்பதால், தன்னடக்கத்துடன் 'எல்லாமே என்னுடைய ரெண்டனா :-)'

முந்தைய பதிவுகள்:

1. விருப்பப் பட்டியல் - 'தமிழ் வலைப்பதிவுகள் அரங்கம்'

2. வலைப்பதிவு தேவைகள்

3. காலவரிசை

4. பயனர் அனுபவங்கள்

5. தமிழ் வலைப்பதிவுகள் அரங்கம் கருத்துக்கணிப்பு - புதிய, பழைய வார்ப்புருக்கள்

மெய்ந்நிலை மிதத்தல்

2007-02-26T07:10:00.000-08:00

மின்னஞ்சலில் வந்தது

The abiding lessons of civil-rights-movement-era journalism

2007-02-24T23:23:00.000-08:00

கறுப்பர்கள் எவ்வித நிலைக்கு உள்ளாகிறார்கள் என்று மற்ற பத்திரிகையாளர்கள் மட்டுமே உணர்ந்து, எழுதி வந்த காலம். ஆப்பிரிக்க அமெரிக்க சஞ்சிகையாளர்களால்தான் நேரடியாக களத்தில், தங்களுக்கு மட்டும் தெரியக்கூடியதை, பிற அமெரிக்காவிற்கு தெரியப்படுத்தக் கூடிய நிலை. அப்படி அரிதாக இருந்த வெகு சிலரில் ஒருவரான அலெக்ஸ் வில்சன், இங்கேத் தாக்கப்படுகிறார். மீண்டும் எழுந்திருக்கிறார். பின்னால் இருந்து வெறியோடு உதைக்கப்படும் புகைப்படம்.

புத்தகம்: The Race Beat: The Press, the Civil Rights Struggle, and the Awakening of a Nation: Books: Gene Roberts, Hank Klibanoff

நேர்காணல் & நன்றி: Pressing the issue - News - The Phoenix

முந்தைய பதிவுகள்: Forty Million Dollar Slaves | ஆப்பிரிக்க அமெரிக்கர்களின் மாதம்

Hello world! « சாகர அலை

2007-02-23T15:24:00.000-08:00

கல்யாண் நினைவாக...

Hello world! « சாகர அலை:

சுகம் கொடுத்துத்தான் போய்விட்டது என்று நினைக்கிறேன். 8 மணி நேரம் பஸ் பிரயாணம் ஏற்படுத்தியிருந்த அலுப்பு, மிகுந்த ஆயாசத்தைத் தந்தது. டிசம்பர் 1ம் தேதி. சென்னை விட்டு ஈ.சி.ஆர் ரோடு வழியாக கடலூர் வந்து, கடலூரிலிருந்த்து சீர்காழி வழியாக திருக்கடவூர் சென்றிருந்தேன். ஈ.சி.ஆர் டிராவல் கூட பெரிசாகத் தெரியவில்லை. ஆனால் திருக்கடவூர் வழி செம கடி.

மார்கண்டேயர் கதை தெரிந்திருக்கும். அந்த கதை நடந்த இடம் இதுதான். இந்த இறைதான் காலனை அழித்தவர் என்று அறிந்த போது.. பார்க்க வேண்டும் என்ற எண்ணம் மிகுந்தது. அதைவிட அந்த இடம் அபிராமிப்பட்டரால் பாடப்பட்ட அபிராமி அந்தாதியின் இடம் என்று சொல்லிய போது எண்ணம் வலுப்பெற்றே இருந்தது.

மாலை 6 அரை மணி இருக்கும். கோவில் அலாதியாக இருந்தது. ஆங்காங்கே 60 வயசுக்காரர்கள் அந்த மாலை நேரத்திலும் சடங்குகளில் ஈடுபட்டிருந்தார்கள். மார்கண்டேயர் போல காலனை ஒழித்து இன்னமும் பல வருடங்கள் வாழ வேண்டுமென்ற எண்ணம் எல்லோருக்கும் இருக்கத்தான் செய்கிறது போலும். கோவிலின் மேலே சந்திரன் பிரகாசித்துக்கொண்டிருந்தான். மனசு மாறி மாறி யோசித்துக்கொண்டிருந்தது.

அபிராமி சந்திதியில் நுழையும் போது, இங்குதானே சந்திரனை மீண்டும் தோன்றச்செய்த சக்தி மிகு - தாரமர் கொண்றையும் சன்முக மாலையும் - அபிராமித் தேவி என்று மனசு நினைந்து நினைந்து உருகியது. ஆனாலும் அதிக நேரமில்லை…

ஏன் இந்த காலத்தில் அப்படி ஒரு நிகழ்வு நிகழவில்லை. தெய்வம் இவ்வளவு தூரம் தள்ளிப் போய்விட்டதற்கான காரணம் என்ன? கேள்விகள் மனசை துளைக்கத் துவங்கியிருந்தன. கேள்விகள் வந்துவிட்ட பிறகு எல்லாமே எட்டித்தான்!

திரும்ப வரும் போது கிடைத்தது டவுண் பஸ். இந்த பஸ் எனக்கு மிகவும் பிடித்திருக்கிறது. காரணம் பஸ்ஸில் நிகழும் சம்பாஷனைகள். அந்த பேருந்திலும் மிகச் சுவாரஸியமான சம்பாசனை ஒன்றை கேட்க நேர்ந்தது.

December 3rd, 2006 Posted by sakaran | Uncategorized

பெனாத்தலார் என்னைத் தேற்றும் காட்சி

2007-02-23T07:23:00.000-08:00

The Indibloggies கருத்துக் கணிப்பு முடிவுகள் வந்துவிட்டது.

மொத்த வாக்குகள்: 266

Best Indic Blog (Tamil)

சுரேஷ் - 40

செல்வநாயகி - 31

செல்வன் - 28

பாஸ்டன் பாலாஜி - 25

டிசே தமிழன் - 21

குரு - 18

ராமநாதன் - 13

கோவி கண்ணன் - 12

மங்கை - 11

ம சிவகுமார் - 10

சன்னாசி - 9

லக்கிலுக் - 9

பொன்ஸ் - 8

செந்தழல் ரவி - 8

ஜெகத் - 7

அசுரன் - 5

இளவஞ்சி - 4

பிரபு ராஜதுரை - 4

சேவியர் - 3

நான் வாக்களித்தவர்களில் சிலர் வென்றும் இருக்கிறார்கள்:

தொடர்புடைய முந்தைய பதிவுகள்: ஈ - தமிழ்: Tamil Blogs - 2006 | இந்தியப் பதிவுகள் - 2005

தமிழுக்கென்று ப்ளாகர் ஐடி கொண்டு கணிப்பு நடத்திப் பார்க்க வேண்டும். எல்லாவற்றையும் ஒன்று கலந்து burritoவாக குழப்பாமல், பிரித்து, தேர்ந்தெடுத்து வழங்க வேண்டும்.

தினசரி தத்துவம்

2007-02-22T16:08:00.000-08:00

சொல்லவேண்டுமென்று ஆசை. சொல்வதற்கு ஆதாரமோ ஆராய்ச்சியோ தேவைப்படாத பொன்மொழி வகை தத்துவம்.

'எவனோ மார்க் ட்வெயினாம்... எழுதியிருக்கான்.'

'உதிர்த்தது யார் தெரியுமா? இலக்கியத்திற்கான நோபல் பரிசு வென்றவர்.'

'திருக்குறளிலேயே இருக்கிறதே!'

'தேவா பிழைச்சுடுவான்! தேவாவே முனகினான்' என்பது போல் axiomatic premise-ஐ தமிழுக்கு தாரை வார்க்க வேண்டும்.

நாளொரு சூத்திரமும் பொழுதொரு உத்தேசமுமாக பதிந்தால், பாரிசுக்குப் போகாத தமிழனைக் கூட பார் போற்றும்.

என் பங்கு புனைந்துருவாக்கம்:

மதிப்பின்பால் மயக்கம் கொண்டர்வர்தான், முகமூடி மாட்டமாட்டார்.

தெனாலிராமன் மூன்று விரல் காட்டிய கதையாக, விரித்து விளக்கக் கூடாது. தாமரை, நீர்மட்டம் என்று சமாளிக்க வசதிப்படும்.

நீரளவே ஆகுமாம் நீராம்பல் தான்கற்று
நூலளவே ஆகுமாம் நுண்ணறிவு - மேலைத்
தவத்தளவே ஆகுமாம் தான்பெற்ற செல்வம்
குலத்தளவே ஆகுமாம் குணம்.

உங்களின் பகுப்பாய்வு கட்டமைப்புக்காக சில வார்த்தைகள்:

வெறி, கோபம், மூர்ச்சை, வியாதி, நித்திரை, பஞ்சம், பீதி, பயம், அச்சம், படக் படக், நடுங்கல், மருட்சி, கிலி, கூச்சம், கவலை

துலச்சல் இடவும்.

வார்த்தைபெயர்ப்புக்கு: விக்சனரி பின்னிணைப்பு:சிந்தனை சொற்கள் - தமிழ் விக்சனரி (Tamil Wiktionary)-அகரமுதலி / அகராதி - Tamil Dictionary

Law & Order - Special Victims Unit

2007-02-21T22:45:00.000-08:00

கல்கி கார்ட்டூன்

ஜெயா செய்தி: முதல்வரை விமர்சிக்க நீதிபதிகளுக்கு அதிகாரம் இல்லை: ஆர்க்காடு வீராசாமி கடும் தாக்கு

சன் செய்தி: தனது அரசை கண்டித்ததால் நீதிபதி வீட்டுக்கு தண்ணீர் வினியோகத்தை நிறுத்தியவர் ஜெயலலிதா - கருணாநிதி அறிக்கை

என்ன எழுதுவது என்று தெரியாவிட்டால்

2007-02-21T21:42:00.000-08:00

என்னுடைய பதிவின் அடைமொழி வாசகங்களை மாற்றலாம்.

சமீபத்தில் 'டெவில் வியர்ஸ் ப்ராடா' பார்க்கக் கிடைத்தது. தமிழுக்கு நடிப்புச் சுரங்கம் என்றால் சிம்ரன். ஹாலிவுட்டின் தங்கத் தலைவி மெரில் ஸ்ட்ரீப் நடித்த படம். சிம்ரன் போலவே என்றும் பதினாறு. பால்யகால நண்பர்கள் படித்தால், ஸ்ரீதேவியை நெருங்குவதற்கு எவரும் இல்லை என்று சண்டைக்கு வருவார்கள். விசாகப்பட்டினத்திற்கு லொகேஷன் பார்த்து வருபவர்கள், அமர் சிங்காக ஜெயப்பிரதாவிடம் சரண்டையலாம்.

Prada போன்ற காசுக்கு கேடுபிடித்ததை கவனித்தால் ஆபாசம் என்று ஜெஸிலா படம் போடலாம். ஆனால், மெரில் ஸ்ட்ரீப், ஸ்ட்ரீப்டீஸ் எல்லாம் ஆடாமல் வாழ்ந்திருக்கிறார்.

ஹாலிவுட் படங்களில் எனக்கொரு குறை உண்டு. இது டென்சல் வாஷிங்டன் படம்; இது ஜூலியா ராபர்ட்ஸ் கதை. இப்படி செக்குமாடு சுற்றுவதில்லை. மன்சூரியன் அஃபேரில் வில்லி. அடுத்த ப்ரெய்ரி படம், இனிமேல்தான் பார்க்க வேண்டும்.

குறிப்பிட்ட படத்தில் பல நல்ல சொற்றொடர்கள். ஐ.எம்.டி.பி.காம் போல் தமிழில் வரும் பன்ச் வசனங்களைக் கோர்த்து, விக்கிப்பிடியாவில் இணைத்து வைத்தால், வருங்கால சந்ததிக்கு அரிய பொக்கிஷம். 'வாய்ச்சொல்லில் வீரரடி' என்பது கூட பாரதி படத்தில் விஷ்க் சத்தத்துடன் வைத்திருக்கலாம். பெரியாருக்கு என்ன செய்கிறாரோ!

மீண்டும் 'டெ.வி.பி' வருகிறேன். அதில் உருவிய புகழ்பெற்ற மேற்கோளை

'India is my home country; America is my hometown.'

மாற்றி ஸ்னாப்ஜட்ஜுக்கு போட்டிருக்கிறேன்.

சமயத்தில் இரண்டாக மாட்டும்.

ஒன்றை நினைக்கின் அதுஒழிந்திட் டொன்றாகும்
அன்றி அதுவானும் வந்தெய்தும் - ஒன்றை
நினையாத முன்வந்து நிற்பினும் நிற்கும்
எனையாளும் ஈசன் செயல்

சைவத்தைப் பரப்பும் சாக்கில் ஔவையார், 'நினைப்பதெல்லாம் நடந்துவிட்டால்' பாடியிருக்கிறார். சொப்ரானோஸ் பார்த்த போது இரண்டாவது கருத்து மொழி அகப்பட்டது.

அதாகப்பட்டது

“No man, for any considerable period, can wear one face to himself and another to the multitude, without finally getting bewildered as to which one is true.”

இதைத் தூக்கி Nothing Newல் போட்டு வைத்தேன்.

இந்த மாதிரி பதிவெழுதினால் விளங்குகிறதா? கொஞ்ச நேரம் கழித்து படித்து பார்த்தால், காவியத்தை உருவாக்கிய படைப்பாளிக்கு விளங்குமா?

When a man asks for your opinion, it is to endorse his mistake!

What religion do you fit in with?

2007-02-21T20:49:00.000-08:00

நீங்கள் எந்த மதத்தை சேர்ந்தவர்?
அறிந்து கொள்ள மனதிற்குப் பட்ட பதில்களைத் தேர்ந்தெடுக்கவும்.

இப்படித்தான் வரையறுத்திருக்கிறார்கள்:

இது எனக்கு வந்த முடிவு:
You fit in with:
Spiritualism

Your ideals are mostly spiritual, but in an individualistic way. While spirituality is very important in your life, organized religion itself may not be for you. It is best for you to seek these things on your own terms.

40% spiritual.
40% reason-oriented.

Take this quiz at QuizGalaxy.com

Faithful see Jesus in tree

2007-02-16T15:31:00.000-08:00

அந்த மரத்தில் காய் கிடையாது.
கனிகளும் தருவதில்லை.
பட்ட மரம்.

பார்ப்பதற்கு சிலுவையில் அறையுண்ட இயேசுவின் திருவுருவை ஒத்து இருக்கிறது.
அமெரிக்காவின் டெக்சாஸ் மாகாணத்தில் கிரிஸ்டல் நகரத்திற்கு நம்பிக்கையாளர்கள் குவிகிறார்கள்.
இரவில் ஒளிரும் மரத்தில், கிறிஸ்துவை காண்கிறார்கள்.

படங்களை சுட்டினால், அசல் செய்திக்கு இட்டுச் செல்லும். ஒளித்தொகுப்பையும் பார்க்கலாம்.

Love Today - Ponte Milvio Bridge locks

2007-02-15T20:21:00.000-08:00

நீங்கள் தமிழ்ப்படத்துக்கு கதை சொல்ல விரும்புகிறீர்களா?

இதுதாங்க கதை:

1. நம்ம ஹீரோவும் ஹீரோயினும் ரோம் நகரில் சந்திக்கிறார்கள்.
(இங்கு பொருத்தமான ஏற்றத்தாழ்வை நிரப்பிக்கவும்)

2. 'காதல் கைகூடாது' என்று மனதுக்கினியாள் அஸ்து போட, காதலின் அடையாளமாக மேம்பாலத்தில் பூட்டைப் போட்டு, சாவியை நதியில் தூக்கியெறிகிறார்கள்.
(காதல் நிறைவேறவில்லை; ஆனால், பூட்டைத் திறக்க முடியாததால் தங்கள் அன்பின் சின்னம் நிலைத்திருக்கும் என்னும் தாத்பர்யம்.)

3. அந்தப் பூட்டினால் பாலத்தின் அடித்தளமே ஆடுகிறது. சாவியைக் கொண்டு திறக்காமல் பூட்டை உடைத்தால், ரோமாபுரியே மூழ்கிவிடும். உடைக்காவிட்டால் காதல் வென்றுவிடும்!

என்னாச்சு என்பதுதான் க்ளைமேக்ஸ். நாயகன், நாயகி யார்?

சினிமாவுக்கு என்னங்க தலைப்பு வைக்கலாம்?

Notable Books

2007-02-15T13:04:00.000-08:00

சமீபத்தில் என்னைக் கவர்ந்த புத்தகங்கள்.

Final Exam: A Surgeon's Reflections on Mortality: Pauline W. Chen: அனுதினமும் மரணத்தைப் பார்த்துக் கொண்டிருக்கும் மருத்துவரின் அனுபவங்கள், குறிப்புகள். சொந்தக் கதையின் ஓர் அத்தியாயத்தை நியு யார்க் டைம்ஸ் மூலம் படிக்கலாம்: Death Match
Babyproofing Your Marriage: How to Laugh More, Argue Less, and Communicate Better as Your Family Grows: திருமணத்தில் கூட்டு குடும்பத்தில் வாழ்வதால் பாதி குழப்பம் நேரிடுகிறது என்றால், குழந்தை பிறப்பது இடை தடை ஓட்டப்பந்தயமாக்குகிறது. குடும்ப வாழ்க்கையின் கடமைகளை பகிர்ந்து கொள்ள, இல்லறத்தை கடமையாக மாற்றாமல் இருக்க துப்புகள்.

அதிகாரபூர்வ வலையகத்தில் ஒளித்தொகுப்புகளும் கிடைக்கிறது: Babyproofing Your Marriage
Breaking the Spell: Religion as a Natural Phenomenon: Daniel C. Dennett: 'நம்பிக்கை என்பது வேண்டும் நம் வாழ்வில்
லட்சியம் நிச்சயம் வெல்லும் ஒரு நாளில்'
என்பது ஆன்மிகமா? அறிவியலா?

முக்கிய விமர்சனங்கள்: The God Genome - The New York Times Book Review | Religion from the Outside - The New York Review of Books | Reasons To Believe | Guardian Unlimited Books - Beyond belief
The Little Book of Plagiarism: Richard A. Posner: ஷேக்ஸ்பியரே திருடியிருக்கார் என்று உங்கள் எழுத்துக்கு வக்காலத்து வேண்டுமா? மைக்ரோசாஃப்ட் வோர்டில் thesaurus பயன்படுத்தி கட்டுரையாக்குவதையும், எழுத்துக்கு எழுத்து Copyscape செய்பவர்களையும், காப்புரிமை குழப்பங்களையும் சுருங்க அறிய விரும்புபவர்களுக்கான கையேடு.
Leave Me Alone, I'm Reading: Finding and Losing Myself in Books: பெண்ணிய எழுத்தாளர்கள் மாதிரி பெண்ணிய புத்தக விமர்சகரின் நன்விடை தோய்தல். தெரியாத இலக்கியங்களுக்கு அறிமுகமாகவும், படித்த புத்தகங்களின் மீள் பயணமாகவும் வாழ்க்கை அனுபவங்கள் மூலம் அழைத்து செல்லும் அறிமுகம்.

புத்தகத்தில் இருந்து: NPR : Memoir of a Book Lover
Citizen Moore: The Life and Times of an American Iconoclast: ஏற்கனவே ஃபாரென்ஹீட் 9/11 போன்ற் கலாச்சாரத் தாக்கங்களை பெருமளவில் கொடுத்த மைக்கேல் மூரிடம் இருந்து, Sicko, Great '04 Slacker Uprising என்று இரு முக்கிய ஆவணப்படங்கள் வரப்போகிறது. அவரின் மறுபக்கம். விமர்சனங்களை மட்டும் முன்வைப்பவரின் மேல் சில விமர்சனங்கள்.
The Covenant with Black America: ஆப்பிரிக்க அமெரிக்கர்களின் தற்போதைய நிலை என்ன? எப்படி மாற்றம் கொண்டு வருவது? உடல்நலம், மேற்படிப்பு, சட்டம்-ஒழுங்கு, தொழில் நுட்ப பங்களிப்பு, என்று அனைத்துப் பரிமாணங்களிலும் ஆறாண்டுகளுக்கு மேலாக ஆய்ந்தவர்களின் செறிவான கட்டுரைத் தொகுப்பு.

அதிகாரபூர்வ வலையகம்: CWBA | Home Page
Animals in Translation: Using the Mysteries of Autism to Decode Animal Behavior: மதியிறுக்கத்துக்கு உள்ளானவர்கள் படித்துப் புரிந்து கொள்வதை விட பார்த்தே பல கோணங்களில் அலசி அறிபவர்கள். புத்தக ஆசிரியரின் மதியிறுக்கத்துக்கும், பிகாசோவுக்கும் மோனெக்கும் வித்தியாசம் கண்டுபிடிக்கும் புறாவுக்கும் முடிச்சு போடும் ஆய்வுக் கட்டுரைகள். 'உங்களுக்குள்ள இருக்கிற மிருகம் தூங்கிட்டு இருக்கா?'
Garlic and Sapphires: The Secret Life of a Critic in Disguise: Ruth Reichl: சாப்பாட்டு பிரியரா நீங்கள்? உணவருந்துவதை கலையாக ரசித்து, அல்வா முதல் தயிர் வடை வரை எல்லாவற்றுக்கும் சிறப்பான இடங்களைக் கண்டுபிடித்து, எங்கு கல்லூரி நண்பர்களுடன் பானம் பருகலாம், எவ்வாறு கடுப்பேற்றும் அலுவலக சகாவை சரிக்கட்டி சகாயமாக்க தூத்தம் குடிக்கலாம் என்று அலசுபவரா நீங்கள்? நியு யார்க் உணவகங்களில் கிழவராக சென்றால் என்ன மதிப்பு; கற்கால நாகரிகத்தினராக நுழைந்தால் எப்படி வரவேற்பு என்று ஜாலியாக விவரிக்கிறார்.
Fish Face: David Doubilet: "மீன்கள் நிழற்படங்களுக்கு ஒத்துழைப்பதில்லை" என்று ஆரம்பிக்கிறார். 'ஃபைண்டிங் நீமோ'வில் வரும் கதாமந்தர்கள் போல் தினுசு தினுசான முகபாவங்களுடன் ஆயிரக்கணக்கான புகைப்படங்களின் அணிவகுப்பு.

Happy Valentines Day

2007-02-13T14:29:00.000-08:00

அமெரிக்காவில் நிகழும் 11 சதவிகித கொலைகள், வாழ்க்கைத் துணைகளால் அரங்கேற்றப்படுகிறது
43 விழுக்காடு முதல் மணங்கள், பதினைந்து வருடங்களுக்குள் விவாகரத்தில் முடிவுறுகிறது.
மணமுறிவு சம்பந்தமான வருடாந்திர செலவுகள்: $30 பில்லியன் (அமெரிக்காவில் மட்டும்)
அமெரிக்காவில் பத்தில் ஒருவராவது திருமணத்தில் தோல்வி கண்டவர்.

காதலர் தின வாழ்த்து : )

திருவிளையாடல் ஆரம்பம்

2007-02-10T21:31:00.000-08:00

படம் ரொம்ப நன்றாக இருக்கிறது. வேற எதுவும் சொல்லத் தோன்றவில்லை. பார்த்தேன்; கேட்டேன்; ரசித்தேன்.

ஒரு துளி வசனம்:

'அம்மா... எல்லாரும் ஹார்லிக்ஸ் போட்டு பையனை வளர்ப்பாங்க!
நீதான் போலீஸ்கிட்ட போட்டுக் கொடுத்து பையனை வளர்க்கிறே.'

படம் முழுக்கவே பளிச் மயம்.

விமர்சனம் அவசியம் படிக்க வேண்டும் என்றால் கூகிளை நாடவும். இந்த சுட்டியையும் தட்டலாம்: Arunkumar: திருவிளையாடல் ஆரம்பம் - 1

Forty Million Dollar Slaves

2007-02-09T12:21:00.000-08:00

சென்ற வாரம். ஞாயிற்றுக்கிழமை. காலை செய்தித்தாள் புரட்டல். மிஷேலின் (Michelle Singletary) பத்தி 'மாலை மலர்' பிட் நோட்டிஸ் தலைப்புடன் சுண்டியிழுக்கிறது. (படிக்க: Athletes Black and Blind)

Color of Money புத்தகக்குழுவின் பரிந்துரையாக "Forty Million Dollar Slaves: The Rise, Fall, and Redemption of the Black Athlete"ஐ சொல்லியிருந்தார். அமெரிக்காவில் ஃபெப்ரவரி மாதம் கறுப்பர் இனவரலாறு மாதமாகக் கொண்டாடுகிறார்கள். (தொடர்பான பதிவு: இந்தியாவில் இனவெறி | உள்ளும் புறமும்)

அமெரிக்க விளையாட்டுகளில் கூடைப்பந்து மிகவும் பிடித்தம். விறுவிறுப்பு நிச்சயம். எண்ணற்ற கறுப்பின வீரர்களில், மைக்கேல் ஜோர்டான் தனித்து தெரிவார். மந்தகாசப் புன்னகை. கொஞ்ச நாள் சிகாகோக் கரையோர வாசம். இவையும் காரணமாக இருக்கும்.

நைக்கி காலணி விளம்பரங்களுக்காக நிறைய சம்பளம் பெறுகிறார். சிலருக்கு வயிற்றெரிச்சல். மிஷேலுக்கு இந்தப் பணத்தை தங்கள் இனத்துக்கு மறு முதலீடு செய்யவில்லையே என்னும் வருத்தம். வில்லியம் (William C. Rhoden) புத்தகமாகவே எழுதி விட்டார்.

கறுப்பினத்தை ஏழ்மையும் வேலயில்லாத் திண்டாட்டமும் பீடித்திருக்கிறது. அவர்களில் பணம் வந்த சிலருக்கோ பதவிசு இல்லை என்கிறார் ஆசிரியர்.

காசு மட்டும் தானம் வழங்கினால் போதுமா? மேற்சென்று, கொஞ்சம் நேரம் அவர்களுக்கு ஒதுக்க வேண்டாமா? வருஷத்துக்கு சில தடவை தங்கள் இனத்தவரை சந்தித்தால் போதாது. அவர்களின் சமூக சித்தாந்தத்துக்குக் கொடி பிடிக்க வேண்டும் என்கிறார் புத்தகத்தை எழுதியவர்.

விளையாட்டு வீரர்களுக்குப் பணத்தைக் கொட்டிக் கொடுக்கும் ஆதிக்க முதலாளிகளின் பிடியை விட்டு ஜோர்டான்கள் வெளிவரவேயில்லை. விசுவாசத்தை விட்டுக் கொடுக்காமல் நன்றியுடன் வாலாட்ட வைக்கிறார்கள்.

மைக்கேல் ஜார்டனுக்கு இருக்கும் மதிப்பை சரிவர பயன்படுத்தலாம்.

பதின்ம வயதுக்கு வந்தவுடன் சீர்திருத்தப் பள்ளியை விட்டு வெளியேற்றப்படுபவர்களுக்காக...
கத்ரீனா சூறாவளியால் பாதிக்கப்பட்டவர்களுக்காக...
டோப்பு விற்று பாழாய்ப் போகும் சிறார்களுக்காக...
சரியான வழிகாட்டி இல்லாமல் தறுதலையாய் சுற்றுபவர்களுக்காக...
கழுத்தில் காசுமாலை, கையில் தோட்டாவுடன் நாகரிகத்தைப் பின்பற்றுபவர்களுக்காக...
பள்ளிப் படிப்புக்கு தூண்டுகோல் இல்லாமல், குடும்ப அமைப்பிலும் பின்புலம் கிடைக்காதவர்களுக்காக...

அணியில் ஆடும்போது கைகோர்த்து வெற்றியை எட்டுகிறார்கள். மைதானத்தை விட்டு வந்தவுடன் விளையாட்டாக நினைத்து தங்கள் குழுவிற்காக குரல், காசு, கொடுக்கலாமே!

அசல் விமர்சனம்

Tomato Potato Onion

2007-02-09T10:20:00.000-08:00

Surveyசன் -ஆக்கியவன் அல்ல அளப்பவன். Free Surveys!: சிறந்த புகைப்பட வித்தகர் - போட்டிக்காக இந்த மாதிரி படம் எடுத்தால் நிராகரிக்கப்படும். அனைத்து ஆக்கங்களிலும் 'வேறு ஐட்டமும் படத்தில் இருக்கவே கூடாது.'

1.

2.

3.

4.

5.

6.

அனைத்துப் படங்களையும் சுட்டினால், அசலாக எடுத்தவரின் ஜாகைக்கு இட்டு செல்லும்.

HBO Ads for Hollywood in Hindustani - Today's Email Forward

2007-02-09T07:02:00.000-08:00

5 glorious years of bringing Hollywood to India.
HBO simply the best.

Agency: DDB Mudra Communications, New Delhi, India
Art director: Nabha Shetye
Copywriter: Talha Bin Mohsin
Photographer: Nagendra S Chikkara

இந்தியாவின் விளம்பரங்கள் அமெரிக்கா வந்த பிறகு இன்னும் பிடித்திருக்கிறது. 'கண்ணைப் பார்! சிரி' என்று அமெரிக்கா மிரட்டும். இந்தியாவோ, 'என்னைப் பார்; என் அழகைப் பார்!' என்று பல் இளிக்காமல், டச் செய்பவை.

எல்லாமே ரத்தினங்கள்தான்: இந்தியா | Ads of the World

Eelam Today

2007-02-08T15:56:00.000-08:00

1. ஆயுதக் கடத்தல்: போராளிகளுக்காகக் கடத்தப்படவிருந்த 5,000 கிலோ இரும்பு குண்டுகள் & பலகோடி மதிப்புள்ள ஹெராயின் போதைப் பொருள்

அம்பாறை, மட்டக்களப்பு, மன்னார், வவுனியா, யாழ்ப்பாண மாவட்டங்களுக்குச் சென்று வந்த பிரிட்டன், கனடா, ஆஸ்திரேலியா, சுவீடன், அமெரிக்கா மற்றும் ஐரோப்பிய கமிஷன் பிரதிநிதிகள் இதைத் தெரிவித்துள்ளனர். சண்டையில் ஈடுபடுபவர்கள் சாதாரண மக்களைக் கேடயமாகப் பயன்படுத்தி, தாக்குதல் நடத்துகின்றனர்.

2. விடுதலைப்புலிகள் கஞ்சா வளர்த்ததாகக் காண்பிக்கும் காட்சிகள் காட்டப்பட்டன

அம்பாறை மாவட்டத்தில் கஞ்சிக்குடிச்சாறில் உள்ள விடுதலைப்புலிகளின் முகாமில் கஞ்சாச் செடிகள் வளர்க்கப்பட்டிருந்ததாகக் கூறப்படும் வீடியோ படங்களை, இலங்கை பாதுகாப்புத் துறையினர் செய்தியாளர்களுக்குக் காண்பித்திருக்கிறார்கள்.

3. ஜனாதிபதிக்கு மாலை அணிவித்த அர்ச்சகர் கொலை

விடுதலைப்புலிகளின் கட்டுப்பாட்டில் இருந்து இலங்கை இராணுவத்தினரால் மீட்கப்பட்ட வாகரைப் பகுதிக்கு கடந்த வெள்ளிகிழமை இலங்கை ஜனாதிபதி விஜயம் செய்திருந்தார். அப்போது அங்கு அவரை வரவேற்றவர்களில் சந்திவெளிப் பிள்ளையார் கோயிலின் அர்ச்சகர் செல்லையா பரமேஸ்வரக் குருக்களும் அடங்குவார்.

முழுமையான ஈழ செய்திகளுக்கு: Puthinam.com

இந்திய தினசரிகளில் ஈழம் குறித்த செய்திகளின் தொகுப்பு: LTTE :: Tamil News

முந்தைய டுடே பதிவு: Hinduism Today

Today's Email Forward

2007-02-08T12:18:00.000-08:00

கற்பனை நன்றாக வேலை செய்திருக்கிறது

இது புரியவில்லை

இது புரியாத மாதிரி புரியுது

It happens only in a Democrazy

2007-02-08T08:35:00.000-08:00

சென்னை மாநகராட்சி தேர்தல்: மா. சுப்பிரமணியன் போட்டியின்றி தேர்வு- சுயேச்சை வாபஸ் ஆகிறார்

எதிர்க்கட்சியான அதிமுக மற்றும் மதிமுக இத் தேர்தலைப் புறக்கணிப்பதால் அக்கட்சிகள் சார்பில் யாரும் இத்தேர்தலில் மனுத் தாக்கல் செய்யவில்லை. பதவி விலகிய மேயர் மா. சுப்பிரமணியன் 140-வது வார்டில் வேட்புமனு தாக்கல் செய்துள்ளார். அவரை எதிர்த்து தேமுதிக சார்பில் அறிவிக்கப்பட்ட வேட்பாளர்கள் வேட்புமனு தாக்கல் செய்யவில்லை. கடைசி நேரத்தில் சுப்பிரமணியன் என்பவர் தேமுதிக வேட்பாளராக அறிவிக்கப்பட்டார். அவரது வேட்புமனு தள்ளுபடி செய்யப்பட்டது.

அதிமுக & மதிமுகவை எதிர்க்கட்சி என்று இந்த செய்திக்குறிப்பு அடைமொழி தருவது தவறு. ஆளுங்கட்சிக்கு எதிராக போட்டியிடாவிட்டால், அவர்களும் மைனாரிட்டி கூட்டணிக்கு வெளியில் இருந்து ஆதரவு தருகிறார்கள்.

'ஜீ நியூஸ்' தொலைக்காட்சி, நிருபருக்கு உச்ச நீதிமன்றம் நோட்டீஸ்

குஜராத்தில் கீழ்நீதிமன்றங்களில் நடைபெறுவதாகக் கூறப்படும் ஊழல்கள் குறித்து வெளிப்படுத்த, ஜோடிக்கப்பட்ட ஒரு வழக்கில், ஆமதாபாத் கீழ்நீதிமன்றத்தில் லஞ்சம் கொடுத்து குடியரசுத் தலைவர் அப்துல் கலாம், உச்ச நீதிமன்ற தலைமை நீதிபதி வி.என்.கரே, நீதிபதி பி.பி.சிங் மற்றும் உச்ச நீதிமன்ற வழக்கறிஞர் ஆர்.கே.ஜெயின் ஆகியோருக்கு வாரண்ட் பிறப்பிக்கப்பட்டது. இதுதொடர்பான செய்தியை ஜீ நியூஸ் தொலைக்காட்சி ஒளிபரப்பியது.

Counsel for Gujarat said a committee appointed by the Gujarat High Court exonerated the magistrate and he was reinstated in service.

லஞ்சம் பெற்றுக்கொண்ட விபச்சாரி நீதிபதி குற்றமற்றவர். குற்றத்தை வெளிக்கொணர்ந்தவர் மேல் வழக்கு.

100 Days of Kindergarten - Final Project Details

2007-02-05T19:46:00.000-08:00

பத்து பொருட்களை எடுத்துக் கொள்வது. ஒவ்வொன்றிலும் பத்து பத்தாக சேர்ப்பது என்று முடிவானது. சாப்பாடு அயிட்டங்கள் முன்னிலை வகித்து, சாக்லேட், cereal என்று தொடங்கியது. திடீரென்று பாதை மாறி விளையாட்டு காய்களைக் கோர்க்கலாம் என்று முடிவானது.

முதலில் செட் சேர்க்கும் சீட்டாட்டம்

இன்னொரு வகை சீட்டுக்கட்டு - ஃபிஷ் என்னும் கண்டுபிடிப்பு விளையாட்டு

சிறிய பொம்மை பலூன்கள்

குட்டி அடுக்குமாடி கட்டிட செங்கல்

அலைபாயுதே படப்பாடல் ஞாபகத்துக்கு வரலாம்

ஜெம் என்பதற்கு அகரமுதலியைப் புரட்டி அர்த்தம் பார்க்க வைத்தாள்

வண்ண வண்னக் கோலங்கள்

செக்கர்ஸ் காய்கள்

சதுரங்கம் இல்லை... அது மாதிரி இன்னொரு ஆட்டம்

எல்லாவற்றையும் ஒட்டும் படலம்

வெற்றிகரமான நூறாவது நாள்

முந்தைய பதிவு: E - T a m i l : ஈ - தமிழ்: Help - 100 days of Kindergarten : Ideas Required

எண்ண மழையாகக் குவித்து எங்களுக்கு உதவிய இலவசக்கொத்தனாருக்கும், ஆதிரை, சிந்தாநதி, பொன்ஸ், செந்தழல் ரவி, பாலராஜன்கீதா, சர்வேசன், ஜி, பத்மா அர்விந்த், சேதுக்கரசி & மற்றவர்களுக்கும் வணக்கங்கள்.

The 48 Laws of Power

2007-02-05T11:57:00.000-08:00

Never Outshine the Master

தலைவனின் தோள் மட்டுமே வளர்

Never put too Much Trust in Friends, Learn how to use Enemies

நண்பர்களை நம்பாதே. எதிரிகளை உபயோகிக்க அறி

Conceal your Intentions

நோக்கங்களை புதை

Always Say Less than Necessary

சுருங்க சொல்

So Much Depends on Reputation - Guard it with your Life

கீர்த்தியை கா

மற்றவற்றையும் அறிய: The 48 Laws of Power | The 48 Laws of Power - Wikipedia