12-பி ரீமேக்
படம் பெயர்: Sliding Doors (சறுக்கும் கதவுகள்)
தமிழில்: 12-B
நடிகர்கள்: "ஷேக்ஸ்பியரின் காதல்" புகழ் க்விநெத் பால்ட்ரோ
"பேஸிக் இன்ஸ்டின்க்ட்" புகழ் ஜீயான்
மற்றும் பலர்
ஒற்றை வரிக்கதை: பஸ்ஸுக்கு பதிலா ட்ரெயின்;
ஷாமுக்கு பதிலா க்விநெத்.
விலாவரியாக: வழக்கம்போல் எழுந்து வேலைக்கு செல்லும் ஹீரோயினை, சீட்டைக் கிழித்து வீட்டுக்குத் துரத்துகிறார்கள். ஹெலன் பாதாளவண்டியின் மூடும் கதவுக்குள் நுழைந்து சென்றால்/செல்லாவிட்டால் என்ன என்ன நடக்கக் கூடும்? டக்குன்னு புடிச்சா காதலனுடைய கள்ளத்தொடர்பு பளிச். அத்தோட விட்டது சனின்னு, சுடச்சுட ஒரு புது "அலைபாயுதே" "மாதவன்" வேற டாவடிக்கறார். இன்னொரு பக்கம் ஜேப்படி, ஏமாற்றும் வீட்டுக்காரன், பெண்டு கழற்றும் வேலைன்னு ஒரே சோகம்.
க்ளைமாக்ஸ்: 12-B முடிவுதான் இங்கும் :(
தெரிந்து கொண்டது: ஒரு நாவல் எழுதினால் போதும். கோடீஸ்வரர் ஆகி விடலாம். (தமிழில் அல்ல; ஆங்கிலத்தில்)
தெரிந்து கொள்ள வேண்டியது: இந்தப் படமும் சுட்ட பழம்தான். குறுட்டுத் யோகம் (Kieslowski's "Blind Chance"/"Przypadek") என்னும் படத்தை/கதையை அடிப்படையாகக் கொண்டது. அவர் இன்னும் சூப்பர்; மூன்று கிளைகள்.
மனதில் நிற்கும் வசனங்கள்:
முதல் சந்திப்பில் "மாதவன்" ஹீரோயினிடம் - "அலையலையான முடியோட, பூனைக்கண்ணோட, சுமாரான அழகாத்தான் இருந்தாலும் உன்னை எனக்குப் பிடிச்சிருக்கு"
அமெரிக்கக் காதலி ரெண்டுக் காதலிக்காரனிடம் - "நான் ஒரு பொண்ணு! எனக்கு என்ன வேணும்னு சொல்ல மாட்டேன்; ஆனா வேண்டியது கிடைக்கலேன்னா கெட்ட கோபம் வரும்."
பட(ங்களின்) அறிவுரை(கள்):
* எல்லாருக்கும் எல்லாவாட்டியும் நல்லதே நடக்காது.
* பல நாள் திருடன் ஒரு நாள் அகப்படுவான்.
* வாழ்க்கையே சோகமா இருந்தாலும் எப்படியாவது வெளிச்சம் கிட்டும்.
* "கோடீஸ்வரி"யில் வேண்டுமானால் கேள்விகளுக்குப் பொறுமையாக பதில் சொல்லலாம்; நிஜ வாழ்க்கையில் எகிறிடும்.
(செப். 16 - 2002)
Sliding doors , 12B போலவே ஒரு பேஸ்பால் பிளேயரின் வாழ்க்கையில் வரும் திருப்புமுனைப்பற்றி ஒரு படம் வந்ததாக நண்பர்களுடன் கதைக்கும் போது கேள்விப்பட்டிருக்கிறேன். படம் பெயர் மறந்துவிட்டது. என்ன படம் என்று உங்களுக்கு தெரியுமா ?. நீங்கள் non-linear style படமாகிய Sliding doors பற்றி பதிவுசெய்துள்ளீர், இதைப்போலவே (just non-linear, but not 'the forking story') Memento என்ற படமும் உள்ளது. ரொம்ப சுவாரஸ்யமான படம் இல்லை என்றாலும் மிக வித்தியாசமான திரைக்கதை, வித்தியாசமான திரைப்பட முயற்சி.
சொன்னது… 5/24/2004 07:11:00 AM
பேஸ்பால் ஆட்டக்காரர் படம் என்ன என்று தெரியவில்லை. விளையாட்டை மையமாக வைத்து எடுக்கும் படங்கள் அதிகம் பார்க்காததால் எனக்கு அறிமுகமாகவில்லை.
'மெமண்டோ' குறித்து நீங்கள் ஒரு வரியில் சொன்னது போல் --ரொம்ப சுவாரஸ்யமான படம் இல்லை என்றாலும் மிக வித்தியாசமானது--- முதல் தடவை பார்த்தபோது ஒன்றும் புரியவில்லை. இரண்டாம்/மூன்றாம் என்று பார்த்தபோதுதான் படத்தின் மொத்த ரூபமும் புரிந்தது.
சமீபத்தில் பார்த்த 'Amores Perros' என்னும் ஸ்பானிஷ் படம் வித்தியாசமான திரைக்கதை + சுவாரசியம் குன்றாத விவரிப்பு.
சொன்னது… 5/24/2004 08:23:00 AM
கருத்துரையிடுக