E - T a m i l : ஈ - தமிழ்

அமெரிக்காவின் ஒஹாயோ மாநிலத்தில் டெய்ட்டன் நகரில் உள்ள மசூதியில் இரம்சானை கொண்டாடும் பொருட்டு முன்னூறு பேர் குழுமியிருந்தனர்.

பெற்றோர்களும் கலந்து கொள்வதற்கு வசதியாக குழந்தைகளுக்கான காப்பகமும் மசூதிக்குள்ளேயே இருந்தது. அந்தக் காப்பகத்துக்குள் அடையாளம் தெரியாத இருவர் நச்சுப்பொருள் நிறைந்த மருந்தை அடித்தனர்.

தொழுகையில் இருந்த பலருக்கும் மூச்சுத் திணறல் ஏற்பட்டது. கூட்டத்தில் இருந்த முதியவர்கள் சுவாசிப்பதற்கு சிரமப்பட்டனர்.

ஒரு குழந்தை உட்பட இருவர் மருத்துவமனையில் அனுமதிக்கப்பட்டுள்ளனர். மற்றவர்களுக்கு அங்கேயே அவசர சிகிச்சை அளிக்கப்பட்டது.

'இது போன்ற ஒன்று இதுவரை நடந்ததேயில்லை. மிகவும் கலக்கமாக இருக்கிறது' என்று டெய்டன் நகர இஸ்லாமியக் குழுவின் உறுப்பினர் தாரிக் (Tarek Sabagh) குறிப்பிட்டார்.

மேலும் விவரங்களுக்கு: Terrorists attack Ohio mosque - City of Brass

இடுகையிட்டது Boston Bala நேரம் 9/30/2008 02:58:00 AM 0 கருத்துகள்

லேபிள்கள்: African-Americans, Attack, Children, Islam, Kids, Mosque, Muslim, News, Terrorism, US

கறுப்பர்கள் எவ்வித நிலைக்கு உள்ளாகிறார்கள் என்று மற்ற பத்திரிகையாளர்கள் மட்டுமே உணர்ந்து, எழுதி வந்த காலம். ஆப்பிரிக்க அமெரிக்க சஞ்சிகையாளர்களால்தான் நேரடியாக களத்தில், தங்களுக்கு மட்டும் தெரியக்கூடியதை, பிற அமெரிக்காவிற்கு தெரியப்படுத்தக் கூடிய நிலை. அப்படி அரிதாக இருந்த வெகு சிலரில் ஒருவரான அலெக்ஸ் வில்சன், இங்கேத் தாக்கப்படுகிறார். மீண்டும் எழுந்திருக்கிறார். பின்னால் இருந்து வெறியோடு உதைக்கப்படும் புகைப்படம்.

புத்தகம்: The Race Beat: The Press, the Civil Rights Struggle, and the Awakening of a Nation: Books: Gene Roberts, Hank Klibanoff

நேர்காணல் & நன்றி: Pressing the issue - News - The Phoenix

முந்தைய பதிவுகள்: Forty Million Dollar Slaves | ஆப்பிரிக்க அமெரிக்கர்களின் மாதம்

இடுகையிட்டது Boston Bala நேரம் 2/24/2007 11:23:00 PM 0 கருத்துகள்

லேபிள்கள்: African-Americans, Black, Books, History

சென்ற வாரம். ஞாயிற்றுக்கிழமை. காலை செய்தித்தாள் புரட்டல். மிஷேலின் (Michelle Singletary) பத்தி 'மாலை மலர்' பிட் நோட்டிஸ் தலைப்புடன் சுண்டியிழுக்கிறது. (படிக்க: Athletes Black and Blind)

Color of Money புத்தகக்குழுவின் பரிந்துரையாக "Forty Million Dollar Slaves: The Rise, Fall, and Redemption of the Black Athlete"ஐ சொல்லியிருந்தார். அமெரிக்காவில் ஃபெப்ரவரி மாதம் கறுப்பர் இனவரலாறு மாதமாகக் கொண்டாடுகிறார்கள். (தொடர்பான பதிவு: இந்தியாவில் இனவெறி | உள்ளும் புறமும்)

அமெரிக்க விளையாட்டுகளில் கூடைப்பந்து மிகவும் பிடித்தம். விறுவிறுப்பு நிச்சயம். எண்ணற்ற கறுப்பின வீரர்களில், மைக்கேல் ஜோர்டான் தனித்து தெரிவார். மந்தகாசப் புன்னகை. கொஞ்ச நாள் சிகாகோக் கரையோர வாசம். இவையும் காரணமாக இருக்கும்.

நைக்கி காலணி விளம்பரங்களுக்காக நிறைய சம்பளம் பெறுகிறார். சிலருக்கு வயிற்றெரிச்சல். மிஷேலுக்கு இந்தப் பணத்தை தங்கள் இனத்துக்கு மறு முதலீடு செய்யவில்லையே என்னும் வருத்தம். வில்லியம் (William C. Rhoden) புத்தகமாகவே எழுதி விட்டார்.

கறுப்பினத்தை ஏழ்மையும் வேலயில்லாத் திண்டாட்டமும் பீடித்திருக்கிறது. அவர்களில் பணம் வந்த சிலருக்கோ பதவிசு இல்லை என்கிறார் ஆசிரியர்.

காசு மட்டும் தானம் வழங்கினால் போதுமா? மேற்சென்று, கொஞ்சம் நேரம் அவர்களுக்கு ஒதுக்க வேண்டாமா? வருஷத்துக்கு சில தடவை தங்கள் இனத்தவரை சந்தித்தால் போதாது. அவர்களின் சமூக சித்தாந்தத்துக்குக் கொடி பிடிக்க வேண்டும் என்கிறார் புத்தகத்தை எழுதியவர்.

விளையாட்டு வீரர்களுக்குப் பணத்தைக் கொட்டிக் கொடுக்கும் ஆதிக்க முதலாளிகளின் பிடியை விட்டு ஜோர்டான்கள் வெளிவரவேயில்லை. விசுவாசத்தை விட்டுக் கொடுக்காமல் நன்றியுடன் வாலாட்ட வைக்கிறார்கள்.

மைக்கேல் ஜார்டனுக்கு இருக்கும் மதிப்பை சரிவர பயன்படுத்தலாம்.

• பதின்ம வயதுக்கு வந்தவுடன் சீர்திருத்தப் பள்ளியை விட்டு வெளியேற்றப்படுபவர்களுக்காக...
  
• கத்ரீனா சூறாவளியால் பாதிக்கப்பட்டவர்களுக்காக...
  
• டோப்பு விற்று பாழாய்ப் போகும் சிறார்களுக்காக...
  
• சரியான வழிகாட்டி இல்லாமல் தறுதலையாய் சுற்றுபவர்களுக்காக...
  
• கழுத்தில் காசுமாலை, கையில் தோட்டாவுடன் நாகரிகத்தைப் பின்பற்றுபவர்களுக்காக...
  
• பள்ளிப் படிப்புக்கு தூண்டுகோல் இல்லாமல், குடும்ப அமைப்பிலும் பின்புலம் கிடைக்காதவர்களுக்காக...
  

அணியில் ஆடும்போது கைகோர்த்து வெற்றியை எட்டுகிறார்கள். மைதானத்தை விட்டு வந்தவுடன் விளையாட்டாக நினைத்து தங்கள் குழுவிற்காக குரல், காசு, கொடுக்கலாமே!

அசல் விமர்சனம்

இடுகையிட்டது Boston Bala நேரம் 2/09/2007 12:21:00 PM 2 கருத்துகள்

லேபிள்கள்: African-Americans, Basketball, Black, Books, Color of Money, Forty Million Dollar Slaves, History, Michael Jordan, Michelle Singletary, Opinion, Review, Translation, William C. Rhoden