E - T a m i l : ஈ - தமிழ்

கதையைப் படிக்க ஆரம்பித்தவுடன் ஜெ.க. யாராகவோ இருக்கலாமோ என்ற ஊகம் மனதில் ஓட ஆரம்பித்தது. ஆனால் கதையோட்டம் அதை நிறுத்திவிடவே கதையில் ஆழ்ந்துவிட்டேன். அருமையாக இருந்தது. ஆனால் ஊகம் தொடர்ந்திருந்தால் கதை தொலைந்துபோயிருக்குமோ என்ற ஐயம் இப்போது வருகிறது.

குமுதத்தில் இருந்து:

Jeyakaanthan - Maanpumigu Manithargal

Ilaiyaraja - Maanbiku Manidhargal

பாபா,

இந்தக் கதையைப் படித்ததும் ஜெ.மோ.வுக்கு ஒரு பெரிய கடிதம் எழுதினேன். அதைப் பகிர்ந்து கொள்வது பற்றிப் பிறிதொரு தடவை யோசிக்கலாம். :-)

நீங்கள் எடுத்துப் போட்டிருக்கிற பகுதிகளைவிடச் சிறந்த வர்ணனைகள் கதையில் உள்ளன. உதாரணமாக, கருவறையில் நிற்கும் மூலச்சிலையின் தனிமை போன்ற விவரிப்புகளைச் சொல்லலாம்.

நான் புரிந்து கொண்டவரையில், இந்திய ஆன்மீகத்தின் பல்வேறு முகங்களில் இருமுகங்களை இக்கதை சிறப்பாகக் காட்டுவதாகக் கூறலாம். குறிப்பிட்டுக் கூறவேண்டுமெனில், ஞான மார்க்கம் (இதைவிடச் சித்த மார்க்கம் என்பது ஜெ.கே.வுக்குப் பொருந்தும்) மற்றும் பக்தி மார்க்கம். ஜெ.கே. ஞான மார்க்கம். ராஜா பக்தி மார்க்கம். இரண்டையும் ஜெ.மோ இக்கதையில் ஊடாடவிட்டுப் பார்த்திருக்கிறார்.

இந்தக் கதை பற்றிய உங்கள் புரிதலும் நீங்கள் எழுதியுள்ளவையும் "தட்டை"யாக இருப்பதாக என் சிற்றறிவுக்குத் தோன்றுவதால் வாய்ப்பளித்தமைக்கு நன்றி கூறி இத்துடன் என் சிற்றுரையை முடித்துக் கொள்கிறேன். :-)

- பி.கே. சிவகுமார்

-----அதைப் பகிர்ந்து கொள்வது பற்றிப்----

என்னை மாதிரி மக்களுக்காகவாவது அந்தக் கடிதத்தைப் பகிர வேண்டுகிறேன்.

படிக்கவேண்டிய தொடர்புள்ள ஜெயமோகனின் புத்தகத்தைக் குறித்த சுட்டிகள்:

Thinnai: இந்து ஞான மரபில் ஆறு தரிசனங்கள் நூலின் அணிந்துரை - சோதிப் பிரகாசம்

கீதை,வர்ணம் : விளக்கங்கள், வியாக்கியானங்கள், விமர்சனங்கள் - ஒரு குறிப்பு

சிவவாக்கியர் திருவாக்கியங்கள்

Thinnai:
அஞ்ஞானமும் ஒளிச்சுடரும் (இந்து ஞானமரபில் ஆறு தரிசனங்கள் - ஜெயமோகனுடைய கட்டுரைநூல் அறிமுகம் ) - பாவண்ணன்

மரத்தடி.காம்(maraththadi.com) - கேள்வி/பதில் -19: "இந்து ஞான மரபில் ஆறு தரிசனங்கள்" என்ற தலைப்பை வைக்கும்போது, இடதுசாரிகள் "இந்திய ஞான மரபு" என்று அழைப்பதைக் குறிப்பிட்டு, அது தவறான புரிதலில் எழுந்த ஒன்று என்று குறிப்பிட்டுள்ளீர்கள். ஜவஹர்லால் நேரு, The Discovery of Indiaவில் "நமது பழைய இலக்கியங்களில் 'ஹிந்து' என்னும் சொல் காணப்படவில்லை. கி.பி. 8-ஆம் நூற்றாண்டைச் சேர்ந்த ஒரு தந்திரிக நூலில்தான் முதன்முதலாக இந்தச் சொல் காணக்கிடைக்கிறது என்று தெரியவருகிறது. இந்த நூலில் ஒரு மதத்தினரை அல்லாமல், ஒரு மக்களைத்தான் 'ஹிந்து' என்னும் சொல் குறிக்கிறது" என்று எழுதியுள்ளதை திரு.சோதிப் பிரகாசம் தன் அணிந்துரையில் எடுத்துக் காட்டியிருக்கிறார். இதன் அடிப்படையில் பார்க்கும்போதும் கூட, "இந்து ஞான மரபில் ஆறு தரிசனங்கள்" என்ற தலைப்பே பொருத்தமானது என்று எண்ணுகிறீர்களா? ஆமெனில், ஏன் என்று விளக்க முடியுமா?"