திங்கள், அக்டோபர் 16, 2006

Desipundit plans to close shop

தேசிபண்டிட் வலைப்பதிவிற்கு மூடுவிழா. தமிழில் இருக்கும் பதிவுகளிலிருந்து தேர்ந்தெடுத்த சுட்டிகளை துளசியும் (துளசிதளம்) டுபுக்கும் (Dubukku- The Think Tank) கோர்த்துக் கொண்டிருந்தார்கள்.

ஆரம்பத்தில் ஆங்கிலத்தில் இருக்கும் எண்ணற்ற இந்திய வலைப்பதிவுகளில் மேய பொறுமை இல்லாதவர்களுக்காகத் தொடங்கப்பட்டது தேஸிபண்டிட். தமிழில் தமிழ்ப் பதிவுகள், தமிழ்மணம், தேன்கூடு, இருப்பது போல் ஆங்கிலத்தில் இம்புட்டு வசதிகள் கிடையாது.

இடதுசாரி பதிவர்களுக்கென்று விஐபி ஒருவர் இருப்பார். வலதுசாரி, கிரிக்கெட், சினிமா, அச்சுபிச்சு, சென்னை, நிழற்படம் என்று ஆளுக்கொரு கிரவுண்ட் கட்டி பின்னூட்டத்தில் ஜமாபந்தி கச்சேரி அமர்க்களப்படும்.

ரொம்ப காலம் முன்பு நான் சின்னப்பையனாக இருந்தபோது ப்ளாக்மேளா நடத்தி வந்தார்கள். கூத்தாக சுவாரசியமாக இருந்தது. தமிழ் வலையின் அசுவாரசியங்களை பருக்கை விடாமல் கவனித்ததினால், 'ப்ளாக்மேளா' (blogmela - Google Search) ஏன்/எதற்கு/எப்படி முக்கியத்துவம் இழந்து நிறுத்தப்பட்டது என்று அறியேன்.

கிட்டத்தட்ட வலைப்பூ (site:valaippoo.yarl.net வலைப்பூ yarl - Google Search & Valaippoo) & இந்த வார தமிழ்மண நட்சத்திரம் மாதிரி ப்ளாக்மேளா நடந்து வந்தது. வாரம் ஒரு வலைப்பதிவர். தனக்குப் பிடித்த, தீர்க்கமாக எழுதப்பட்ட பதிவுகளை உரல் கொடுத்து இரண்டு வரி விமர்சனம் வழங்கி, வாசகர்களுக்கு கலங்கரை விளக்கமாக செயல்படுவார்.

பல பதிவர்களும் சொந்தமாக எழுதுவதையே பெரிதும் விரும்பியதாலும், பற்பலரின் பல்லாயிரக்கணக்கான பதிவுகளை படித்து டெலீட் செய்ய முடியாததாலும், இந்த ப்ளாக்மேளாவில் சுணக்கம் விழுந்திருக்கும்.

தமிழுக்கு கூகிள் தேடல் போல் (Google Blog Search: site:http://) ஆங்கிலத்திலும் டெக்னோரட்டி தேடலும் கூகிளும் மட்டுமே பெரும்பாலும் கை கொடுத்தது. காமத் போன்ற சிலரின் அட்டவணை, இற்றைபடுத்தாத இடுகைகளையும் காட்டி சோர்வுறச் செய்யும். சுன்சுனா, மைடுடே, இண்டிப்ளாக், சுலேகா, தேஸிப்ளாக்ஸ், ப்ளாக்தேசம் என்று திரட்டிகள் குட்டி போட்டு பெருகினாலும், தேசிபண்டிட் தொடங்கிய காலத்தில் இருந்த குறைபாடுகள், இவற்றில் இன்னும் களையப்படவில்லை.

இதன் அடுத்த பரிணாமமாக பூங்கா, கில்லி - Gilli, போன்று முன்மாதிரி சேவையை தேஸிபண்டிட்காரர்கள் சுபயோகதினத்தில் துவக்கினார்கள். ஆங்கிலத்தில் பிடித்த, பார்க்கவேண்டிய, சர்ச்சைக்குள்ளான, தேமேயென்று அப்பாவியான, சோப்ளாங்கியல்லாத எழுத்துக்களாக தேர்ந்தெடுத்து கோர்க்க ஆரம்பித்தார்கள்.

மோகம் முப்பது நாள் கணக்காக, சூட்டோடு சூடாக, இண்டிப்ளாகீஸ் (The Indibloggies » The Word is out) தேர்தலிலும் வெற்றிவாகை சூடியது. அதே தேர்தலில் (Best IndiBlog directory/service/clique) தமிழ்மணத்தை ஆயிரத்து சொச்சம் தமிழ் வாக்காளர்களே வாக்குசாவடிக்கு சென்றோ செல்லாமலோ காலைவாரி விட்டது தனிக்கதை.

ஆசை அறுபது நாள் முடிந்ததும் அழுத்தங்கள் ஆரம்பித்தது. தேர்தலில் தில்லுமுல்லு என்னும் பொருமலுடன் மெல்ல துவங்கிய சர்ச்சைகள், 'என்னை இணைப்பதில்லை', 'இந்தக் கருத்தை ஒதுக்குகிறார்கள்' என்னும் விம்மலுடன் வெடித்தது. இன்று தேஸிபண்டிட்டிற்கு அஸ்தமனம்.

தொடர்பான முக்கியமான சில பதிவுகளும், கருத்தைக் கவர்ந்த கருத்துகளும்:

  • A Dash of Ash » Goodbye DesiPundit: "I miss the joys of lively online discussion, whether it’s about weighty issues or silly ones. I realized that when I read blogs these days, I read them with the focus of evaluating them for DesiPundit - which is a rather horrifying realization. In short blogging is no longer a joy, and has become a chore."

  • Recursive Hypocrisy.: Why people blog 101 - கொஞ்சம் கொணஷ்டையான கோணங்கிப் பார்வை (அதாகப்பட்டது, மாற்று கருத்தோட்டம்)

  • Shutting Down DesiPundit at Nerve Endings Firing Away - தொடங்கி வழிநடத்தியவரின் காரணங்கள், வழக்கமாக கேட்கப்போகும் வினாக்களுக்கான பதில்கள்.

  • Desipundit, No More at Psychotic Ramblings Of A Mad Man… - உறுப்பினரின் உடனடி எண்ணங்கள், மாற்று வலைப்பதிவு தொடங்குவதற்கான கால்கோள்

  • DesiPundit » Archives » Farewell - அசல் பதிவில் வெளியான அறிவிப்பு

  • No more DesiPundit at Within / Without: When DP started it was one of the first places to do everyday links. Which was a shift away from the Weekly/ (moody) Monthly Blog Melas. But over time, I was getting a little annoyed with the constant nitpicking of some select readers who accuse that DP contributors were biased.


    ரெண்டணாக்கள் போடாவிட்டால் சில்லறை தேறாது என்பதால்...

  • தனி மனித விமர்சனங்களை எதிர்கொள்வது எளிது; குழுவாக அவற்றைத் தாங்கிக் கொள்ளும்போது முரண்களும் தடைக்கற்களும் எழும்.

  • தேஸிபண்டிட் போல் முகம் தெரிந்த குழுக்களின் வலைப்பதிவுகளில் என்ன எழுதுகிறார்களோ, அதுவே குழுவின் நோக்கமாக நாமகரணமிடப்பட்டு, சாயம் தீட்டி, வண்ணம் அடிக்கப்படும்.

  • இந்த மாதிரி ஏதாவது மூடினாலோ, திறந்தாலோ, ஏப்பை சாப்பையாய் நாலைந்து பேர் ஏழெட்டு பதிவுகளை இட்டு ஆறேழு நாள்களை ஓட்டிக் கொள்வார்கள்.



    | |

  • 9 கருத்துகள்:

    // ஏழெட்டு பதிவுகளை இட்டு //
    அப்போ இன்னும் ஆறேழு வரப் போகுதா!!!

    நல்ல பதிவு.. அப்படியே, கில்லியின் வரலாறுன்னு அதைப் பத்தியும் ஒரு பதிவு போடுங்களேன்..

    ---இன்னும் ஆறேழு வரப் போகுதா!---

    நித்திராதேவியும் நியு மேலாளரும் என்ன நினைக்கிறாங்களோ? அதை பொறுத்து பெருக்கலாம் : )


    ---கில்லியின் வரலாறுன்னு அதைப் பத்தியும் ஒரு பதிவு---

    சாதித்தவர்களுக்கு வரலாறு இருக்கும்... நண்பர்களின் சேமிப்பு வங்கி் கணக்குகளான கில்லிக்கோ, பற்று (பாஸ்புக்) புத்தகம்தான் கொடுக்க முடியும் ; )

    // ரெண்டணாக்கள் போடாவிட்டால் சில்லறை தேறாது என்பதால்...//

    :-))))O


    // தனி மனித விமர்சனங்களை எதிர்கொள்வது எளிது; //

    ?????

    // தேஸிபண்டிட் போல் முகம் தெரிந்த குழுக்களின் வலைப்பதிவுகளில் என்ன எழுதுகிறார்களோ, அதுவே குழுவின் நோக்கமாக நாமகரணமிடப்பட்டு, சாயம் தீட்டி, வண்ணம் அடிக்கப்படும்.//

    !!!!!


    //இந்த மாதிரி ஏதாவது மூடினாலோ, திறந்தாலோ, ஏப்பை சாப்பையாய் நாலைந்து பேர் ஏழெட்டு பதிவுகளை இட்டு ஆறேழு நாள்களை ஓட்டிக் கொள்வார்கள்.//

    1 :->>
    2,3,4,5,6,7 ????

    It is a good news.Desi Pundit IMHO
    did not consider blogs worth mentioning and everything was left to whims and fancies of the persons who chooses from the blogs.
    Regarding Tamil blogs it was a disaster (again IMHO) as neither Premalatha nor Thulasi did a good
    job.They chose what they liked,
    not what was good or better.
    So I shed no tears for demise
    of DesiPundit.It deserves a simple
    decent burial or funeral without
    any sentimentality about the demise.Saying good riddance would
    be too unpolite.

    நித்திராதேவி- your better better half :)

    ---நித்திராதேவி- your better better half---

    பத்த வச்சுட்டீங்களே ; )

    சோ.பை.

    ---2,3,4,5,6,7 ????---

    வெயிட்டீஸ் விட்டுருக்கேன்; போட்டுடலாம் : P

    ---did not consider blogs worth mentioning and everything was left to whims and fancies of the persons who chooses from the blogs.---

    Did U try using their hat-tip page? Let me bring a must-add-but-really-no-need metaphor here : )

    Everybody watches TV. It is like changing channels. Sometimes, I stumble upon something interesting. If I have my favorite programs, actors, themes and one might stick to them.

    It is pretty rare that I like something from MTV. But, when I was channel surfing I got into MTV cribs, which got me hooked. There might be so many goodies out there, which I may be missing; unless and until those folks have a promo or one of my friend enlightens, it is virtually impossible to be self-sufficient.

    கில்லி - Gilli » DP is back again!

    கருத்துரையிடுக

    புதிய இடுகை பழைய இடுகைகள் முகப்பு