நேயர் விருப்பம்
சூரியன் எப்.எம்மை கூப்பிடலாமா அல்லது ரேடியோ மிர்ச்சியை அழைக்கலாமா என்று சிந்தனையில் இருக்கிறார் சிறையில் வாடும் ஜெயேந்திரர். அவர் கேட்க நினைக்கும் பாடல்:
"ஆட்டுவித்தால் யாரோருவர் ஆடாதாரே கண்ணா
ஆசையென்னும் தொட்டிலிலே ஆடாதாரே கண்ணா"
ஜயேந்திரரும் விஜயேந்திரரும் பேசிக் கொண்டால்
(ஜயேந்திரர்:) "சக்கை போடு போடு ராசா...
உன் காட்டிலே மழை பெய்யுது
(விஜயேந்திரர்:) டேய்... என்னடா பாட்டில பேச ஆரம்பிச்சுட்டே
ஆமா... மழை பெய்யுது... நீ வந்து குடை பிடி.."
ஜெயலலிதாவை தொலைபேசியில் கூப்பிட்டு காத்திருக்கும்போது ஒலிபரப்பப்படும் கீதம்:
"கனவுகளே கனவுகளே காலமெல்லாம் வாரீரோ
நினைவுகளே நினைவுகளே நின்று போக மாட்டீரோ?"
ஜெயலலிதாவுக்காக ஜெயேந்திரர் ஒலிபரப்ப கேட்கும் பாடல்:
"பகாவலி நாட்டிலே பகாவலி ஆட்சியிலே
நியாயமாய் வாழவும் வழியுமில்லையே
இது அநியாயம் அநியாயம்
இங்கே ஆண்களைப் பெண்கள் அடிமையாக்கும் அநியாயம்"
ஜூவியும் நக்கீரனும் போட விரும்பும் பாடல்:
"நீங்கள் அத்தனை பேரும் உத்தமர்தானா சொல்லுங்கள்
உங்கள் ஆசை நெஞ்சைத் தொட்டுப் பார்த்துக் கொள்ளுங்கள்"
சிவகாசி ஜெயலட்சுமிக்கு ஜெயேந்திரர் அர்ப்பணித்த பாடல்:
"மாப்பிள்ளைய பார்த்துக்கடி மைனாக்குட்டி
எனக்கு மந்திரத்தச் சொல்லிப்புடு நைசா தட்டி"
ஜெயிலர் ரிலாக்ஸ் செய்ய கேட்கும் பாடல்:
"வரதப்பா வரதப்பா கஞ்சி வரதப்பா
எங்கப்பா..?"
தமிழ்ப்பாடல்களில் திடீர் ஆர்வம் காட்டும் அத்வானி கேட்க விரும்பிய பாடல்:
"அவரா செய்தார் இருக்காது... அப்படி எதுவும் நடக்காது...
நடக்கவும் கூடாது... நம்பமுடியவில்லை இல்லை... இல்லை!"
விஜயேந்திரர் விரும்பிக் கேட்ட பாடல்:
"சுமைதாங்கி சாய்ந்தால் சுமை என்ன ஆகும்"
விஜயேந்திரர் மனதுக்குள் முணுமுணுத்த பாடல்:
"நீயும் நானுமா
கண்ணா... நீயும் நானுமா"
ஜெயலலிதா மனதுக்குள் முணுமுணுத்த பாடல்:
"முத்து நகையே உன்னை நானறிவேன்
கத்துங்கிளியே என்னை நீயறிவாய்
நம்மை நாம் அறிவோம்"
கலைஞர் பெப்ஸி உமாவின் 'ஜெயச்சந்திரன் உங்கள் சாய்ஸை'க் கூப்பிட்டு ஜெயேந்திரருக்காக பாடல் வழங்குகிறார்:
"ஆறு மனமே ஆறு
அந்த ஆண்டவன் கட்டளை ஆறு"
சங்கர்ராமன்:
"சொன்னாலும் வெட்கமடா சொல்லாவிட்டால் துக்கமடா
துக்கமில்லாமல் வெட்கமில்லாமல் வாழுகிறேன் ஒரு பக்கமடா"
எல்லாவற்றையும் பார்க்கும் பொதுஜனம்:
"யாரைத்தான் நம்புவதோ பேதை நெஞ்சம்
அம்மம்மா பூமியிலே யாவும் வஞ்சம்"
எல்லாவற்றையும் படிக்கும் இணையஜனம்:
"ஒண்ணுமே புரியலே உலகத்திலே
என்னமோ நடக்குது மர்மமா இருக்குது"
கடவுளும் ஜெயேந்திரருக்காக தனக்குப் பிடித்த பாடலை போஸ்ட்கார்டில் ஓல்ட்-பேஷண்டாக விவிதபாரதிக்கு அனுப்புகிறார்:
"நல்லவர்க்கெல்லாம் சாட்சிகள் இரண்டு
ஒன்று மனசாட்சி
இன்னொன்று தெய்வத்தின் சாட்சியம்மா"
கடவுள் பொதுமக்களுக்காக விரும்பிக் கேட்ட பாடல்:
"தம்பிக்கு ஒரு பாட்டு
அன்புத் தங்கைக்கு ஒரு பாட்டு
வாழ்வில் நம்பிக்கை வளர்வதற்கு உதவும்
நான் சொல்லும் கதைப்பாட்டு"
-பாஸ்டன் பாலாஜி
அத்வானியும் பொதுஜனமும் நல்ல சாய்ஸ்:-))
சொன்னது… 11/16/2004 03:57:00 PM
இந்தப் பதிவைப் பார்த்து எங்களுக்குள்:
சிரிப்பு வருது சிரிப்பு வருது
சிரிக்கச் சிரிக்கச் சிரிப்பு வருது..
சொன்னது… 11/16/2004 05:01:00 PM
கலக்கல் பாபா!
இவுங்களுக்கெல்லாம் சேத்து வச்சி தலைவர் படத்துல அன்னிக்கே பாடிட்டாரு!
சந்தோஷி சந்தோஷி சந்தோஷி நீ சந்தோஷம் (கொன்றாடும்) சன்யாசி. மாயா மாயா எல்லாம் மாயா
சொன்னது… 11/16/2004 08:22:00 PM
பேயர் விருப்பம்;
கொலை செய்யப்பட்ட சங்கர் ராமன் , அவரது மனைவியை பார்த்து பாடுவது:
"எங்கிருந்தாலும் வாழ்க" ? :)
சொன்னது… 11/17/2004 07:12:00 AM
நான் டி.எம்.எஸ் தொண்டன். (அப்புறம் கொஞ்ச நாள் கழித்து எஸ்.பி.பி அடிப்பொடியாகி, இப்பொழுது மாணிக்க விநாயகம் ரசிகனாகி இருக்கேன் :-)
கார்த்திக்ராமஸ்: அவங்களை 'மன்னவனே அழலாமா... கண்ணீரை விடலாமா...' எனப் பாட வைக்காத வரைக்கும் சரிதான்!
சொன்னது… 11/17/2004 12:40:00 PM
சிரிப்பு வருது சிரிப்பு வருது சிரிக்க சிரிக்க சிரிப்பு வருது
சின்ன மனுஷன் பெரிய மனுஷன் செயலைப் பாத்து சிரிப்பு வருது
சொன்னது… 11/17/2004 12:48:00 PM
கருத்துரையிடுக